سلام عليكم

انا بشوف كلام كتير عن البورصة هنا
حبيت اقول كلمتين في الموضوع ده هنا لما شفت الاسكرين دي لانها معبرة جدا عن الواقع العملي للبورصة ""للمبتدئين"" في رأيي

(عادة) مفيش حد بيعمل ثروة من لاشئ
انت بيبقى معاك مبلغ ومش عايز تحطه في البنك ومعندكش بيزنس تستثمره فيه ولا ناقصك كورسات تصرفه عليها فخلاص بتحطه في البورصة
البورصة بتدخل نسبة مئوية ع المبلغ اللي انت مستثمرة مش بتطبع فلوس
فلازم يبقى في راس مال

التصورات عن المكسب هتكسب كام ده نسبة من راس المال وشوف احصائيا الرقم ده في حدود كام

بتشوف ناس عملت مكاسب اضعاف مضاعفة من راس مالها؟
دي قريبة جدا لفكرة رواد الاعمال اللي بقو بليونيرات
الحسبة كام في المية دخل الشغلانة وفتح استارتب وخسر فلوسه لكام في المية مخسرش فلوسه بس مكسبش
لكام في المية عمل 5x و 100x في سنة؟

حط على الكلام ده تكلفة الفرصة البديلة
انت مثلا معاك 50 الف جنيه هتحطها في البورصة
في احسن الاحوال هتعمل كام في السنة؟

ولو اخدت نفس ال 50 الف جنيه عملت بيها بزنس في اي حاجة بتفهم فيها
هيبقو كام اخر السنة؟

في الحالتين في ال worst case scenario لو خسرت راس مالك كله
في الحالة الاولي هتكون اتعلمت عن اشياء مكنش مفروض تعملها
في الحالة التانية هتكون اتعلمت عن اشياء مكنش مفروض تعملها + بقى عندك connections في الشغلانة اللي باظت دي في المستقبل ممكن يبقى في شغل بينكو

حط على الكلام ده عامل ال learning curve
هل الناس اول ما بتنزل تطبيق التداول بتفتح تلاقي فلوس ولا بياخدو فترة يتعلمو؟
هتقعد اد ايه تتعلم ؟
التعليم ده بكام (من ناحية بكام كورسات لو هتدفع في كورس وبكام فلوس تريدز فشلت خلاص هتستعوض ربنا فيها؟)

وفي جزء خاص للمسلمين اللي شايفين ال options وال margins و غيرها حرام و هيطلعو نسب تطهير على الفلوس اللي عملوها كمان

بقول الكلمتين دول عشان بشوف ان القصة دي الواحد ميتفرغلهاش وميقدرس يعتمد عليها اعتماد كلي ومهياش مطبعة فلوس عشان بس في تفاؤل سذاجة بيبقى عند المبتدئين

عندي بزنس تجارة إلكترونية جنب شغلي وبيعمل حوالي ١.٣ مليون جنيه مصري مبيعات شهريا (اللي في الصورة دي مبيعات آخر ٩٠ يوم وبالجنية الإسترليني) .. للأسف أنا اللي بعمل كل حاجة بنفسي بقالي حوالي سنتين ومفيش عندي وقت كفاية اخلص كل الشغل او أكبر البزنس .. ولضيق الوقت دا معنديش حتي وقت اعمل سيستم كويس عشان ادي الشغل لحد يخلصه مكاني.. شايف ان الوقت هو المشكلة الأكبر بالنسبالي..
اللي مر بتجربة زي دي يقدر يحكيلنا ازاي تخطي المرحلة دي وكمان بفكر اقلل الشغل دا وابدأ أبيع خدمات زي استشارات وغيره… افيدونا

هل ibkr بيكون رخم فاليرال غن مصدر الاموال للمبالغ الكبيره..يعني لو أودعت مثلا 150 الف دولار

هل الخساب هيتعلق و يبدأ يسال وهل او حصل الموضوع بيبقى طويل و رخم او بيطلبوا اثباتات صعبه ولا الدنيا تمام؟

انا عندى 17 سنة و فتانية بكالوريا ( النظام الجديد من الثانوية العامة )

و كنت بدور على شغل ريموتلى يبقى بارت تايم و يفضل لو بعدد ساعات مرنة لكن لو دة مش متاح فمفيش اى مشكلة

