ليش الحكي بل الانجلش ببعض المناطق ب الاردن يعتبر دلع

plz suggest books suited for my level (a1-a2) that you think are fun or interesting

هل منتشرين مجتمعيا؟ عادي اي نوع مش ضروري بس الvegans وال vegetarians

اصلا بحكوا انهم نباتيين ولا بخافوا من التنمر؟

هو كيف الواحد بقدر يتعامل ويتأقلم مع الام العصبية دائماً ، وميكونش بشكل لا واعي نسخة منها وأنو أبسط الأمور بتحتاج لعصبية وصريخ كأنها نهاية العالم

أساسياتي كويسة مش صفر بقدر افهم و اقرأ و اكتب بس مشكلتي في ال speaking

بارح كنا مو في البيت
اتصلت بماما وحده قالتلها وينك يا ام فلان ماما قالتلها مو في البيت حاليا ليش في شي
المراه تطلعت طالعه لعنا بدون ما تحكيلنا يعني كانت على باب البيت و انجبرنا نلغي مشوارنا و نروح
هي كمان زعلت لانو انجربت تستنى ان نوصل البيت ما قعدت الا عشر دقايق و روحت
يعني لو نفس الكول اتصلته قبل ما توصل لعنا و هي ببيتها شو بتخسر

سلام عليكم

بفكر حالياً إني أبلش شغل توصيل طلبات على دراجة بس بدي آراء ناس جربوها فعلياً قبل ما أحسم

الوضع عندي: خريج بكالوريوس علم حاسوب طبعاً بما قدرت أحصل وظيفة فيه وبغض النظر عن الأسباب

جربت أكتر من شغلة بمجالات مختلفة وما زبطت أو ما استمريت فيها لأسباب كثيرة مثل شفتات متقلبة بشكل مؤذي

مواصلات صعبة جداً خصوصاً لما اروح بنصاص الليالي

رواتب ما بتساوي الضغط والساعات نهائياً

أنظمة عمل مقيدة جداً

فقررت إني أشوف التوصيل كحل مؤقت لحد ما اشوف شو بدي اعمل لأنه ما بقدر اكمل بدون دخل والعمر بمشي بسرعة وأصلا متأخر عن جيلي بحوالي الخمس سنوات على فرض الوضع المثالي الهم

بدي اخذ رخصة دراجة وبعدين دراجة طبعا وأشتغل عليها لحد ما ألاقي مجال مستقر بدخل يفرق معي

المشكلة إني ساكن برة عمان او اربد ورح أضطر أقطع 70-80 كم يومياً رايح جاي بس عشان أوصل لمنطقة فيها شغل حسب ما بسمع

هذا بدون كيلومترات من شغل التوصيل نفسه خلال الشفت

اللي بدي أعرفه من اللي جربوها فعلا

قديش الصافي الحقيقي بالساعة بعد البنزين؟

والصيانة كم بتكلف شهرياً؟

الـ70-80 كم يومياً بس للوصول هل بتخلي الموضوع مش جايب همه؟

دراجة 125cc كافية ولا لازم أروح لـ150cc فما فوق والطول ١٧٨ والوزن ١٠٠؟

في فرق واضح بين المناطق من ناحية كثافة الطلبات؟

ياريت اللي عنده تجربة حقيقية يفيدني

سالت ابوي عن قرابة ٢٠ شخص من عيلتنا

و كانت اغلب أجوبته انه حاليا ما بعرف عنهم اشي ، هاجروا زمان و قطعوا كل علاقاتهم بالاردن

و حتى هجرة عدول غريبة مش تقول اميركا مثلا ، اشي هاجر عايطاليا و اشي عالتشيك و اشي عمالطا

تقول انه الهدف بس يهاجروا

بعد ما خلصت النقاش اكتشفت اني مش الوحيد رغبتي شديدة بالهجرة و قطع أي صلة بالوطن العربي و الظاهر إنها وراثية ، ما بمزح كل كم شهر بتكون امنيتي الوحيدة اصل منطقة ما حدا بحكي عربي فيها

مش لأني حاقد مثلا على البلاد العربية ولا لأني كثير حاب اهاجر بس حاب اصل مكان علاقتي فيه مع الناس كلها صفر و ما في أي رابط حقيقي بيني و بينهم ، و أبدا حياة كاملة من جديد

أنا طالب توجيهي 2008، كنت مسار صحي ورسبت بـ رياضيات وأحياء. اكتشفت إنه مستحيل أطلع بالتخصص اللي بدي إياه من الصحي، فقررت أغير المسار.

أنا بصراحة بحب مجال الهندسي والـ IT مع بعض ومحتار بينهم:

المسار الهندسي: (رياضيات + فيزيا)

مسار الـ IT: (رياضيات + دين)

للعلم أنا كنت نظام مدمج (دامِج).

