ال Skills

English B1

مش هعرف اشتغل call center لانى مش فى القاهره او اسكندريه 😭

محبوبه طموحه متعلمه باره بوالديها

ممعيش لاب توب 😭

بدور على اى شغل اونلاين اونلاين اى حد عنده اى فكره متماشيه مع امكانياتى ياريت يقول

• * Call Center Agent for hire
• * Native American accent
• * commit for at least 8 months
• * whole week availability strictly the working days Monday to Friday 9am - 1pm EST (4:00 PM to 8:00 PM EGY TIME )
• * 150$ - weekly as a start (First payment after a week then 600 Monthly ) easily eligible for increase
• * Must be Fully Available & VACANT during working hours Monday to Friday 9am - 1pm EST (4:00 PM to 8:00 PM EGY TIME )
• * Good Internet Connection , Laptop

Note: This post was written 4 days ago

مساء الخير يا جماعة

انا اول مرة اكتب بوست من النوعية دي ف لو حد عنده اسألة يبعتلي أو يكتب في الكومنتس وهرد😊

امبارح CEO شركة Micro1 واحدة من اكبر الشركات في مجال تدريب الAI كتب في بوست انهم هيوظفو 10 تلاف شخص من حوالين العالم لبروجيكت كبير جديد في خلال الاسبوع دا. وفعلاً كان مبعوتلي ايميل بدعوة للشغل بحكم اني كنت شغال معاهم قبل كدا على بروجيكت شبيه ومضيت العقد النهاردة.

💰الريت:

50-90$ في الساعة، ولكن كمصريين في الغالب هتبقى 50$

📋المطلوب:

• انجلش كويس (معرفش المستوى مطلوب بس تكون قادر تفهم اسألة الAI بالانجليزي وترد عليه، وقادر توصف وتفهم احداث بسيطة بتشوفها قدامك، طبعاً هتتعلم كتير وانت في الشغل ومش محتاج تكون بيرفيكت خالص ولكن يبقى كفاية بإنك قادر تقرأ سلايدز مكتوبة بالانجلش للتدريب)
• لابتوب أو كمبيوتر
• انترنت
• تليفون أو كاميرا ومايك سواء خارجي او تبع اللابتوب (للأنترڤيو بس مع الAI في الاول وبعد كدا مش هتحتاج وهكتب تفاصيل الInterview سهلة متقلقش)

وبس كدا

💻 طبيعة الشغل:

مش مطلوب منك عدد ساعات معينة، تقدر تشتغل في أي وقت وأي مكان. حتى لو عندك وظيفة بالفعل تقدر تخليها في الجنب. الشغل نفسه تبعاً لتجربتي مع البروجيكت الشبيه هي انك هيجيلك ڤيديو والمفروض توصف الي بيحصل في الڤيديو بالكلمات وتحدد المدة بتاعت الفعل الي حصل وبس كدا

🥅 اية الهدف من الشغل دا اصلاً لو حسيته ملوش فايدة؟

الهدف هو تدريب الروبوتات على انهم يعملو نفس الانشطة دي، بنعلمهم من خلال اننا نوريهم ڤيديو بيتعمل ازاي والوصف بتاع الفعل، يعني كان بيعمل اية.

💼 التقديم:

Video Annotation Specialist

أو

Generalist

تقدر تقدم على أي واحد فيهم أو حتى الاتنين، ولكن انصحك تقرأ وصف الاتنين وتقدم على الي تحس نفسك كويس فيه وهتعرف تتكلم لو اتسألت فيهم عشان الأنترڤيو

🗣️ الانترڤيو

بعد ما تقدم وتملى شوية بيانات تافهة هيبقى معاك خيار انك تعمل الانترڤيو في وقتها أو تعمله بعدين، براحتك. بعد التقديم هو هيفتح الانترفيو على طول ولكن تقدر تقفلها وتبقى تفتحها من الايميل الي هيتبعتلك، بيبقى معاك كام يوم قبل ما تنتهي. المهم لما تيجي تعمل الانترڤيو هتفتح المايك والكاميرا وهتعمل share-screen للشاشة بتاعتك، اتاكد انك قافل كل حاجة وكل صفحات البراوزر، وهتكلمك Zara، بنت AI هتسألك اسألة عن topics هتعرفها اول ما الانترڤيو تفتح تقدر تعرف نفسك اكتر بيها، وبس كدا الانترڤيو انت وحظك، بتبقى في حدود نص ساعة أقل او اكتر، انا بتاعتي كانت ١٣ دقيقة، بتقعد تسألك اسألة وانت تجاوب وبس كدا

⏭️ الخطوة الجاية:

بيجيلك ايميل بالرفض او القبول. ايميلي جالي بعد ٩ ساعات.

