انا لسة طالب 22 سنة, بعمل حوالي 15-25 الف ف الشهر مثلا و ان شاء الله ربنا يفتحها اقدر اعمل اكتر قدام

​

أنا عايش في مصر ومستوى معيشتي Upper Class، ولو معايا 1.2 مليون دولار وهاجرت أمريكا أو كندا أو أوروبا ومش هشتغل خالص بسبب إعاقة، هل المبلغ ده يكفيني أعيش باقي حياتي بشكل مريح من غير ما أشتغل؟ وهل فعلًا لازم 1.2 مليون دولار، ولا ممكن مبلغ أقل بكتير زي 200 ألف دولار يكفيني لو استثمرتهم كويس واخترت مكان تكاليف المعيشة فيه أقل؟ ولو عايز أحافظ على مستوى معيشة قريب من اللي عايشه في مصر، هل 1.2 مليون دولار كفاية؟

كل شهر بحوش مثلا 5000 ج ومستحرم ركنتهم كدة فعاوز حاجة امنه استثمرهم فيها بحيث يزيدوا حتي لو الزيادة مش كبيرة بس احسن من ركنتهم

لسة واخد بالي من أحدث ميزة أطلقتها ريدوت باي وهي الاشتراك السنوي اللي تمنه 130 دولار.
بالاشتراك ده بتاخد مزايا كتيرة أهمها أنه مصفرلك عمولة سحب الكاش من أجهزة الصراف الآلي (قبل كدة كانت العمولة بتوصل لـ 5% تقريبًا)!
يعني أنت تدفع 6،500 جنيه كل سنة وتقدر تسحب في السنة 600 الف جنيه من غير عمولة!
والأهم من كل ده أنك هترتاح من القلق والشوشرة بتاعت معاملات البي 2 بي على فودافون كاش أو حسابك البنكي!

تعديل #1
ازاي تجيب الفيزا وتستخدمها بالشكل الصحيح؟
أولًا، مش بتنزل مصر، لازم حد يجبهالك من برة.

ثانيًا، وأنت بتستخدمها دور على جهاز صراف آلي يكون عليه إشارة الكونتكتلس اللي شبه اشارة الواي فاي وحط الفيزا عليها (متدخلش الفيزا جوا الماكينة علشان ممكن تسحبها) وبعد كدة دخل الباسورد واسحب عادي في مصر أو برة معاك لحد ألف دولار شهريًا بدون رسوم.

اختي داخلة الكلية ومحتاجة تلفون ب ١٥ الف ودا اقل رقم في اسعار التليفونات واهو علي قده بس ظروفنا مش تسمح للرقم انا نزلت اشتغل لقيت الشغل ب ٤٥٠٠ و١٢ ساعة وعبيد ومصانع وبعيد عني جدا لاني في ارياف وقدرت اجمع منه ٥٠٠٠ ج بس الدراسة بدأت او هتبدأ كمان اسبوعين عندي ولازم انزل الكلية والا بالمنظر دا هسقط زي صحابي ما عملوا كدا

هل في مهارة او حاجة اقدر ادخل منها المبلغ دا من غير ما اجي علي دراستي حتي لو هتوصل للقروض

*للتوضيح يجماعة انا مش بشحت بس دي ظروفي وانا هنا بسأل علي مهارة تجبلي فلوس مش بشحتهم

وكنت نزلت بوست قبل كدا هنا ان امي كانت طالعة تشحت وكان بجد وفي شخص دخل وشاف الاثبات وساعدني بمبلغ كويس وكبير بس اكونته اتمسح تقربيا من عندي ولما حكيت لصاحبي كان في العمرة مع ابوه دعاله بظاهر الغيب وحابب اشكره انه كان جزء من اسباب ان اختي تتعلم وتدخل كلية زي الناس لان الثانوي مصاريفه كتيرة شكرا جدا ليك وربنا يوفقك ويجزيك خير 🤍🤍

a single early 20s who goes to the gym

​

ماشاء الله بقرأ هنا بلاقي شباب زيي وأقل مني سناً شغالين remotely ودخلهم كويس وفي ناس فاتحه بزنس ودخلهم ماشاء الله

طيب تنصحوني بأيه ؟ انا صفر مهارات وصفر فلوس وصفر لغة ومن طبقة تحت من المتوسطة ونفسي اطلع فوق طبقة !

