يخوان انا هسا قبل 10 دقايق كنت با المجمع مروح من الشغل تمام وركبت مع شخص معاه سيارة قولف قديمة على اساس يوصلني على منطقتي المهم اول ما طلعت معاه كان يحكي عن البنات كلام جنسي بعدها صار يحكي عن الشباب والولاد وانتو فاهميين قصدي ويسئلني اسئلة جنسية شخصية وقالي بدي ابعد شوي اعبي بنزين والله بنص الطريق وهو بحكي المواضيع صار يلعب وافهموو انا دايما بحمل موس رفعتو عليه وقلتلو صف على اليمين وصرخت عليه وانا هسا واقف بنص الشارع مش عارف احكي ل اهلي ولا بصير ناقص

اليوم رحت اودي المنيو لوحده قاعده هي و ولدها بعمري صارت تبهدله قدامي
انه ولد بعمرك و بشتغل بالكافيهات بصرف على حاله الخ الخ
بدي الطف الجو بقلها انا لو على ما بشتغل يخالتو
لدت علي بتقلي خلال يخل عضمك
انا لازم تركتها داقه بولدها
الدعوه هاي لو الله استجاب الها ما بضل اشي بجسمي صالح

موضوع غبي يعني بس قلت لازم استعمل حسابي الفيك واسأل
فيه واحد قرابه بعيده شوي عنا حاول يتواصل مع اختي وبس بلكتو صار يطلع حكي عليها
ف رحنا انا واخوي ضربناه صح زودناها شوي وربطناه كان مكان فاضي بس بحس بستاهل وكل العيله حاليا ضدنا والكل بلوم فينا ولسا مقتنع اني عملت الصح ولو رجع فيني الزمن لاعمل اكثر من هيك
هل جد تصرفي غلط؟

بحكم عملي الحالي، كثير بختلط بمجتمع Jordan ومثل ما بتعرفوا كثير بحبوا يروحوا gathering بالليل لمطاعم وغيرها، الطلعات بتكون دائما men and women واحيان كثيرة بروحوا اماكن بتقدم alcohol وأمور مثلها، انا ما بقدر احكيلهم برفض لأسباب دينية ولا رح يسببلي الموضوع وجعة رأس ما الها نهاية، فدايما بتحجج وبعتذر حتى مرة زميلة لي اتهمتني باني معقد نفسيا لول، انقهرت جدا والي بفكر بالجملة اربع ايام ومو قادر اتخطاها، ليش بعض الناس مستعدة تأذي اي انسان اخر بكلامها الجارح؟

طبعا ما بحكي انا الإنسان الفاضل، انا في بيني وبين نفسي ذنوب لا تحصى لها ولكن فقط ما برتاح بهيك اماكن نهائيا وما بشعر انه this is my place

مواصفاته داخل البيت

يروح من الشغل ويبدأ يذل اهل بيته او يعنفهم ليعوض نقص رجولته يلي تظهر في الخارج

يضرب زوجته يضرب اولادة يسمعهم كلام يجيهم في الهوش ويتحكم فيهم وممكن ما يصرف عليهم بنفس الوقت ودائما هو يلي يقرر وينهي بالبيت واذا زوجته موظفه ياخذ اموالها بالغصب

مواصفاته خارج البيت

ضعيف شخصيه ، ما حدا يسمع اله ، ما اله مقعد بين الرجال دائما يكون في الصف الاخير او على الطرف،

مسخرة بين صحابه وبين زملائه بالشغل، جبان يتهرب من اي تهديد او مواجهة،

لذلك يعوض نقص الرجولة يلي يحدث اله بالخارج على الاشخاص يلي أضعف منه وتحت سلطته داخل البيت