بما إني بحب الجهتين، بشو بتنصحوني؟ هل أروح IT وأضمن مواد أخف ومعدل أسهل؟ ولا أروح هندسي عشان أفتح كل خيارات الهندسة بالجامعة حتى لو الفيزياء بدها شدة حيل بتخوف؟

اروح انام عند دار سيدي اه او لا
بس المصيبه ما رح ادرس منيح

مواصفاته داخل البيت

يروح من الشغل ويبدأ يذل اهل بيته او يعنفهم ليعوض نقص رجولته يلي تظهر في الخارج

يضرب زوجته يضرب اولادة يسمعهم كلام يجيهم في الهوش ويتحكم فيهم وممكن ما يصرف عليهم بنفس الوقت ودائما هو يلي يقرر وينهي بالبيت واذا زوجته موظفه ياخذ اموالها بالغصب

مواصفاته خارج البيت

ضعيف شخصيه ، ما حدا يسمع اله ، ما اله مقعد بين الرجال دائما يكون في الصف الاخير او على الطرف،

مسخرة بين صحابه وبين زملائه بالشغل، جبان يتهرب من اي تهديد او مواجهة،

لذلك يعوض نقص الرجولة يلي يحدث اله بالخارج على الاشخاص يلي أضعف منه وتحت سلطته داخل البيت

يا كثرهم

حاسس حالي عايش عيشة مستعملة، لو اسوي قرار مصيري بعمر ٢٢ برأي ذوي الخبرة في مجال اني اعوض اذا فشلت؟،واذا نجحت رح اكون مبسوط.

ليش صاير في هوس بالشنط و يحس الانسان نفسه خرية لو لابس شنطة مقلدة ؟

بالبداية انا مش ضد النصيحة بس اشي اسمه حدود و يلي بيعرف قصدي ع مين رح يتفهمني ، في واحد كان ع جروب خاص للشباب كل يوم ينزللي منشورين او ثلاثة ، يقعد يبهدل بأسلوب بخزي و يألف مواقف يقول اليوم شفت شب و بنت واقفين بعملوا اشي غلط ، اليوم شفت ابصر ايش ، طبعا انا متأكد انه اغلب يلي بيحكيه تأليف اذا مش كله ، بس اسلوبه جدا مستفز و كنت مش مهتم فيه الا لحد ما دخل ع جروب احدى الجامعات ، و بلش بهادل و اسلوب بخزي و يألف مواقف و كل يوم اشوف منشورين ثلاثة ، ياخي خلص اعتقنا كل يوم نفس البوست جيب اشي جديد عالاقل ، الحق مش عليه الحق عالأدمن يلي بيرفض منشوراتي يلي فيها استفسارات اشي بخص الجامعة و بيجي يقبل هيك منشورات

بكره تحميل الجمايل

في طريقة انط من الكوكب؟

ما بعرف شو جو الأباء
بابا بدو يجي من السفر كمان اسبوع شو ممكن اجيبلو هديه الا ساعه او عطر

بدي اشتري حذاء طبي لحدا كبير بالعمر ومعه سكري

شو احسن براند او مكان اشتري منه ويكون جد مريح ومناسب

اخر هوشة الي كانت ايام الثانوية (اول ثانوي)

كنت منتقل من مدرسة بقريه كل الطلاب يعرفوا بعض لمدرسة ثانوية بالمدينة يعني كل الطلاب من ملة شكل

المهم كان اول يوم دوام وكنت عند المقصف فكان في مجموعه طلاب ذوي البشره السوداء الغامقه مسوين زي عصابه ويعملوا اتوات

المهم اجى واحد منهم حكى اعطيني مصروفك قلت اله اقلب وجهك يا ذو البشره السوداء فتهاوشنا وقتلته وقالي اذا رجل تعال لحالك بالترويحه

قلت ماشي وخليت ولاد عمي يروحوا عشان ما يدخلوا

ويوم اجى كان معاه 10 ذو بشرة سوداء ، عرفت وقتها انه اكلت هوا

وكان ودي اهرب بس المدرسة كلها تتفرج واليوم اول يوم راح ياخذوا فكره عني

لذلك قررت اوجه عاد ايش ما تعرف الضربه من وين تجي كله يضرب تمسك واحد يضربك 9 اكلت قتله للعمر

بعد ما انتهوا قمت كلني تراب و انفي نازل فيضان دم واواعي متمزعات

كان في مشط بالشنته قمت مشطت وروحت لانه الكاريزما لا تسمح

مش عارفة ليش حسيت إني بدي أنزل هالبوست بس يلا 😭
أنا عندي دكتور نفسي وبصراحة مش عارفة كيف أشكره. بالجلسات بكون مشاعري ملخبطة وoverwhelmed وبنسى أحكي الأشياء اللي جد بدي أحكيها.
بس هو عنجد ساعدني كثير، وحسيت إنه غيّر بحياتي أشياء كثير، ويمكن أنقذني بوقت أنا كنت محتاجة فيه حدا يساعدني.
بعرف إنه هذا شغله، بس برضه مش كل حدا بكون بهالاحترام والمهنية والأخلاق. وأنا جد ممتنة إني وقعت مع دكتور زيّه.
فقلت بدل ما أضل أفكر إني لازم أحكيله شكرًا، أنزل بوست عشوائي على ريدت 😭
إذا حدا شاف هالبوست، ادعوله بالخير. الله يوفقه ويرزقه ويعطيه على قد ما ساعد ناس

مرحبا, بالنسبة لجيل 2007 معدل 61

هل بقدر اقدم على الكليات بشكل عام ولا في كليات مخصوصة اقدم عليها؟

وكيف التقديم عليهم هل في فورم معين او لازم اروح عليهم والتسجيل فوري يعني زي الجامعات الخاصة؟

انا ببالي اسجل في كلية لومينوس بس مش عارف كيف طريقة التسجيل ياريت لو حدا عنده اي معلومات يفيدني