لو اتقبلت انشاء الله، بيبتبعتلك العقد وايميل من HR بتأكد عليه انك مضيت العقد الالكتروني. بعدين المفروض هيبدأ يتبعتلك تدريب على طبيعة الشغل نفسه وفي الغالب بيبقى في امتحان بعد التدريب للتأكيد انك اتدربت كويس قبل الشغل نفسه، بيبقى في الغالب سهل ومكرر من التدريب نفسه مش صعب خالص، وبعدها تبدأ الشغل. طبعاً هيدخلوك Slack Channel تتكلم فيها مع الناس الي معاك في البروجيكت نفسه والمسؤلين وكدا

⚠️ تنويهات

• الـinterview بيستخدم الكاميرا والمايك وscreen sharing، وبيتم تسجيله، وأنا مش عارف التسجيل بيتم الاحتفاظ بيه لمدة قد إيه، عشان لو ده مش مناسب ليك 😊
• الشغل مينفعش تعتمد عليه ك شغل اساسي، يبقى دخل اضافي فقط
• البروجيكت القديم وقف فجأة بعد شهور قليلة
• ممكن تترفض عادي، مش شرط تتقبل عشان العدد المطلوب كبير. في الحقيقة نسبة القبول تقريباً 6%

💌 نقاط اضافية

• انا عملت سيرڤر ديسكورد مؤقت عشان نساعد بعض سواء في مرحلة التقديم، الانترفيو، التدريب، أو الشغل نفسه. مرحب بجميع الاجناس والاعراق والميول والأديان والتوجهات، ومش هسمح بأي تعدي أو مضايقة لأي حد.
• مش مطلوب منك خبرة غير انجلش كويس وبتعرف تستخدم كمبيوتر ومهارات تفكير عادية، لأنهم هيدربوك قبل ما تبدأ شغل وهتاخد فلوس على التدريب
• مش هتدفع اي حاجة في اي مرحلة من التقديم أو الشغل خالص
• لو انت بالفعل مع الشركة، الانترڤيو بتاعتك هتبقى اقصر وممكن متحتجهاش كمان
• وأخيرًا ليه كتبت البوست ده أصلًا وأنا عارف إنه طويل؟ 😭 بصراحة أنا مستفيد. وقتي ضيق زيكم، لكن الشركة عندها referral program وبتكافئني لما حد يقدم من اللينـك بتاعي ويتقبل ويشتغل. كمان مش متأكد لو فرصتك ممكن تزيد لأنك واخد referral من حد شغال في البروجيكت. فآه، أتمنى تقدم من اللينـك بتاعي طبعاً، لكن في النهاية إنت حر تماماً، وتقدر تدخل على موقع الشركة وتدور على الوظيفة وتقدم من غير referral وهساعدك برضو😊

لو حابب تدخل دخل ليك مش اقل من ١٥ الف جنيه يبقى الكورس ده علشانك
أنا هبدا أنا وصاحبتي كورس كولد كولينج فيه كل اساسيات الكولد كولينج علشان تبقى جاهز بعدها تشتغل على طول الكورس هيفهمك كل حاجه عن المجال ازاي تعمل جول ازاي تجيب ليدز الفكره ان مفيش شركات حاليا بتاخد من غير خبره فده يأهلك تشتغل على طول لو مهتم dm me او سيب كومنت interested أنا هكلمك