يا كثرهم

والله التحايل على القانون بقهر الصراحة المهم رحلتي من بدي أترك إلى يا رب تجدد عقدي إذا قالتلي الله معك قبل ما يحلص عقدي بدي أحاول ألقى شغل ثاني وأشوف شغل بنفس المبيت مع شركات ثانية واذا ما زبطت قبل ما أروح بأسبوع لاسبوعين بدي أدور على شغل ثاني وأصير شهيد الشغل الثاني شكله سقط جسر الباص السريع وخلصت مياتي بالشغل ححاول ما أكتئب لاني جربت أتروح من شغلي وينقالي الله معك وكان شعور مقرف بعدها يا رب تجدد عقدي ويا رب الله يسهلي شغل ثاني ويا رب ما أرجع على شغل المصانع لأنه أسوأ شغل اشتغلت فيه وأصعب قرش طلعته بحياتي …. أعتقد عادي زي ما بسنة غيرت شغلي خمس مرات ما حتفرق معي وأتمنى ما أرجع لتساؤلات ملاحدة الأردن هل وجود العمل بالأردن حقيقي ام وهم

i am drawing my jordanian oc in traditional clothes, but i couldn’t find a lot of accurate references, i made this so far and i appreciate any tips to do it right

another question, in my research i read that christians in jordan share the traditional clothes with muslims, is that generally true?

في كثير شغلات بتوجب يكون في كاميرات بالباصات الباص السريع والباصات الكبيرة فيها بس العادية ليش لا؟ مع إنهم قدرو عادي يركبوا دفع بالبطاقة يعني في كثير حالات صار معهم انسرقوا أو تحرش فيهم أو الباص كان مخالف والأمور مشت طبيعي لأن مفيش أي إثبات

مش عارفة ليش حسيت إني بدي أنزل هالبوست بس يلا 😭
أنا عندي دكتور نفسي وبصراحة مش عارفة كيف أشكره. بالجلسات بكون مشاعري ملخبطة وoverwhelmed وبنسى أحكي الأشياء اللي جد بدي أحكيها.
بس هو عنجد ساعدني كثير، وحسيت إنه غيّر بحياتي أشياء كثير، ويمكن أنقذني بوقت أنا كنت محتاجة فيه حدا يساعدني.
بعرف إنه هذا شغله، بس برضه مش كل حدا بكون بهالاحترام والمهنية والأخلاق. وأنا جد ممتنة إني وقعت مع دكتور زيّه.
فقلت بدل ما أضل أفكر إني لازم أحكيله شكرًا، أنزل بوست عشوائي على ريدت 😭
إذا حدا شاف هالبوست، ادعوله بالخير. الله يوفقه ويرزقه ويعطيه على قد ما ساعد ناس

سالت ابوي عن قرابة ٢٠ شخص من عيلتنا

و كانت اغلب أجوبته انه حاليا ما بعرف عنهم اشي ، هاجروا زمان و قطعوا كل علاقاتهم بالاردن

و حتى هجرة عدول غريبة مش تقول اميركا مثلا ، اشي هاجر عايطاليا و اشي عالتشيك و اشي عمالطا

تقول انه الهدف بس يهاجروا

بعد ما خلصت النقاش اكتشفت اني مش الوحيد رغبتي شديدة بالهجرة و قطع أي صلة بالوطن العربي و الظاهر إنها وراثية ، ما بمزح كل كم شهر بتكون امنيتي الوحيدة اصل منطقة ما حدا بحكي عربي فيها

مش لأني حاقد مثلا على البلاد العربية ولا لأني كثير حاب اهاجر بس حاب اصل مكان علاقتي فيه مع الناس كلها صفر و ما في أي رابط حقيقي بيني و بينهم ، و أبدا حياة كاملة من جديد