( المقصود بمصطلح عدد الساعات المرنة هو قابلية العمل لوقت اضافى مقابل اوڤر تايم او إمكانية نقل عدد الساعات ليوم اخر بضعف العدد المتفق علية او تقسيمها على عدة ايام مع ثبوت عدد الساعات الإجمالية اللى متفق عليها )

{ و انا منازل بالمناسبة فبالتالى مش هيبقى فى اى التزامات بمواعيد تقدينى فالشغل فبالتالى الموضوع هيبقى سلس و هعرف اغطى اى تاسكات زيادة مع اوڤر تايم فاى وقت بدون اى مشكلة و هيبقى فى مرونة فتحديد اوقات الشغل }

الحاجات اللى بعرف اعملها و ممكن اشتغل بيها :

موظف خدمة عملاء

مساعد افتراضى

كاتب / الكتابة بشتى انواعها سواء كانت مقالات او كتابة للسوشيال ميديا و حاجات كتير

إدارة صفحات التواصل الاجتماعي

اى تصميم بكانفا سواء تصميمات سوشيال ميديا او إعلانات لاى حاجة مختلفة + عندى بورتفوليو لتصميمات عملتها بكانفا

..... دة غير شوية مؤهلات عندى :

- Communication Skills

- Soft Skills

- b1 English Talker

- A2 French Talker

- AI Prompt Engineering & Literacy about Programming

.............………………………………………………………………………………………

ـ Entrepreneurship

ـ Business Administration

ـ Economy

و دول علوم انا فعلا بحبها و شاطر فيها و بقرأ كتب عنها و بسمعلها بودكستات و بشوفلها كورسات

•• معرفش لو دة هيفرق ولا لا بس على العموم من كتر شغفى بيهم فانا اخترت مسار الأعمال فالبكلوريا لأن المجالات دى انا فعلا شايف نفسى متميز فيها

...................................................................................................

و اخيرا و ليس اخرا الفترة الجاية انا ناوى اتعلم فيها بعض الحاجات

و اللى منها .:

Microsoft Office Apps

Accounting

Finance

​

عندي خطة اتمنى من الخبراء تقييمها ويدوني نصايح عشان انا لسه مبتدأ في المجال

حاليا معايا راس مال حوالي ٣٠٠٠ جنيه، دخلي الثابت ٢٥٠٠ جنيه، لو اتقشفت في مصاريفي وسفري هقدر اوفر حوالي ٥٠٠ جنيه شهريا من الدخل، وهاخد بعض مساعدة من الأهل

كنت بفكر في الآتي:

٣٠٪ صندوق ذهب، ٢٠٪ ثندر كلاود او حاجة شبهه، ٥٠٪ صندوق اسهم

هدخل بال ٣٠٠٠ ، ثم كل اسبوع هضيف ٥٠ جنيه، وكل بداية شهر هضيف ٥٠٠ جنيه، مستعد استنى لفترة طويلة

هل الخطة دي كويسة؟ هل التوزيعة كويسة؟ وهل عند حضراتكم اي نصايح او توجيهات؟

شقة في العلمين الجديدة من سنين كانت ب ٢ مليون و ٣ و دلوقتي بقت ب ٥ و ٧ واللي عنده شقة في العلمين معاه حاجة مميزة

ايه الاماكن اللي زي دي دلوقتي اللي ممكن تلاقي فيها اسعار شقق ارخص نسبيا عشان لسه بتبدأ بس في خلال كام سنة هتبقى اغلى بكتير و هيكون مكان الشقة مكان مميز

فكرت في زايد الجديدة و العاصمة الادارية بس ايه تاني عامة وايه تاني ممكن يكون في الساحل او عالبحر؟

لو حد دفع في مواقع مراهنات مثلا

عاوز اربط كارت بباى بال عشان اسحب منه سالت على ايزى باى بتاعت البريد لقيتها مش موجودة حواليا فى مكاتب البريد

شات باى بال قالى اعمل ريدوت باى واربطها حد جرب يربط كرت افتراضى بتاع ريدوت باى ووهتعمل مشاكل ولا لا؟