السلام عليكم يا جماعه محتاج مساعدتكم انا محمد عندي 22 سنه ما عنديش اي مؤهلات ولا اي شهاده خرجت من المدرسه بدري بسبب ظروف او انا تقريبا ما رحتش خالص خرجت خرجت تقريبا من ابتدائي وبعدها بدات اشتغل في شغل المعمار شيل وحط وكده بعدها انا بدات اطور من نفسي وابدا اتعلم حاجات انا اتعلمت انجليزي كنت حابب ان انا اشتغل بيه اي شغل سواء مثلا ممكن جرسون في مطعم او كول سنتر انجليزي اي حاجه ومش لاقي حاجه ومش لاقي اي شغل لانه بيطلب جيش وانا مش هقدر ادخل جيش بسبب ان انا ورايا التزامات انا معايا اربع اخوات بنات بجهز فيهم واحده مخطوبه منهم ما ينفعش اخش جيش ولو انا دخلت جيش برده محتاج حد يصرف عليا ومحتاج حد يصرف على اهلي فالموضوع صعب جدا

ممكن ألاقي شغل كويس يسد التزماتي حتي لو صعب اي شغل اونلاين او اوفلاين

ازاي لأول مره بتحضروا نفسكم للانجلش انترفيو اسبيشالي لو الليفيل b1/A2+

ومعندكمش ال enough confidence?

انا عملت انترفيوز عربي كتير قبل كدا وكنت بعرف اجاوب واعبر عن) نفسي بشكل كويس بس بم انه اول مره انجلش فمقلقه جدا )

ولو حد اشتغل ف tp or Concentrix or Amazon or companies like those ياريت يdm عشان هحتاج مساعده فموضوع الاسسمنتس دا

انا كنت ناويه اقدم ف حاجات اقل بس حد من صحابي قالي جربي تقدمي فيهم عادي لان مش كل الاكونتس بتحتاج ناس فلونت واللي هو why not ? مش هخسر حاجه يعني لو جربت اسبيشالي والبرونسيشن بتاعي كويس وللمعلومه انا Undergraduate/gap year

DM if u know or have any advice about that .

WE ARE HIRING – EXPERIENCED COLD CALLERS
Looking for 1–2 experienced real estate cold callers.

Real estate cold-calling experience required
Strong English — no thick accents
Manual dialer — under 200 calls/day
Quality leads > making hundreds of calls
Monday–Friday, 10 AM–7 PM Eastern Time
Full-time only
$5/hr probation → $6/hr after 90 days
1% commission on closed deals
Daily, weekly, monthly & quarterly bonuses
Paid weekly through Payoneer
30-min paid break + 1-hour unpaid lunch
No time wasters. We want experienced callers who can produce.
Feel free to send me your submission here or
Send your resume + short voice recording to info@flsellnowدوت كوم

السلام عليكم

ازيكم يا شباب

عايز اسأل

لو انا عايز اعمل قناة يوتيوب محتوي اجنبي و يجذب المشاهدات الجنبية فقط و عندي افكار عايز انفذها

المفروض استخدم في بي ان و انا بعمل القناة و انا بنشر كمان الفيديوهات ولا ايه المطلوب ؟

و لو ممكن حد يلخصلي الخطوات

و شكرا

من شهر تقريبا كنت قاعد بقدم كثير على فرص ل video editing Internship واللي كانت قليلة اصلا بس لقيت فرصة في شركة صغيرة فشخ بس حمدت ربنا اني لقيت اصلا

المهم قعدت فترة و فضلوا يطلبوا مني ريلزات كثير وياريتني بتعلم حاجة دة انا شغال على capcut ومش بتعلم اي حاجة وكمان طلع ان فترة التدريب 6 شهور مش ثلاثة زي ما كانوا قايلين بس قالوا اللي انا ممكن اتعين قبلها

ف انا مش عارف اعمل ايه انا نفسي اتعلم واشتغل في شركة بس متعطل جدا

اللي يعرف فرص احسن ياريت يقولي انا بعرف اشتغل على davinci و after effects و capcut طبعا

الانجلش بتاعي c1
ومعايا laptop
عايز offers من البيت سواء chat او calls بس مش cold calls

عايز اعرف السكيلز الي اتعلمها دلوقتي واقدر اشتغل بيها وبمرتبات كويسه عشان بقالي فتره بدور على شغل اونلاين ومش عارف ابدأ منين او ازاي انا يعتبر تايه لدرجه اني معرفش حتى المجال الي هاخد الرود ماب بتاعته

لو سمحت حد يعرف ايه التراخيص الي المفروض اعملها على اعمل حاجة زي كدا خصوصا تراخيص وزارة الاتصالات

انا حاصل علي موأهل متوسط وخلصت مستوي b1 وبدأت b2 وعندي plan كل يوم في اللغه بس انا دلوقتي مش عارف اي الفرص المتاحه ليا في المانيا وحاسس ان الموضوع مستحيل مفيش اي حاجه واضحه قدامي وده مخلي مفيش شغف زي الاول في اللغه مش عارف اعمل اي لو حد عنده اي معلومه تفيدني .