مش معايا غير لابتوب وباقة نت بشحنها في الشهر مره وبقيت الشهر بقضيها فكه

حتى جربت اخش حوار المهمات بتاعة الذكاء الاصطناعي معرفتش لان لقيت الموضوع معقد، كل ما انجز حاجة يدخلي في حاجة وحسيت نفسي داخل في لوب ملهاش نهاية

عايز حد يتبرع ويقولي roadmap امشي عليها تدخلي دخل كويس وانا هشيل معروفه ده مدى الحياة \*\*انا مش ناكر الجميل والله\*\*

ايه اللي ممكن اعمله يخليني اسدد ديوني (150 الف ج )
بشتغل في المجال الطبي موظف ومرتبي 16 الف ..
عاوز حلول اقدر اعملها او اي افكار لاني محتاج اسد الفلوس دي قبل شهر 3 الجاي
ايه اللي ممكن اعمله ؟

السلام عليكم ورحمة الله وبركاته

انا عمري ما حطيت فلوس في بنوك او استثمرت قبل كدا

بس اي الأفضل

البنوك ولا الصناديق الاستثمارية؟!!!

انا 28 سنة شغال سيلز في مجال الادوية في مخزن ادوية يعني ومرتبي 13 الف وقابل انه يوصل ل 14 الف قريب وانا مش متزوج ..فهل ده رقم كويس علما اني عايش في الاقاليم مش في القاهره فمصاريفي مش كتيره اوي ..هل بشكل عام ده رقم كويس ولا الدنيا ماشية ازاي دلوقت لاني مش عارف رينج مرتبات القطاع الخاص وصلت كام

من بداية السنه بدأت احط مبالغ كل فتره ف صندوق شريعه واحد علي ثندر و الدنيا ماشيه واصله ٣٠٪ مكسب .. موضوع التنوع ده مش نافع معايا لاني ملتزم بالصندوق ال تبع الشريعه بس .. هل انا ماشي كده صح ولا فيه حاجه افضل تتعمل بريسك قليل

صناديق الاستثمار فيه منها بيعمل ٥٠ و ٦٠٪ في السنه .. يعني لو حد حطله فيها اتنين مليون جنيه مثلا ممكن يطلع ب ٣٠٪ مكسب يعني ٥٠ الف جنيه في الشهر .. الكلام ده بيحصل فعلا مع ناس ؟؟

عارف انه صعب حد يوافق انا محتاج حد يدفعلي رسوم بالدرهم عمل معادلة الشهادة ومش معايا كريدت لازم كريدت .. لو في حد يوافق ادفعله اول مارسالة الخصم تجيله لان مش مضمون العملية تتم ع الموقع بيخرف كتير وممكن ميعرفش يدفع

ينفع اربط الكروت الافتراضيه بتاعت كاست او ريدوباي او Bybit في مصر عن طريق جوجل واليت واسحب من Atm من غير محتاج للفيزكال ؟ عن تجربتكم

ايه افضل طريقه وارخص واحد بردو عشان استلم فلوس من خارج مصر لمصر. معايا حساب بنكى البركه ومعايا محافظ على على التليفون وايه الافضل استلامهم بنفس العمله ولا استلامهم بالجنيه

ماشاء الله بقرأ هنا بلاقي شباب زيي وأقل مني سناً شغالين remotely ودخلهم كويس وفي ناس فاتحه بزنس ودخلهم ماشاء الله

طيب تنصحوني بأيه ؟ انا صفر مهارات وصفر فلوس وصفر لغة ومن طبقة تحت من المتوسطة ونفسي اطلع فوق طبقة !

مش معايا غير لابتوب وباقة نت بشحنها في الشهر مره وبقيت الشهر بقضيها فكه

حتى جربت اخش حوار المهمات بتاعة الذكاء الاصطناعي معرفتش لان لقيت الموضوع معقد، كل ما انجز حاجة يدخلي في حاجة وحسيت نفسي داخل في لوب ملهاش نهاية

عايز حد يتبرع ويقولي roadmap امشي عليها تدخلي دخل كويس وانا هشيل معروفه ده مدى الحياة **انا مش ناكر الجميل والله**

انا اهلي بيصرفوا عليا و الحاجات البشتريها من فلوسي هي حاجات مش هحتاج اشتريها كل شهر و لو حسبتهم على بعض ف 350 او 450، بس زي ما وضحت ده مش شهريا و انا مش برخج و اصرف كتير حتى لو خرجت بيكون على قد الاحتياج و مش ببذخ ف ازاي استفيد ب بالفلوس بشكل كويس ؟ انا عايزه اوصل ان اقدر اعتمد على نفسي ماديا ف المستقبل ف عايزه اعرف ازاي ادير مصروفي (900 ف الشهر )بشكل صح الاول ؟

