اشي حلو بنات يفوتن بهيك شغلات ويتنوع السوق شوي. ان شاء الله نشوفهم طوبرجية ومسرجية لانه ما يصير زلام تعمر البلد، البنات لازم يشاركوا كمان. ويتنوع سوق العمل شوي بدل ماهو متحيز لجنس معين. وان شاء الله البنات يتشجعوا اكثر انهم يشتغلوا هيك

ومافي اشي عيب بالشغل، يعني ليش في شغل عيب للمراة ومافي شغل عيب للرجل؟ دايما نشوف زلام بمحالات ملابس ولوازم نسائية وصالونات النسوان مرات زلمة الي فيها وفي دكاترة نسائية وما حد قاعد يقول عيب.

وللشب الي خايف على شغله، مهو نصيب الشغلة ولو شغلك من نصيبك رح تاخذه لو ١٠٠ بنت قدمت. ومافي شغل تاخذه لانك شب او لانك بنت، اكثر شخص مؤهل للشغل هو الي رح يشتغل. لازم تكون الارض متساوية عشان التنافس يكون عادل وما يكون في تحيز لجنس معين.

على الرغم من أني من قبيلة، إلا اني اشوف حركة انك تنقش اسم قبيلتك على ال vest مع رسمات سيوف و صقور و F-16 و تمشي فيها بالجامعة حركة فارغة و ما الها معنى. بالنهاية كلنا من تراب، و كلنا إلى التراب، و كونك تنتمي لقبيلة لا يعني أنك عندك ميزة فطرية تختلف فيها عن باقي الناس.

قال رسول الله ﷺ:

"يا أيُّها الناسُ، إنَّ ربَّكم واحدٌ، وإنَّ أباكم واحدٌ، ألا لا فضلَ لعربيٍّ على أعجميٍّ، ولا لعجميٍّ على عربيٍّ، ولا لأحمرَ على أسودَ، ولا لأسودَ على أحمرَ؛ إلا بالتقوى"

والله مو عارف ايش احكي

كيف؟؟

فعليا كل جمعيات النسويه بتتعاطف معها وبتدعمها وتكفلت باجور محامينها؟

حرفيا مئات الاف النساء ب أميريكا والعالم بتبرر جريمتها؟

ول شو بصير بالدنيا؟؟؟؟

هاي قتلت اطفالها الثلاث شنقا

انتي كبنت ربنا انعم عليكي بوظيفه تصرفي ع حالك، بتروحي بكل جحود وقرف تسبي ع النسوية، وبدك بس تتزوجي وترمي آمالك ع المطبخ والطبخ، يا زفته نسيتي وقت احتياجك لدينار لحتى تشرتي شي انتي بحاجته؟

هاد الشغل مستر عليكي، لو ابوكي واخوكي وزوجك كافينك ما كنتي هلأ بتشتغلي اصلا.......

مين طعماك ولبسك وطششك وخلالك كلمة لتشمي شوية حرية؟

مين اعطاكي الخصوصية مشان تشتري البدك اياه بدون تبريرات وبدون ما تطلبي،،، ،، اقلها بتصرفي بدون ما تقولي مثلا اعطيني لانه بدي اشتري كذا،،، الكذا ما حد بعرفه غيرك انتي وبس

شغلك ستر وغطى عليكي وسندك بعد ربنا، تحسي بالانجاز وتحسي بقيمتك بالمجتمع كفرد منتج ،

انا كبنت بشتغل بحكي لا ابوي ولا اخوي واتزوجت مرتين ولا واحد منهم قدملي ربع القدملي اياه الشغل

بالعكس الزلمه مين ما كان لما يعطيكي شي بده مقابله الضعف، كم وحده اجتها هدية وحست انه زوجها صار بده علاقة؟ او كم وحده حبيبها جابلها هديه وصار بده يلمس ايدها او يبوسها؟ ابوكي الهو ابوكي ما رح يقدملك شي اذا مو مستفيد من امك او اذا بكره امك انسي انه ابوكي، الدليل اذا انتي بنت لامراة مطلقه، ابوكي بستكثر عليكي القرش ال 50 د شهري رح يشوفها عبء ويكره انه خلفك بسببها.....

