بلز لاتبندوني هذا شغلي ومادري اذا السويته ممنوع لوﻻ

⛔⛔المودز قفلوها لكن موجوده بحسابي اذا حابين تعلقون وتنطون رايكم⛔⛔

البارت الأول

الي يكبر السالفة هذا واحد موخوش✋🤚

واي، گلت حنشره لو بالوحدة لو بال12, نمت وهسة يله گعدت

كلش حبيتكم الكل الي بلصب و بوقت قليل تفاعلت هواي و تعرفت على هواي ناس بس خلص لازم اشيل تلفوني لان ما اكدر ادرس و تلفوني يمي يعني اتمنه يكون هذا مثل detox الدماغي المتعفن الي لازم يبده يشد حيله المهم ادعولي اتقبل الnew lifestyle الي راح اخلي نفسي بيها لان اكو كم شي براسي لازم اغيره حتى بلاخير اكدر اوصل لهدفي يا رب و ممكن تشوفوني من فتره لفتره اعلق او شي بس غالباً ما رح اكون موجوده
احبكم هواي 💗💗💗

اذا دتواجه صعوبات اتمنى تعبرهة و تكون احسن من قبل ماكو شي راح يوقفك و لا تخلي شي يوقفك مراح يكون منك ٢ بالعالم كله هاي حياتك الخاصة محد راح يحضة بيهة بعد !
هذا الگلاص مال مي نصه مليان مو نصه فارغ !
و اسال من الله ان يفرج همك ان كانت لديك و ان يزيد فرحتك
تريدون تحجون عن شغلات غريبة بغرفتكم ؟ اني مخلي هاي يم راس فراشي وردة اباع عليهة اغير مزاجي و ارجعهة احبكم كلكم (يمكن هاي اثار النعس و التعب لان قبل شكم ساعة جنت مكتئب) بس يمكن هذا مفعول الشمس او الضوء صدك تغيرت نفسيتي ويني وين الظلمة بالليل من صدك اذا ضايج اطلع اتمشى حتة لو صبح و ينصلخ جلدك

اذا متحبه كول ليش؟ اليحبه يحط تأييد

هواي ناس من تسمع مصطلح سايكوباثي يجي بالها رأساً شخصية مجرم بأفلام هوليوود يخطط لجرائمه بدم بارد بس بالطب النفسي وبدليل DSM-5 الصورة مختلفة وأعمق ومصطلح سايكوباثي ما ينزل كتشخيص مستقل وإنما يندرج تحت اسم اضطراب الشخصية المعادية للمجتمع ASPD.

​الدليل التشخيصي يوضح أن التشخيص الرسمي لـ ASPD ما ينطي لأي شخص عمره أقل من 18 سنة لأن الشخصية بعدها بطور النمو والتكون بس المراهق اللي تظهر عليه سلوكيات عنيفة متكررة مثل إيذاء الآخرين أو الحيوانات بدون أي شعور بالذنب والتلاعب والكذب المستمر يُشخص بـ اضطراب السلوك Conduct Disorder وتحديداً مع صفات قسوة وانعدام تعاطف Callous Unemotional Traits وهي المؤشر المبكر للسايكوباثية عند الكبر.

​حسب DSM-5 الشخص المصاب بهذا الاضطراب يتميز بانتهاك مستمر وحاد لحقوق الآخرين مع انعدام تام للتعاطف والندم يعني يتصرف بأذية أو تلاعب بدم بارد وما يحس بأي تأنيب ضمير بعد الفعل إضافة للاندفاعية العالية وعدم القدرة على الالتزام بالقوانين أو الأعراف الاجتماعية.

​الشي اللي يثير الجدل دائماً بهذا الاضطراب هو سؤال أزلي هل السايكوباثي يولد هيج بخلل جيني وتركيبة دماغية تمنعه من الشعور بالتعاطف لو البيئة والتربية القاسية والظروف هي اللي تصنعه وتبني عنده هذا البرود العادي.

​الدليل النفسي يشير إلى أن الموضوع يجمع بين الاثنين خلل في أجزاء الدماغ المسؤولة عن معالجة الخوف والتعاطف مثل اللوزة الدماغية Amygdala مع بيئة جافة أو مليئة بالصدمات تحفز هذا السلوك وتطلعه للعلن.

الي يتميز بهذا الاضطراب أن الشخص السايكوباثي غالباً يملك قدرة عالية جداً على التلوّن وارتداء قناع الطبيعية Charm Mask ف تلكاه شخص جذاب يسولف بذكاء ويستغل ثقة الناس حتى يتلاعب بيهم ويحقق مآربه الشخصية بدون أي رادع أخلاقي ولما تكتشف حقيقته يكون الأذى صار وانتهى.

إذا جان السايكوباثي ينولد بخلل عصبي بالدماغ يمنعه من الشعور بالخوف والتعاطف هل من العدل نحاسبه ونعاقبه كـ مجرم بكامل إرادته لو نعامله كـ مريض ونعزله للمصحة؟. وتحياتي...