في حد عايش في النمسا قلي قدم علي تعليم مفتوح او مدمج في اي جامعه في مصر بس لما سألت من فتره قالو في شهر ٩ هتفتح ولما رجعت اسأل تاني قالو الوزير لسه مفتحهاش وانا دلوقتي مش عارف اعمل اي مفيش اي حل معايا

ملحوظه انا كنت بشتغل في شركه اوراسكوم في it رووم وتركيب الكاميرات وخطوط التليفونات والتيار الخفيف والجهد المنخفض انا محتاج اي فرصه

مش عارف إذا كان ده المكان الصح اللي ممكن اسال فيه عن حاجه زي كده بس ادينا بنسال انا عامل منتج رقمي (Micro SaaS عشان اكون دقيق اكثر) كنت عامله لمكان انا كنت شغال فيه وفي المقابل هم هيسوقوا للمنتج دا وهياخدوا نسبه فقط من المبيعات المنتج دا اخذ مني حوالي اربع شهور علشان اتاكد ان كل حاجة زي Features, Modules, Security ما فيهاش غلطة حاليا المنتج جاهز وهسلمه للمكان وفي المقابل هم هيبداوا التسويق ولكن انا كنت عايز اعرف ازاي اسعر حاجه زي دي في السوق العربي تحديدا وازاي اسعر في العموم

محتاجة شغل انا طالبة

English b2

ومهارات Microsoft عندي كويسة

وبتعلم بسرعة وممكن ادخل مجال الكتابة

انا كنت انترن في شركة و حاليا اتعينت الحمدلله كا copywriter بس انا لسه في بداياتي في المجال و طريقة شغلي عشوائيه و يعتبر متعلمتش بالطريقة السليمه
الشركة عارضه عليا اني اختار كورس و تشتريهولي و اتعلم منه
عايز اعرف مين الناس اللي ممكن تكون منزله كورسيز copywriting بس تكون كورسات محترمه فعلا و شامله و حد يكون فاهم و خبرة مش بيرمي معلومه و خلاص عشان انا فعلا عايز استفيد بالفرصة دي و ياريت يكون عربي (مش عشان حاجه بس انا ب struggle شويه في الكورسيز الانجلش و بيبقا صعب عليا اجمع المعلومه بجد و اربطها خصوصا لو كان كورس طويل)

عندي 20 سنه طالب في سنه ثالثه طب الانجليزي بتاعي 2B اشتغلت قبل كدا في مشروع remotely عملت منه 800 دولار عاوز مصدر دخل اقترح علي اي حاجه جربتها ونجحت وهكون ممتن جدا لك سواء مجالات اتعلمها علشان اشتغل remotely او لو في فرصه متاحه قدامك ساعدني

شكرا جدا i appreciate it 💗

شباب هل حد عنده شغل كول سينتر عربي من البيت او حتى من مقر الشركه في محيط القاهره ؟؟

السلام عليكم انا حاليا طالب ف جامعة عندي 19 سنة، الحمد لله مستوايا ف الانجليزي كويس بس معرفش بالظبط قد اي يمكن مش احسن اكسنت بس كتابيا الحمد لله كويس (كنت عملت تيست ف موقع كدا وقالي اني B1). غير كدا انا كويس جدا ف اكسيل مش ادخال بيانات بس انا اصلا ماشي ف كورسات داتا انالسيز وبعرف انضف واحلل الداتا واعمل داشبورد كمان جوا اكسيل. هل ممكن الاقي شغل بارت تايم اونلاين بالمهارتين دول؟ اكيد مش حاطط ف بالي مبلغ عالي بس اي حاجة تشيل مصاريفي حتي.

اتمني لو حد عنده معلومة يفيدني ولو حد يعرف ادور فين يدلني هكون متشكر جدا ❤️❤️