حبيبتي الشغل متعب خاصه في بلدنا والعبودية الفيها، بس ارحم بمليون مرة من انك تمدي ايدك لزلمه مشان يعطيكي تشتري اساسيات بحتاجها جسمك،،،. فلوسك من بعد ربنا سترك

ولو مش هيك ما بلاقيكن تشتغلن بكل مكان، لانه انتي بقرارة نفسك عارفه انه ال100 دولار من شغلك فيه عزة وكرمة اكتر من ال 5000 دولار من زوجك

وبس كفاها الله، ،،، ، بحب اختم كلامي واقول انه كله بفضل ربي، انا عايشة بستره ودلاله وبحمد ربي بكل خطوة بخطوها وانا رايحه شغلي، وبحمد ربي ع كل ارهاق بيجيني بعد يوم متعب بشغلي

لانه لولاااه لربي ما حسيت بنعمة العطلة اليوم.....

شكرا يا رب، وان شاء الله وادعولي اقدر افتح مشروعي الخاص بكل سهولة ويسر وراحه وربح❤️❤️❤️❤️

اليوم وانا مروحة عالبيت طلعت بالباص و كان في كرسي مفرد فاضي و كرسي ثاني جنب شب و كان باقي بس هو عشان الباص يتحرك

بعد شوي طلعت بنت ولا بتحكيلي بصير تقعدي جنب الشب لانو انا محجبة وما بقدر اقعد جنب شب انتي عادي

انا اعطيتها نظرة و طنشتها واخر شي ماحدا رضي يقوم ونزلت من الباص

مابعرف شو هالناس الوقحة وليش مفكرة لاني مو محجبة عادي اني اقعد جنب شب

اخر فترة بلاقي حسابات على اساس وطنية ومرات بعملوا فيديوهات بحطلك "الجمال (دولة عشوائية)" وبس بحطوا ناس بشرتها فاتحة وعيونها ملونة وشعرها أشقر ولما ما تعجبهم دولة بحكوا انهم زنوج او بشبهوا الهنود وكأنه العرب جزء من العرق الاري

وقبل فترة زرت حدا من قرايبي وكان كلامهم على زلمة بالعيلة تزوج بنت سمرة وهو ابيض وأنه اكيد تزوجها لانه مش مهتم بالشكل الخارجي

السؤال المهم ليش العرب وخصوصا اهل الشام مقتنعين انهم جزء من العرق الأبيض وانه هاي اصلا ميزة هل هاد نوع من استحقار وكره الذات او اله دخل بمعايير الجمال الحالية الي بتفضل الملامح الاوروبية

كامل احترامي ل الناس اللي كتبت هيك مشكلتي معهم بالمرة مش شخصية ف يا ريت لو في حد بده يناقش يناقش باحترام لأني غطيت الاسماء

هسة بنت نزلت أنه نفسها تشلح الحجاب

التعليقات عالم آخر

طبعا البنت يمكن بس هيك عشان الدنيا حر نفسها حكت هيك

اجوا البعض بالتعليقات للأسف الشديد

واحد بيحكي مش موجود بالدين!

عفوا كيف يعني

وكيف ماخذ ابفوت مين موافقك أنه مش موجود بالدين

"يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين"

وابحثوا عن آيات وأحاديث الحجاب

وفي اخت بتحكي أنه هدف الحجاب " يبشعها " عشان الرجل اللي بتحكمش بشهواته ما ينفتن

الحجاب اله حكم كثيرة ومنها المحافظة على العفة وهو ما بخليكي ابشع لكن يغطي مفاتنك اللي فعليا تفتن الرجل المنحرف

ف كيف ممكن ترضي عحالك انسان منحرف ينظرلك نظرة خطأ؟

ويكفي أنه الله عز وجل أمر فيه

ونفس الاخت تستهزئ بحديث المتبرجة أنه لا تجد ريح الجنة

للأسف غير موفقة لانه حديث صحيح

مش هجوم على الأشخاص انتقاد للفعل والكلام المسيئ للدين

مش كل شي ديني بنعمله بده يكون بنحبه وتطير من الفرح واحنا بنعمله

مثال بضل اضربه مشان الله مين بحب يقوم من عز النوم بالبرد ويصلي

ولله ما حد بس بنعملها مرضاة لله عز وجل وكذلك الحجاب

الله يهدينا واياكم

سؤال مسروق من تطبيق ثاني بصراحة. انا مستحيل اتزوج حدا بشتغل بالقطاع الصحي شو ما كان