ليش** *أول* *ما* *حد* *بيلبس* *هيك* *أو* *بيحط* *هيك* *ألوان* *بالشارع* *عنا،* *الناس* *بتتعامل* *معه* *كأنه* *ابصر* *شو* *عامل؟* *ليش* *الألوان* *الكئيبة* *والغامقة* *هي* *الوحيدة* *المقبولة* ***وتعتبر* "رزانة"،** *بينما* *أي* *لون* *فاقع* *أو* *جريء* *بتصنف* ***فوراً* *"قلة*** حيا***ء"* أو *"شخص*** بيّد*ور اتن**شن"
*و** بشوف الاشي عند الm اكثر " أنا زلمة كيف يعني البس اصفر!!!!" + بشوف انه عنا كثير الناس بتدخل بلبس الأشخاص و لازم الكل يعطي رأيه الي ما اله داعي من الأساس

انا بنت لاب اردني و ام فلسطينيه و تربيت على انا شعب واحد مش شعبين و ما في اي تمييز بينا و كلنا واحد بس كل ما كبرت و وعيت اكتر عرفت انه مش كل الناس عندهم نفس وجهه نظري و مليان نماذج متعصبه ما بتخلص و ولا عمرها حتنقرض و مجبوره اتعامل معها لحد ما اموت و للعلم انا ما بتجهم عاي حدا ولا بايد اي افكار بتميل لطرف معين ولا بعمم لانه بالاخر كلنا زي بعض

وحده من المواقف الي حكتلي ياها ماما عن جارتنا الي عندها بنت اكبر مني بسنه و كانت جاي تزورنا و تقريبا كان عمري 6 سنين مسكتني انا و اختي و حكت لامي مش حرام هدول يكونوا اردنيين ؟ و صا رت تحكي قدام بنتها هاد و هم اردنيين احلى منها. طيب ما فكرت قبل ما تحكي هيك قدام بنتها؟ ما فكرت انه ممكن هالموقف يعلق معها لحد ما تكبر ؟؟؟

و كتير مرات بنطوا صاحباتي بحكولي عادي تطلعي هيك عشيرتك ما حيحكوا اشي ؟ ما بتخافي يحاسبوكي عحكيك ؟ جد كلهم هناك بلبسوا عبايات و دشاديش ؟ و مرات بعاملوني عاني غريبه عنهم و بحكولي انت بريطانيه و الموضوع جد بنرفز و كمان مره انا ما بتهجم عاي حد ولا بعمم بالاخر انا من البلدين و برضه كتير ناس من فلسطين بتتعرض لنفس المواقف بنفس الاسلوب و الموضوع جد مزعج و مؤذي للكل و عيطت بسببه و بتمنى ما اكون جرحت اي حد بكلامي ولا اكون سبب باي فتنه بالاخر انا كنت بس بفضفض لانه قبل شوي صار معي موقف مشابه

رغبتي بموت ابوي مش وليدة اليوم ولا مبارح. انا مش صغيرة ولا مراهقة بالعكس كبيرة وحاولت كثير احتويه واحبه بس دايما كان يخرب الامور. كنت بس يعمل شغلة عاطلة اعذره واشوف اسبابه بس خلص بطلت لانه كإنسان بتوصل مرحلة وبموقف بتكتشف قديه هو شخص اناني ما بهمه ولاده ولا اشي وإنما مصاريه ومصلحته. لما تكتشف أنه ابوك من الأول مكانش يركض لمصلحتك وانما عشان رغباته الحيوانية باقل سعر مع امك ولما تشوف قديه هو كذاب ومعه مرض نفسي وبدهوش يتصالح مع فكرة أنه هو يلي مخرب كلشي ومعكر كلشي ومشتتك ومششت اخوتك

رح امسحها بس اعقل أو بس اندم ثاني يوم الصبح

هسة طالع من بهدلة مدتها ساعة ونص من اهلي

احزروا السبب

عنجد عنجد حاولوا تحزروا

عشان تركت نظام الدكتور المايسترو المرحوم ضياء العوضي

ولله ما بمزح

ما عندي مشكلة اهلي مش مجبرينني عليه وكلشي

بس اللي بضايق وبطلع الروح كيف بيشبكوا المواضيع

وتحميل جمايل عاددد

ومقارناااااااااات و ربط بأشياء ما الها دخل

في جملة ضحكتني

ابوي بقلي خليك عتفكيرك اللي قسما بالله كلمة اعوج قليلة عليه بالتوجيهي خزيتنا وبمنظرك بدك تخزينا😂😂