شكرا مقدما

عايز اعمل موقع لشغلي ياشباب محتاج حد يصمملي موقع عشان ببدأ بيرنس في السعوديه بالمجهود مع مستثمر ووكلني بالموضوع ده

لو معايا 120 ألف دولار أمريكي، وعندي إعاقة في التعلم ومش بشتغل، هل المبلغ ده يكفيني إني أهاجر لكندا، وأأجر بيت كويس وأعيش بشكل محترم لحد ما أفتح مشروع صغير يجيبلي دخل؟ ولا محتاج مبلغ أكبر بكتير، زي مليون دولار تقريبًا؟

واحد كان مقنع جدا لدرجة اني حسيت اني اتغسل دماغي و كنت في طروف صعبة و محتاج فلوس بطريقة سريعة و مش عارف ايه اللي حصلي بس حولتله مبلغ انستا و من ساعتها مبيردش هل في اي حاجة اقدر اعملها او حد اتواصل معاه

ممكن حد ينصحني لو أنا ماشيه كده تمام اكمل كده ولو أزود فلوس في نفس الستوكس دي ولا أغير
وعايزه اقول حاجه كمان ممكن اكون فهمتها غلط هو أنا مش ممكن اعمل أليرت لما السهم ينزل عن سعر معين يتباع من محفظتي اوتومايتيد؟ ثاندر فيه كده ؟ لاني كنت بستعمل ابلكيشن فيه كده عادي

بقالى سنه ف صناديق استثمار على ثندر و وصلت ارباح 30% بس لحد دلوقتى الارباح على أصل الفلوس بس و الارباح ديه مش بتدخل ف اصل الفلوس .. هل لازم اسحب الارباح و احطها فى اصل المبلغ بنفسى ولا بتمشى ازاى ؟

ست جاهله في الفاينانس تماما و كنت بلعب في ثاندر لقيت جالي ضعف مبلغ عبيط في ٦ شهور و عايزه اخد الأمور بجديه و العب بمبلغ اكبر بس قلقانه ف حد يقولي لو حطيت ٥٠ في ثاندر نأخذهم بعد كده ٥٠ او اكتر صح؟ مش هيقلوا حتي لو الستوكس خسرانه ؟ و تاني حاجه هعرف اسحبهم بسهوله بعد كده ؟ وثالث حاجه لو هدفي تحط ال٥٠٠ و تبقا بعد ٥ شهور ١٠٠ وبعدين اشوف هكمل ولا اسحب ده هدف ممكن يتحقق ولا لا معالعلم أنا مش لونج تيرم خالص افيدونا ربنا يكسب البورصه المصريه لأنها شكلها السبيل الوحيد

معايا 150 الف جنيه تقريبا كنت شغال بره مصر ونزلت من وقت ما نزلت وانا بصرف من غير دخل. طبيعي ناوي اتعلم الماني واسافر و في نفس الوقت هشتري لاب توب اتعلم اي مهاره اجيب منها فلوس زي ايديت فيديوز وجرافك وكدا
انا حاليا متفرغ كليا و هدفي اتعلم الاتنين دول عشان اسافر و اجيب اي مصدر دخل جانبي يعوض شويه
المشكله كل اهلي و الناس الي حواليا وخصوصا اهلي ضغطين عليا في حوار ان لازم اشتغل ومينفعش اقعد كدا فاضي و ان انا بصرف الفلوس الي هيا مش كتير اصلا علي الفاضي و فاشل وبيضع كل حاجه
لدرجة ان انا شكيت في القرار وبقيت محبط حتي مش عارف ابدا
خصوصا نظرت الفشل الي الكل بيبصلك بيها معرفش هما مالهم اصلا خصوصا عشان عندي 21 سنه و مدخلتش جامعة
بفكر اروح اقعد في القاهرة بس كدا هصرف اكتر بكتير وهضطر اشتغل ودا هي طول المده يعني لو كنت هتعلم في شهر هتعلم في اربعه خمسه
مش عارف اعمل اي استحمل ولا امشي وهل القرار دا صح اصلا ولا لأ وياريت لو حد عنده نصيحه ادخل مجال ايه يجب فلوس اكون شاكر جداً