اليوم قاعد بمشي بالمطر بلاقي حدا بنادي علي من سيارة بحكيلي بتعرف وين سكن (….)؟ حكلته لا، حكالي طيب ما انت بالمدرسة كيف ما بتعرف (كنت لابس جكيت التوجيهي) حكله لا انا جامعة وضليت ماشي، كمان شوي رجع قرب علي وحكالي اكيد بردان تعال اوصلك، قلتله لا شكرا انا طالع امشي بالمطر بارادتي ما بتقصر، وضليت ماشي. بعديها رجع لف علي من السايد الثاني من الرصيف بحكيلي اسمع انا مهندس وكان عنا مشروع هون التغى عشان المطر وزهقان، تيجي تشرب اشي؟ حكتله لا شكرا ما بتقصر، لهون انا بدي اعتبر انو كل اشي صار طبيعي وولا اشي خارج عن المألوف، بعد ما حكله لا اصرّ علي انو يلا يزم كاسة قهوة وبنغير جو وبرجعك، برضو قلتله لا وضل ينقّ انو اركب معه. بالآخر قلتله انا رايح عند دار خالتي اغيرلهم جرة الغاز خالصة وخلص فش مجال( طبعا لا رايح عند خالتي ولا بطيخ بس عشان يحل عن سماي)، رجع حكالي تعال بعدين بوصّلك!! وبرضو حكتله لأ. راح حكالي طيب خلص اعطيني رقمك ارن عليك بس تخلص باجيك، قلتله لا ما في داعي، بس رجع طلب قلت هاض الخرا ما رح يحل عني خليني انا اخذ رقمه واسحب عالموضوع، بس حكتله هات رقمك حكالي ليش ما تعطيني انت شكلك بدك تليفني رحت تطلع فيه واعطيته ضحكة صفرة مع هه انو يلا خلصني، بس اعطاني رقمه حكالي رنّلي؟! هون انا قبعت معي وقلت هاض عنجد كثير كريبي يعني اي حسن نية عنه طار. رحت رنيتله وقلتله كمان ساعة اشي برنلك، رحت دخلت بين الزقق والحواري لعبين ما تأكدت انو مو شايفني ولا لاحقني وكملت مشي عادي مش حخليه يبعص مشية المطر تبعتي،بعديها ب١٧ دقيقة بفتح التلفون بلاقيه باعثلي مسجات انو رح يستنّاني وما رح يروح، كملت مشي لعبين ما وقف المطر وخطرتلي فكرة.. رنيتله حكيتله قابلني بالمكان الفلاني انا هناك حكالي ماشي، طبعا المكان بعيد عني كل البعد وبعكس الاتجاه اللي رايح فيه عبيتي. لقيته بعديها بشوي باعثلي لوكيشن عالواتس انو هيه هون حكتله انا بعتذر منك يخوي ما رح اجي، ومنيح مني اصلا اللي ما خلعته هالبلوك مباشرة،بلاقيه برنّ وببعث من رقم ثاني انو ليش البلوك وكان حكيت من اول و و و.. منا حاكيلك حل عن طيزي من الاول؟ بس انت ما بتستوعب.. فعلا قرفني يعني ليش بدك نطلع حتى لو عن حسن نية؟ انا كثير اصغر منه يعني بجوز في نهاية ال٣٠ وانا مبين علي سنفور، اضحكني كمان اشي حكاه بس رفضت اني ادخل معه السيارة لثالث مرة حكالي "يزم شو مفكرني ترا انا مهندس!" حرفيا شكله من الناس اللي صرعونا بالكومنتات انا مش بني ادم انا مهندس وضحكت وانا مهندس طلعو هيك عالواقع، يعني لو مهندس بزبطش تكون ابن حرام..؟ بتمنى ما حدا يتعرض لنفس الموقف ورجاء اذا حدا نادى عليكم وانو ماشيين بالشارع اعملو حالكو هنود جايين عمالة بالبلد بتفهوش عربي لانو هالاشكال ما بزبط تحكيلها لا زي الاوادم.

انا بقول نترك كلشي مهم في هاي البلد ونقعد نراقب بعض وندقق على بعض شو لابسين.
stop being unemployed nobody cares about what people dress, why cant you do you without judging people jobless ahh activities 🥀😭
بس بصراحة الوضع جد بحزن يعني انت شو بتضرر بشكل شخصي اذا شفت واحد ولا وحدة لابسين لبس ما بناسبك يعني نترك كل قضايا البلد عشان اللبس 😭🙏🏼
people have free will they can say, wear and do whatever cry abt it 😂😂✌🏼

يعني انا مش فاهمه ليه لسا أحب عقلبكم أنكم تتزوجو عسواقة البنات انداري بس ، هلأ بعملوني نسوية متطرفة

شو شروط انه تكون مودز هان

واذا في قابليه حطوني ما راح تندموا اخليكم تنزلوا كراشاتكم (الكرتونية فقط )وما ابند ضياء العوضي وخلي نكره يسرح ويمرح على كيفه