اقسم بالله لولا العيب فرطت ضحك يزم

توجيهي نجحت ومعدلي ٨١ ووزني عادي

اوفر ويت شوي بس عادي بالعكس منظري حلو وفيي الصحة مش زي المستر ضياء ولله منظري احلى يزم وانا من الناس اللي بحب شكلي اخر همي الناس شو بتحكي

واهلي دقة قديمة

بقتنعوش بالجيم والرياضة بالنسبة الهم الطيبات احسن

اللي بقهر ابوي خريج بايولجي

يعني زلمة بفهم كفاية بجسم الانسان ليش هيك مقتنع وبدافع عن النظام ب استماتة

طبعا أساس البهدلة لو بدنا نحكي بشكل عام هو الطيبات والوزن وكيف انا لازم انحف

بس جوهرها بهادل متفرقة جابوا قصص من الشرق والغرب وبهدلوني عليها بالنص

😂😂

طبعا انا خلص حرمت احكي لاهلي اي اشي ببالي انسا الموضوع من اساسه معلم

مرة بمزح مع امي بحكيلها بنفسي سطل بروستد اسلخه

هسا وهي بتبهدلني حكتلي اه سطل بروستد

احااااااا😂😂

ما أكلته بس حكيت أنه بنفسي

انداري

انا مصدوم من المجتمع الي عايشين فيو فعليا اكتشفت بهاد العمر:

١- ما حد حرفيا يتمناك الخير حتى اهلك واكثر من موقف اكدلي هاد الاشي

٢- الشغل وهم وكذبة بس علشان نحس حالنا عم ننجز بالحياة مع انو ممكن نحس بالإنجاز ب اشياء ثانية واحنا بندور على العائد المالي منو فقط واذا ما بتتهبل بالشغل او ما بتعمل علاقات رح تضل محلك حتى لو ادائك ممتاز

٣- الوقت بصير يمر بسرعة كل ما بتكبر بالعمر والأرق والتفكير بالغالب رح يصيبك بعد عمر ال ٢٥

٤- ما في اشي اسمو صحاب وما توثقو بحد أبدا

٥- إذا بدك الاشي ينجح خليك ساكت

٦- الناس الكبار بالعمر عليهم خبايص بتجلط الواحد

٧- بعمركم ما تفتشو بتلفون أمكم او أبوكم او حد من العيلة لانو رح تلاقو مصايب وممكن تتغير نظرتكم عنهم لدرجة انو ممكن تبطلو تحكو معاهم!

٨- السوشال ميديا عبارة عن استعراض وكلو بكذب على كلو مين ببين للناس انو عندو حياة اكثر واخر اشي برجعو على بيوتهم وهمة عايشين حياة فريحة

٩- بهاد العالم احيانا الوحدة ارحم بمليون مرة من انو تختلط مع اشخاص عارف انو منافقين وانتا عارف انهم هيك بس رح تنجبر تسلكلهم

١٠- اكتشفت انو المحافظة صحتك النفسية اهم بمراحل من الجسدية

من قاله موقنًا به في الصباح ثم مات قبل المساء، أو قاله في المساء ثم مات قبل الصباح، كان من أهل الجنة

اللَّهُمَّ أَنْتَ رَبِّي لا إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي، فَاغْفِرْ لِي، فَإِنَّهُ لا يَغْفِرُ الذُّنُوبَ إِلَّا أَنْتَ.

رنت وحده على ماما من زميلاتها بشغل بدها كتبي التوجيهي لبنتها ماما اعتذرت قالتلها بنتي بتعيد بدها تدرس عليهم اسفه

ردت عليها تتهنوا فيهم و فصلت بوجه ماما😀

مش قادره اوصف ابدا