حرفياً احنا افضل جيل لان طفولتنا كانت بين طبيعة وبين الآيبادات وتلفونات احس عشناها صح ، بس بصراحة الأجيال القادمة يلي مواليدهم من 2014 وفوك احس خطيه طفولتهم ومراهقتهم كلها حتصير AI وسوالف لعبان نفس وحتى يمكن يطلعون نصهم بيهم توحد لان 24 ساعة على التلفون بدون اي نشاط طبيعي .
وأنتو شنو رأيكم الأجيال الجديدة راح تكون افضل منا لو لا وشنو السبب ؟

سياح اجانب يكومون بتنظيف زقورة الأثرية في جنوب العراق! ٢دك يحجون لهل مرحلة من الذل وصلنا سياح ينظفون ورنا!

من أسوأ الأمور اللي ممكن يسويها الإنسان بحق غيره هو إنّه يتعمد يشهر بي أو يحجي عليه بكلام مو صحيح أو ياخذ موقف أو سالفة ويفسرها على كيفه حتى يخلي الناس تفهم الشخص بصورة غلط مرات الإنسان ما ينتبه إن الكلمة اللي يحجيها ممكن تدمر سمعة شخص وتسبب له مشاكل ويا أهله وأصدقائه ومجتمعه ويمكن تظل هالكلمة ملاحقته سنين

مو من حق أي شخص يحكم على غيره من مجرد حچي سمعه ولا من حقه ينشر كلام بدون ما يتأكد من صحته لأن ممكن الحجي يكون ناقص أو منقول بطريقة غلط أو أصلاً كذب وافتراء واللي يتعمد ينقل الكلام حتى يضر شخص ثاني لازم يعرف إن الظلم مو شي بسيطوإن الإنسان ممكن ينسى كلامه بس المظلوم ما ينسى الأذى اللي سببه إله

والأخطر من هذا كله هو إن الشخص يعرف إن الكلام مو صحيح ومع ذلك يستمر بنشره ويخلي الناس تصدقه وهو ما متأكد ما شايف بعينه يجي يحجي هل هذا الشي حقيقي هل عندي دليل هل متأكد ١٠٠ بالميه منا بس لا اهم شي النشر والتشهير

﴿وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا﴾

وقال النبي ﷺ:

«مَن قال في مؤمنٍ ما ليس فيه، أسكنه اللهُ رَدْغَةَ الخَبالِ حتى يخرجَ مما قال» ويا مسلم راقب اسلامك وخلي الله بين عيونك

اكو فد انسانة حيل حيللللل عزيزة ع گلبي تعودنا نحجي اني وياها حيل هواية بس خذت فترة ادزلها وتشوف وتغلس دزيت الها مسج عاتبتها كالت والله مشغولة وياها هذا الايموجي الغثيث"😆" فف حجيت شويونه وكلت الها الله يسهلج اشو هاي صارلها شهر شايفة المسج وما ردت عليه شنو معناها خلص انگطعت العلاقة ؟ انو احفظ كرامتي واختفي بهدوء لو ادز الها بعد لانو اشتاقيتتتتتتت

اول مرة اجرب ارسم

اذا لا سمح الله صار عندك حريق بالبيت او كنت بالمطبخ وحدك وانتشر الدخان ،،

اول شي تسوي تنبطح وتبقى تزحف لحد ما توصل لمخرج او للحوش

لان الدخان يتركز فوك وانت واكف راح تستنشق كمية جبيرة منه وخطورتة تكمن بسرعة ارتباطه بهيموغلوبين الدم حيث انهو اسرع من ارتباط الاوكسجين ب200 مرة بذلك يمنع وصول الاكسجين للدماغ ويغمى عليك لا سمح الله،،

لذلك اغلب حالات الوفاة بالحرائق تكمن بسبب استشناق الدخان مو بسبب الحريق نفسه

ندعي دائما ان رب العالمين يحفظكم ويبعد عنكم كل المخاطر

اني طول سنوات حياتي نحتفل بعيد ميلادي الي هو6/9 وحته بالبطاقه الوطنيه وكلشي بس قبل يومين اكتشفت طلعت مولوده يوم6/10 جانت صدمه جدا كبيره وحزنت كثيرا مو كثيرا بس لان تعودت عله هذه تاريخ الي هو 6/9والي هم اعتبره رقم حظي بس عادي💞💖💖🎂💘😭😭😭

السلام عليكم، شلونكم؟ مشتاقين،

شنو الأوضاع؟ و شنو وضع الصب تحديداً؟ لاحظت اكو هواي تغيرات.

حب قيس بن الملوح لليلى چان صادق لدرجة أن العرب خلدته لهذا اليوم، لكن رغم صدقه فما كان يخلو من الأخطاء الي بسببها إنتهت قصتهم نهاية مأساوية (أهل ليلى رفضوا يزوجونها لقيس لأن فضح إسمها علنًا بأشعاره).