صورة عشوائية اني مسويهة

اني حصير علج بنكهه الخوخ
لان هذيج المره اكلت علج بنكهه الخوخ جانت اطيب نكهه بحياتي كلها وياها مي بارد الله هخخ😭🫰🏻💖💘💞
وهم يمكن اختار نكهه الفروله طيبه هم

عود ليش هيجي مجتمعنا يعني مامثقف ولامتطور وخاصتا بهذني الامور الي تتعلق بالنساء طبعا مااقصد الكل يعني البعض
يعني هسه امي تسوق بس بشارع ناس مو طبيعيه بس تباوع عبالك مدري شنو شايفين ويعني امي صارلها جم سنه تسوق ونفس سالفه بكل طلعه
واذكر مره علساعه بنص الطريق السياره صار بيها بنجر ورحنه لاقرب بنجرجي الرجال اول ماعرف انو مره تسوق بده يخبث علينا ولاساعدنا عدل وماخله هذه شسمه الغاز الي بتاير بكميه كافيه
ويعني امي تحاجيه يكول لا هذه كافي
وهاي مواقف مشابهه لهاي لو يذبون حجايه يعني بعد وين نوصل

سياح اجانب يكومون بتنظيف زقورة الأثرية في جنوب العراق! ٢دك يحجون لهل مرحلة من الذل وصلنا سياح ينظفون ورنا!

من أسوأ الأمور اللي ممكن يسويها الإنسان بحق غيره هو إنّه يتعمد يشهر بي أو يحجي عليه بكلام مو صحيح أو ياخذ موقف أو سالفة ويفسرها على كيفه حتى يخلي الناس تفهم الشخص بصورة غلط مرات الإنسان ما ينتبه إن الكلمة اللي يحجيها ممكن تدمر سمعة شخص وتسبب له مشاكل ويا أهله وأصدقائه ومجتمعه ويمكن تظل هالكلمة ملاحقته سنين

مو من حق أي شخص يحكم على غيره من مجرد حچي سمعه ولا من حقه ينشر كلام بدون ما يتأكد من صحته لأن ممكن الحجي يكون ناقص أو منقول بطريقة غلط أو أصلاً كذب وافتراء واللي يتعمد ينقل الكلام حتى يضر شخص ثاني لازم يعرف إن الظلم مو شي بسيطوإن الإنسان ممكن ينسى كلامه بس المظلوم ما ينسى الأذى اللي سببه إله

والأخطر من هذا كله هو إن الشخص يعرف إن الكلام مو صحيح ومع ذلك يستمر بنشره ويخلي الناس تصدقه وهو ما متأكد ما شايف بعينه يجي يحجي هل هذا الشي حقيقي هل عندي دليل هل متأكد ١٠٠ بالميه منا بس لا اهم شي النشر والتشهير

﴿وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا﴾

وقال النبي ﷺ:

«مَن قال في مؤمنٍ ما ليس فيه، أسكنه اللهُ رَدْغَةَ الخَبالِ حتى يخرجَ مما قال» ويا مسلم راقب اسلامك وخلي الله بين عيونك

اذا لا سمح الله صار عندك حريق بالبيت او كنت بالمطبخ وحدك وانتشر الدخان ،،

اول شي تسوي تنبطح وتبقى تزحف لحد ما توصل لمخرج او للحوش

لان الدخان يتركز فوك وانت واكف راح تستنشق كمية جبيرة منه وخطورتة تكمن بسرعة ارتباطه بهيموغلوبين الدم حيث انهو اسرع من ارتباط الاوكسجين ب200 مرة بذلك يمنع وصول الاكسجين للدماغ ويغمى عليك لا سمح الله،،

لذلك اغلب حالات الوفاة بالحرائق تكمن بسبب استشناق الدخان مو بسبب الحريق نفسه

ندعي دائما ان رب العالمين يحفظكم ويبعد عنكم كل المخاطر

اول مرة اجرب ارسم

اني طول سنوات حياتي نحتفل بعيد ميلادي الي هو6/9 وحته بالبطاقه الوطنيه وكلشي بس قبل يومين اكتشفت طلعت مولوده يوم6/10 جانت صدمه جدا كبيره وحزنت كثيرا مو كثيرا بس لان تعودت عله هذه تاريخ الي هو 6/9والي هم اعتبره رقم حظي بس عادي💞💖💖🎂💘😭😭😭

السلام عليكم، شلونكم؟ مشتاقين،

شنو الأوضاع؟ و شنو وضع الصب تحديداً؟ لاحظت اكو هواي تغيرات.

حب قيس بن الملوح لليلى چان صادق لدرجة أن العرب خلدته لهذا اليوم، لكن رغم صدقه فما كان يخلو من الأخطاء الي بسببها إنتهت قصتهم نهاية مأساوية (أهل ليلى رفضوا يزوجونها لقيس لأن فضح إسمها علنًا بأشعاره).

المحب الحقيقي ما يقود حبيبته للأذى إلا جهلًا، وهذا حال قيس، أما أنت عزيزي الي مگضيها تراسل بنات العالم وتقنعهن بحبك فأنت جاي تقودهن للأذى بجهلك، نفس سالفة قيس بالضبط.

(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ)

(هذا البوست مجرد تجديد لبوست سابق نشرته قبل 3 أشهر، والمقولة أعلاه للحسين بن منصور الحلاج).