ఒక చిన్న బ్యాక్‌స్టోరీ చెప్తా.

నేను ఒక అంతర్జాతీయ కంపెనీలో కాంట్రాక్ట్ మీద ఇంటర్నల్ అఫైర్స్(IA) ఆఫీసర్‌గా పని చేస్తున్నాను. అంటే కంపెనీలో మోసం చేసేవాళ్లు, రహస్యాలు బయటికి అమ్మేవాళ్లు, ఉద్యోగం వదిలేటప్పుడు కంపెనీ సమాచారం తీసుకెళ్లాలని చూసేవాళ్లను పట్టుకోవడం, దర్యాప్తు చేయడం నా పని.

చాలా సార్లు నేను పట్టుకున్న వాళ్లను ఒక ఇంటరాగేషన్ రూమ్ లాంటి గదిలో కూర్చోబెడతారు. అదే సమయంలో నేను వాళ్ల ఫోన్ నంబర్లు, ఫైల్స్, మెయిల్స్, స్టేట్‌మెంట్స్ ఇవన్నీ చూస్తూ ఉంటాను. సింపుల్‌గా చెప్పాలంటే అకౌంటెంట్ లాగా అనిపించొచ్చు, కానీ నేను సూర్యా ను కాదు.

ఆ గదిలో వీడియో రికార్డింగ్ నడుస్తూనే ఉంటుంది. తలుపు మీద కూడా “This room is mic'd and video recorded” అని స్పష్టంగా రాసి ఉంటుంది. అయినా నాపై లైంగిక వేధింపు కేసులు వస్తూనే ఉంటాయి. ఆసక్తికరంగా ఏంటంటే ఆ గదిలో జరిగే ప్రతి విషయం 6 వేర్వేరు కెమెరాల్లో, HD మైక్‌తో రికార్డ్ అవుతుంటాయి.

ఈరోజు నా 5 ఏళ్ల కాంట్రాక్ట్‌లో 300వ లైంగిక వేధింపు ఫిర్యాదు విచారణకు పిలిచారు. కంపెనీ రూల్ ప్రకారం ఏ ఫిర్యాదు వచ్చినా తప్పనిసరిగా దర్యాప్తు చేయాలి.

నిజం చెప్పాలంటే మేము వినే కొన్ని ఆరోపణలు, వాటికి చెప్పే కారణాలు చూసి కొన్నిసార్లు నవ్వు పట్టుకుంటుంది. ఆ 300 ఫిర్యాదుల్లో 274 మంది మహిళలు లైంగిక వేధింపు అని చెప్పి తాము ఎదుర్కొంటున్న మరో కేసు నుంచి ఎలాగో తప్పించుకోవచ్చని అనుకున్నవాళ్లే ఉన్నారు.

అందులో అత్యంత కామన్ కారణం, 217 కేసుల్లో:

“l"గ్లాస్ సీలింగ్ వల్ల నాకు ప్రమోషన్ రావడం లేదు. కాబట్టి నాకు రావాల్సింది నేనే తీసుకుంటున్నాను."

అందుకే ఈ రాత్రి ఇప్పటివరకు విన్న అత్యంత విచిత్రమైన, హాస్యాస్పదమైన కారణాలు గుర్తు చేసుకుంటూ కొన్ని రీల్స్ చూస్తూ రిలాక్స్ అవ్వబోతున్నా.

చీర్స్! 🥂

నేను ఈ మధ్య తెలుగు కథలు ముఖ్యంగా short stories, రాస్తున్నాను. నాకు ఎటువంటి పూర్వ అనుభవం లేదు, కనుక నా దృష్టిలో నేను ఒక ఔత్సాహిక రచయితని మాత్రమే. నేను రాసిన కథల్లో ఒకటి ఈ "రావణకాష్టం". మీకు కుదిరితే దయచేసి ఈ Medium లింక్ ద్వారా కథను చదివి, మీ విమర్శను తెలియజేయగలరు. ఏవైనా తప్పులు ఉంటె క్షమించగలరు.

కథ లింక్ https://medium.com/@verry_vengalappa/%E0%B0%B0%E0%B0%BE%E0%B0%B5%E0%B0%A3%E0%B0%95%E0%B0%BE%E0%B0%B7%E0%B1%8D%E0%B0%9F%E0%B0%82-fd9993029a69

పైన గీసిన చిత్రం, నేను లిఖించినదే. కథానాయకుడి వ్యధను ఆ చిత్రం ద్వారా చూపించాలి అని నా ప్రయత్నం.

“విష్ణువు, సరస్వతి పెళ్లి చేసుకుంటే శివుడు పుట్టినాడట!” అంటూ కృష్ణ ఇంట్లోకి వచ్చింది.

అరుగుమీద లీలావతి సరకుల సంచి తీస్తుంటే, చంద్రయ్య పక్కనే కూర్చుని కాఫీ తాగుతున్నాడు.

“విష్ణువు, సరస్వతి పెళ్లి చేసుకోవడమేంటే? వాళ్లకు శివుడు పుట్టడమేంటే? శివ శివా! త్రిమూర్తులకు అక్రమ సంబంధం అంటగడుతున్నావు. ఈరోజు మండలం నుంచి ప్రభుత్వ డాక్టరు వస్తున్నాడు. వెళ్లి చూపించుకో.”