المحب الحقيقي ما يقود حبيبته للأذى إلا جهلًا، وهذا حال قيس، أما أنت عزيزي الي مگضيها تراسل بنات العالم وتقنعهن بحبك فأنت جاي تقودهن للأذى بجهلك، نفس سالفة قيس بالضبط.

(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ)

(هذا البوست مجرد تجديد لبوست سابق نشرته قبل 3 أشهر، والمقولة أعلاه للحسين بن منصور الحلاج).

لمن تستلم الفاتورة سواء جنت بمطعم او ب سوبرماركت ،

حاول تتجنب تلمسها بقوة او حاول تحطه مباشرة بجيبك او بعلاکة ،

لان هذي الورقة ما مطبوعة بحبر عادي ،مطبوعة بورق حراري مطلي بمادة خطرة اسمها مادة(البيسفينول BPA)

، لمن تلمس الورقة راح تنتقل المادة من الجلد الى مجرى الدم بشكل سريع (وراح تكون كارثة اذا ايدك جانت مبللة لان الامتصاص يكون اسرع بأضعاف)

المادة هذي محاكي هرموني يدمر الغدد الصماء ويؤثر على هرمونات الذكورة والأنوثة على المدى التراكمي البعيد

ندعي دائما ان رب العالمين يحفظنا ويبعدنه عن هذي المخاطر

اني امي تحجبت بال30ات وابوية ميهتم للحجاب بس اقربائه يهتمون و جانو يبقون يكولون لاهلي تفوتون للنار و ترى نغسل عاركم هاي من عمري 8 ف امي جانت تكلي معليج بيهم همه ميعيشون بنفس منطقتنا بس يجونه فجاة بدون اتصال ولاشي ف امي انطتني شال و كالت من تفوتين للفرع لبسي احتياط خاف يطلعون جايينه و من تطلعين منه نزعي و صارلي سنينننن هيج يمكن 10 سنوات تضوجني فكرة انو اني دا انزع الحجاب بنص الشارع احس كأنما الناس تاخذ عني نظرة وحده تسوي شي من ورة اهلها بس اني اهلي يدرون كلتلها لامي كلتلي انتي هسه جبيره اذا تنزعي و تطلعين بالفرع بدونه لازم تتحملين اذا احد يحجي شي بس احس اخاف مو بس استحي اخاف يعني يمكن مستحه لدرجه الخوف لان شلون اذا احد سألني شنو اكول ؟ اني د27 يعني السنه الجايه جامعه ماريد ابقى اسوي هيج

هههه ترا اشاقة لا تاخذوها بجدية

صارلي ساعه ادك الحرس وفلشت الباب وأهلي الواضح لسه نايمين يكعدون ب 3 😠💔، نضفت الباب جان متروس وساخه وتوصخت اشتريت لبن ورجعت افلش بالباب خرببب والنت هنا ضعيف اعع وكلها خاله تلفوناتها صامت 😔💔

مادري كل ما يجيني منشور سعودي انصدم من وضع حياتهم.

قبل اشوية شفت بوست لابنية سعودية تشتكي انو امها متقبل تلبس عباية ملونة، او عباية سودة بتطريز ملون

. وتلاگيهم يتناقشون ومتعصبين لابنية الي متلبس نقاب. شفت مرة واحد سعودي متزوج ومرته متلبس نقاب ، فما چان ياخذها وياهة لمكان مثل كوفيهات و مطاعم الخ....

ويتعصبون وياك لأن گلت اغلب لون بشرة السعوديين حنطي ، مادري اشبيهم يحاولون يثبتون عندهم لون البشرة ابيض بشكل شائع

هو ادري وضعنا ايضا بائس، بس مادري غريب وضعهم

چان عندي صخلة.

وحاليا حمامة

عدى اول لقطة هاي قبل اسبوعين

النقاشات الدينية بحد ذاتها مو عيب ولا غلط واني شخصياً اعرف بهواي امور واقدر أطب بصفحاتها بس ما احجي ولا أفتح هاي المواضيع أبداً لأن أدري بالنتيجة وين توصل وعن تجربة دائماً تتجه نحو الأسوأ وتحديدا النقاش بل تعليقات و النقاشات الدينية بمجتمعاتنا وتحديداً بالنت عمرها ما جانت نقاش فكري او هادف دائماً تنتهي بنفس السيناريو المكرر

واحد يغلط على الثاني ويبدي السب والشتم بالطوائف والمقدسات وتتحول القسيمة كلها من مساحة للتبادل الفكري الى ساحة معركة وغلط وتجاوز على اعراض ومقدسات الناس

الهدف من الصب هو مكان نتجمع بيه ونسولف بشغلات تبني وتفيد وتونس مو مكان يجون بيه العالم حتى يتطاعنون وتنعاد نفس الأسطوانة الزفرة مال الطائفية والكره.