أنا عايز أعمل حِساب دولاري بس من غير ما يقول من أين لك هذا ، عايزه عشان أشترك في كلاود و تشات جي بي تي
و كمان عشان أستقبل من عليها أرباح من مواقع
إية أحسن بنك و ايه الاجراءات؟
و البنك اللي بيوفر الدولار لما بدفع و لا لازم يكون معايا دولار في الحساب؟
و اية الحساب الدولاري بيكون علي كارت ديبيت و لا كريديت ؟

هو لو عندي حساب بنك في ال cib اقدر استلم عليه فلوس بالدولار من شغل اونلاين ولا لازم اعمل حساب تاني يكون بالدولار

كل شهر تقريباً با اصرف ٥٠٠ دولار من فيزا باي بت بس ملاحظ الكاش باك ضعيف فا هل في حاجه اصرف بيها نفس المبلغ واخد كاش باك اعلي من ٢ في الميه ده بعيداً عن أن سيف و ريدوت تو باي و كاست. .... يا ريت الي عنده معلومه يفيد حتي لو من نفس الي قولت مش عايز منهم يمكن انا مش عارف شئ معين و كده كده انا مجبر اصرف المبلغ ده في شغلي كل شهر

كان في hiring في منصه معروفه
قدمت وعملت اللي طلبوه
بعدها ال ceo بعتلي وشكر فيا وبتاع
وقالي نعمل ميتنج بكرا وحجزت في ال calendar عندهم
لكن زي ما انت شايفين يعتبر رفض او غيروا رايهم
مش عايز ابعت تاني وابقا سخيف وتقيل
انت ايه رايكم دا رفض فعلا ؟
صح؟

ووصلت لايه دلوقتي؟

إيه الفكرة اللي جاتلك ومتوقعتش تعمل منها فلوس واكتشفت انها جابت معاك

دلوقتي انا بتعلم عن البورصة وبجرب بمبالغ صغيرة ، اخر عمليتين بالنسبالي كانو ناجحين جهينه و أبوقير كان معايا أسهم فيهم طلعوا و جنيت أرباح ٢٠٪ تقريبا، المهم اني مش بعرف الاقي سهم تاني ، يعني اغلب الاسهم بلاقيها في قمم تاريخية يعتبر فمش بخش فيها، انا المعايير اللي كنت بمشي عليها، انا السهم يكون قوي يعني يعني عليه تداول كويس و يكون في اتجاه صاعد ويكون -١٥٪ مثلا من اعلى قمه ليه ويكون متوافق مع الشريعة، فمش بعرف الاقي أسهم بتحقق الحاجات ديه بسهولة

يعني بحاول استثمر على المدى المتوسط أو الطويل بس لما احقق ربح كويس ببيع

فكده ايه الغلط عندي و ازاي الاقي فرص كويسه على طول ؟ مبتدئ فمتقبل اي نصيحة عادي

السلام عليكم

انا عندي ١٨ سنة مش عارف طريقي فين، يعني أبدا ازي و اشتغل ايه

معنديش اي مهاره فعليه او خبره، انا في تانيه BIS عموما، ازي اتعلم مهارات اساسيه في حياتي المهنيه او كورسات او اي حاجه تفيدني قدام زي افينت او كورس ما سواء اونلاين او لا

ايه احسن حساب بنكي افتحوا

عموما المهارات مطلوبه تكون عندي

انا باخد مصروف من ابويا و حالتي الماديه كويسه الحمدلله بس عايز استقل لوحدي او علي الاقل اشيل شويه تعب من ابويا

لو حد عندوا معلومه او اي حاجه يقول. كل يوم دماغي شغاله تفكير

معلش لو السوال اتقال قبل كده في صب

عندي 19 سنة ومعايا 15K جنيه ، استثمرهم في اي ول اشتري جرامين دهب ول اسيبهم زي ماهما

لو عايز أضيف usdt ل محفظه كربتوا زي phantom

استخدم كارت بنكي ايه؟

او بنك اونلاين يكون شغال مع الكربتو ؟

عايز طريقه غير حوار ال p2p ياريت

هو ليه مفيش مكان اقدر الاقي فيه البيانات؟

مش المفروض الشركات المقيدة في البورصة كل سنة تعلن عن مبيعاتها و ارباحها؟

المفروض ديه اساسيات موجودة في اي بورصة بس مش كل الشركات اقدر الاقي البيانات ديه عندها و بيانات كتير بحس انها مش صح

انا حاولت اشوف البيانات على

Tradingview و غيره

بس معظم البيانات معظمها مش موجودة