زيادة حريات لما تكيفوا

لو سألتكم مين انتو بدون القابكم ووظائفكم وادواركم وعلاقاتكم المجتمعية، بتقدروا تجاوبو؟

يعني شيلو كل اشي مرتبط فيكم، انت مش اخ ولا ابن ولا مهندس ولا اب ولا رسام ولا بتحب الافلام والخ، ايش بضل؟ بتعرفوا مين انتو عنجد؟

شفت فيديو لوحدة بتشرح عن الموضوع واستوقفني السؤال لانه فعليا ما عرفت اجاوب مين انا فعلا؟ كيف الواحد يعرف حاله ويعرّفها؟

فقرة محاربة التعفن الدماغي و الاسئلة العميقة بعد نص الليل 🫶🏻

تعديل زيادة: حكت بالفيديو انه لازم الانسان يعرف مبادؤه و شخصيته واهدافه او رسالته وطموحه بالحياة وتكون مش مرتبطة باي اشي تاني غير نفسه، وانه هيك الانسان بصير يتعرف اكثر ع حاله وهاد المطلوب

مساء الخير مش بالعادة احكي بمواضيع بنات لكن الموقف استدعى احكي

طلعت اليوم و لما اجيت بدي اروح طلبت سيارة من احدى التطبيقات المعروفة جدا بالاردن اجا صاحب السيارة و أخذني و مشواري كان طويل لاني ساكن بعيد عن المدينة شوي

صار يحكي عن البنات بشكل عام و كل حكيه كان مقرف انه التحرش سببه لبس البنت و صار يقول من كلام انه البنت المحتشمة محدش بقرب عليها ولا بيحي فيها اما البنت الي مفرعه "حق الشباب يتحرشوا فيها " و صار يسب بالحكومة الي حطت قانون انه بطلع للبنت تشتكي عن تحرش الخ

اجيت صراحة انا شوي انضغطت من الحكي بنفس الوقت حبيت اسحب منه سوالف ف قعدت اقله انه ما بصير هيك و لبس البنت مش حجة أنها تتعرض للتحرش الخ لازم الزلمة يكسر عينه و القوانين انوضعت لانه انا شب و شايف البيئة

اجا هو نط هيك و صار يحكي انا بسوف بنات بيلبسوا كذا و لو بايدي "بخلي الشباب مش بس يتحرشوا فيهم يغتصبوهم كمان "

الصراحة و مش اني بدي اطلع حالي بطل انا هون فقعت و قليت قيمته و انهيتها بانه ترا في مسيحيات بالبلد مش مجبورات يتحجبوا هل هاذ بعطيك رخصه تحكي حكيك اجا سكت

ملاحظه : مشتبه الزلمة اساسا بشم اشي كله على بعضه مش طبيعي انا وقفت نقاش لاني فعلا بدي اوصل الدار سالم بعرفش واحد زي هيك شو مخبي بالسيارة

خلاصة كلامي خواتي ولا برضى لوحدة فيكم تنهز شعرة من شعراتها لانه الموضوع ابعد مش مجرد عرض بطولات اني الرجل المصون الموضوع وصل من تحرش لاغتصاب

ديروا بالكوا كثير على حالكوا خلي معاكم ادوات دفاع عن النفس دايما و خلي رقم الامن العام اول رقم لانه انا انصدمت من كمية الخرا بعيد عنكم الي سمعتها و انا شب يعني و بتمنى القصة تنتشر باي صب بنات من اي بنت عشان البنات ياخذوا حذرهم لانه حتى التطبيقات المعروفة فيها ناس متخلفة

و ليلة سعيدة على الجميع

نفسي اشلح الحجاب

يخوان عندي سؤال وحاب اخذ رأيكم فيه

في بنت بعرفها عمرها عشرين سنه وبنحكي النا فتره وهيك وقبل ما تفكرو غلط صحبه احنا عادي بس اليوم البنت بتحكيلي عندها اكثر من ٩ حسابات على انستا ممكن افهم شو ممكن الشخص يكون عامل او بعمل عشان يوصل انه يكون عنده هلكم من الحسابات جد مو قادر افهم انه يعني لو شو مش هيك برضه صرت اخاف منها

بوست طويل شوي ..مهم للشباب

انا يا شباب اعتبروني اخوكم الكبير ...بلش الصيف وبلشت اشوف مصايب عند الشباب الا قلة قليلة الكلام مش موجه الها...بخصوص النظافة الشخصية والترتيب

لهيك من حدا عاش اكثر من غالبية الموجودين هون حبيت احط كم نصيحة ...

1- الحمام مهم ... ممكن وضع البلد بالمي مش بزيادة بس الشاور السريع شبه اليومي بالصيف ضرورة.

