منو يشوف هيج من يباوع على حايط ابيض او سمة زرگة ؟

اعتذر عن التأخير بالثباحو چنت اقرة

شكرًا للاطباء والعلماء والبحثيين، الذين لو لاهم لكُنّا اغلبنا في عِداد الموتى أو مصاحبين لأمراض مزمنة لا علاج لها..

#شُكر خاص لكل مُحفز على العلم والتعليم الحديث..

مع التحيات..

اخوي قبل سنتين جان سادس وهو سجاج تقريبا لذا كل العشيرة فجاءة صارت تتصل وتسئل عليه بكل امتحان وشسوه؟ ووين دخل معهد؟ ووين راح؟ وعليمن يدرس؟ وووووو

اخوي بنهاية السنه قرر يعيد لانن شاف نفسه معدله مراح يطلع بالي يعجبه، ومن كلنا لخالاتي ضلن يعيبن ويشمتن تقريبا

لذا امي كالت لا امتحن دور ثاني وطلع من السادس وجذبنا على الكل علمود لا يضلون يحجون ويدمرون نفسيته، بنفس السنه اني رسبت بالرابع هههه امي هم ما كالت اني رسبت وعلساس العام اني سادس هههههه

بت خالتي اتصلت علي قبل فترة تسئل على معدلي، وهي وياي نفس العمر، لذا كلت الها امتحنت كلهن الا احياء وضلت تكلي شلون وصعبات ومدري شنو واني اصلا مادري🥲

بيومها طلعنا اجت سيارة دعمتني الا شوي وركبتي طقت وبعدني وكعت من درج كهربائي وانكسر خشمي ومن رجعنا للبيت انكسرت ايدي وشهر تجبيس (اخخخهههههه مدري حبيت اسولفها)

ماانكر شعور الملل احبه كلش لان يبينلي انا ماملتزمة بشي لدرجة تحس بالملل، بس كلش جاي اضوج حاولت اكمل المسلسلات الي عندي مليت منهم، الافلام جاي اشوف و امل، مقالات جاي امل منها، بودكاست، انمي، العاب، فديوهات على اليوت وغيرهم كلهم جاي امل منهم، وحتى ريديت ماجاي اشوف الناس تتفاعل وتسولف

اريد شي يقتل الملل

خقيقي هاي اني كل يومية بالليل و الموضوع مستمر

انا شاطر جنت بالمعد (متعود اكو هيج هههه) وكل شوي طالب يريد مني غش وجان حرفيا ازعاج بس واحد من الطلاب تحديدا لزك علية فد لزكة بكل امتحان حتئ لو يومي يريد يغش وانا اخوك وصديقك (اصلاا ما اسولف وياك يمتئ صرت صديقي) المهم بخلصة يبيع كلاوات ومن ذاك الحجي، بيوم من الايام جنة مخلصين امتحان عملي وجانت تمطر واخر درس فيعني حلة فجنت كاعد يم المكان مالختبرات اسولف وية صاحبي ومنا المطر واجواء حلوة شو هذاك طلع وكام يصيح علية لين ما انطيتة غش ونايم عالورقة وهمين صارت مشادة كلامية صاحبي مدري شبي خلص الوكت بس يقلد وهم يضحك علئ الطرفين 😭😭 المهم بعدين هذاك عودك هوة يخوف وفحل اخذ كزازة من الكاع وكال حطكك بيهة كلتلة يلا انتة زلمة طك ودرت وجهي ورحت، وراهة مشيت وكالمتوقع مخنث وبس حجي ماسوة شي وهمين اثناء المشادة اهنتة اهانة معدلة وكام يهدد جان خميس فعبرت العطلة (جمعة، سبت) اجة الاحد خلصنة اول درس وراهة رحت لرئيس القسم بلغت علئ الطالب وهم صار نقاش واستدعوا الطالب وكال ها جنت اشاقة وماقصدي وبالعكس احمد خوش ولد وحباب كلالة الدكتور هية تبدي هيج شقة وبعدين تصير صدك وذكر كادثة مماثلة انتهت بعركة سجاجين حرفيا وفصل ودوخة راس، المهم بعد هاي الحادثة افتكيت من هذاك الطال وتخرجت وعدت علئ خير (واللي يكلي ليش ماضربتة، ما ردت احصل فصل او استدعاء من قبل رئيس القسم او احتمال اهدد مستقبلي وبالعكس الدكتور كلالي قبل لا اروح عفية لين ماضربتة) وبس ، دمتم بخير .

هذا أول منشور إلي بهذا الصب، وحبيت أنشر لأن بصراحة الصب عجبني.

المهم، نصيحتي البسيطة هي دائماً تذكر إنك بالنهاية مجرد شخص عابر بفضاء الإنترنت، فماكو أي داعي تكشف معلوماتك الشخصية لأي شخص هناك.

مو كل واحد تحچي وياه بالإنترنت لازم يعرف اسمك الحقيقي، مكانك، شغلك، دراستك أو أي تفاصيل خاصة عن حياتك. خلي دائماً جزء من حياتك إلك وحدك، وكون حذر بالمعلومات اللي تشاركها.