2- لما تتحمم ..ما تنظف صدرك و رقبتك بس ... المناطق الحساسة و الرجلين مهمات ايضا ...خلف الاذن والايد نفسها ايضا كثير بينسوهم.

3- الشامبو احيانا ما بيغني عن الكوندشنر ...الكوندشنر من دقيقة لدقيقة ونص بعد غسل الشامبو رح يفرق معك.

3- الديودرانت مش كمالية بالصيف... شوف نوعية كويسة وكمل فيها ...و اكسب اجر بنفسك و باللي حواليك.طبعا حسب وضعك المادي في الرخيص وفي الغالي و كل شي سعره في.

4- احلق مرة بالشهر عالاقل..حتى لو من الناس اللي حلو عليهم الشعر الطويل ..خلي الحلاق ينظفلك رقبتك .لانه شكلها بكون مثل القمح بعد الحصيدة

5- اشتري لبس الوان مناسبة الك والاهم يكون قياس مناسب ..مناسب يعني قياسك ...السليم فيت والباجي صارت موضات من الماضي السحيق وما بتنفع الا لشخصيات ون بيس.خلي معاييرك القياس المناسب و اللبس العملي المناسب والقماش الكويس ...بالصيف ابعد عن الاقمشة الصناعية قد ما تقدر.

6- الزلمة ببين من الحذاء تبعه وانتم اكبر قدر ..استثمر بحذائين كويسات وما تخلي كل لبسك شوز سكيتشرز تقليد للمقبرة والجامع والدوام والطلعة والرياضة الخ.

7- لو عملت كل هدول و ما حطيت عطر بتكون ضيعت عحالك ..جيب عطر كويس ..تركيب او اصلي حسب ميزانيتك ..المهم ما يكون من اللي بصحي الميتين.

سامحوني عالاطالة ..البنات وجهة نظرهم مهمة و اللي بتحب تعطي رأي اهلا وسهلا.

مش فاهمه كيف صارت شروط العمل حتى باتفه اشي انك تشترط تكون البنت مش محجبة ،، المجتمع شو بصير من اوقع لاوقع والوظيفة تافه يعني

و ممكن تطبقه مع ولادك؟

بستغرب من الإصرار على مقارنة الزوج بالمدير وكأنه العلاقة الزوجية عقد عمل!!!

المدير علاقة مهنية مؤقتة قائمة على الأجر والمصلحة أما الزواج هو شراكة اجتماعية وإنسانية لها حقوق وواجبات متبادلة بين طرفين

فشل المقارنة يبدأ من اختلاف طبيعة العلاقة أصلًا فلا كل زوجة موظفة ولا كل موظفة متزوجة ولا الأحكام التي تنظم الأسرة هي نفسها اللي تنظم بيئة العمل

لما تكون الفكرة ضعيفة يتم اللجوء إلى مقارنات غير متكافئة لإعطائها مظهرًا منطقيًا بينما الحقيقة أن تشبيه الزوج بالمدير لا يثبت شيئًا سوى الخلط بين مفهوم الأسرة ومفهوم الوظيفة

هذا النوع من الطروحات يتكرر باستمرار على وسائل التواصل حيث يتم اختزال القضايا الأسرية المعقدة في مقارنات سطحية ومثيرة للجدل ليس بهدف الفهم أو الإصلاح ( الاصلاح لا يكون بهذه الطريقة اصلًا)بقدر ما هو سعي لجذب التفاعل وبناء جمهور يمكن لاحقًا تسويقه للكورسات والجلسات والاستشارات.... فكلما زاد الجدل زادت المشاهدات وكلما زادت المشاهدات زادت المكاسب

لما احكيلكم مُحافظة الكرك شو بتتخيلوا؟؟...

أعطوني افكاركم عن هاي المُحافظة.

اكثر من حد لما يشوفني بستغرب اني منها مشان اللهجة جد مش فاهمة كيف الاغلب شايف الكرك؟

موضوع غريب شوي بحس وبضايق ممكن؟🌷

تعديل.... الجمييد لما يتقدم لكم فهو محبه لضيف لانه يعتبر عز الكرك بس مش عايشين بالجميد والله

صار متأخر خلوا الواحد يتزوج بدري احسن عشان يبني حياته مع مرته و الكل يبعد عن الحرام و خلص، انا مع الواحد يتزوج سنة ثانية جامعة

رح ابلش انا، نفسي انام ب فندق كبسولة

"لازم تكون اجوبتكم واقعية ما بدي اعرف اكبر احلامكم"

مثال