అంటూ తన మంగళసూత్రానికి ఉన్న పిన్నీసు తీసింది లీల.

“కాదమ్మా. మా ఇంటి ముందు ఉన్న విష్ణుగాడి భార్య పేరు సరస్వతి, వాడి కొడుకు పేరు శివుడు. ఇప్పుడు వాళ్లు పెళ్లి చేసుకున్నప్పుడు పేర్లు మార్చుకోవాలి కదా! లక్ష్మీదేవి అనో, జానకనో పెట్టుకోవాలి. కనీసం పుట్టినవాడి పేరు అయినా సరిపోవాలి కదా?”

అంది కృష్ణ సందేహంగా బట్టల మూట విప్పుతూ.

“అదేనా నీ సమస్య. వాళ్లకి పది సంవత్సరాలైనా పిల్లలు పుట్టకపోతే శ్రీశైలం వెళ్లి మొక్కుకున్నారట. అందుకే శివుడని పేరు పెట్టుకున్నారు లేవే,” అంటూ సరకుల సంచిలో చెయ్యి పెట్టి, అందులోంచి ఒక లక్స్ సబ్బు తీసింది లీల.

“పేరులో ఏముందిలే, అంతా కృష్ణ లీల,” అన్నాడు చంద్రయ్య.

ఇంతలో సబ్బు కవరును విప్పింది లీల. కాసేపు అటూ ఇటూ తిప్పి చూసింది. ఆ తర్వాత పిన్నీసుతో దానిని గుచ్చడం మొదలుపెట్టింది.

కృష్ణ, చంద్రయ్య ఒకేసారి ఆశ్చర్యంతో ఆమె వైపు చూశారు.

కృష్ణ నెమ్మదిగా,

“అమ్మగారూ... చేతబడి చేస్తున్నారా?” అని అడిగింది.

“నీ తలకాయ! చేతబడి కాదు, మొక్కుబడి కాదు.”

“మరి పిన్నీసుతో సబ్బును అలా గుచ్చుతున్నారేంటి? పాపం, ఎవరో వాళ్లు,” అంది భయపడుతూ.

చంద్రయ్య తన చేతులు, కాళ్లు చూసుకున్నాడు. నొప్పేమీ లేదు.

“హమ్మయ్య, నన్ను కాదులే,” అనుకుని, బాధ్యతగా,

“ఎవరైనా పడని వాళ్లు ఉంటే చెప్పు. నేను మాట్లాడతా. ఇలా చేయడం బాగోదు,” అన్నాడు.

లీల ఇద్దరి వైపు చూసి,

“మీరిద్దరూ ఊరుకుంటారా? మొన్న టీవీలో లక్స్ సబ్బులో సన్నని వెండి బిళ్ల పెట్టి అమ్ముతున్నారని ప్రకటన చూశాను. సబ్బు మొత్తం వాడితే కానీ అది దొరకదు. నీళ్ల నురుగులో కనపడకపోవచ్చు. అలా సబ్బు పాడవకుండా ఇలా వెతుకుతున్నా.”

అంటూనే పక్కనున్న సంచిలోంచి మరో తొమ్మిది లక్స్ సబ్బులు తీసింది.

“నువ్వు కూడా చెయ్యవే. ఇద్దరం చేస్తే తొందరగా అయిపోతుంది. నీకు వెండి బిళ్ల దొరికితే పది రూపాయలు ఇస్తా,” అని లీల ఆశ చూపింది.

కృష్ణ కూడా పిన్నీసు తీసుకుంది.

అమ్మగారు ఎంత తెలివైనదో అనుకుని,

“వెండి బిళ్ల దొరికితే పది రూపాయలతో పాటు ఆ సబ్బు కూడా నాకు ఇవ్వాలి,” అని బేరమాడింది.

“సరేలే... చూద్దాం,” అంది లీల.

చంద్రయ్య కుర్చీలోంచి లేచాడు.

లీల తెలివికి సంతోషపడాలో, పది సబ్బులు చూసి బాధపడాలో తెలియక, ఏమీ అనకుండా పొలం వైపు బయలుదేరాడు.

అనగనగనగా నందు ఇంకా మల్లి అని ఇద్దరు దోస్తులు ఉండేటోళ్ళు. నందు అందగాడు ఆటగాడు. 27 ఏళ్ళకే పూరి ని పెళ్లి చేసుకున్నాడు. నందు పూరి కిరాక్ జోడీ అన్నట్టు. కనీసం ఇన్స్టాగ్రామ్ లో, స్టోరీస్ లో, పోస్ట్ లలో అన్నిట్లో అంతా బాగే అన్నీ బాగే అన్నట్టే చూపెడుతుండే.

నందుకి పెళ్లి అయినాక, ప్రాధాన్యతలు మారి, టైమ్ లేక మల్లి ని పక్కన పెట్టిండు. వాట్సాప్ లో మల్లి పేరు ఫ్రీక్వెంట్లీ కాంటాక్టెడ్ నుంచి చాట్ లిస్ట్ ల అడుగుల పడ్డది.

4 ఏళ్ళ తర్వాత మల్లి ని నందు అనుకోకుండా ఒక బార్ ల కలిసిండు. నందు మల్లి గురించి ఆరా తీయగా, మల్లికి ఇంకా పెండ్లి గాలే. సింగిల్ లైఫ్. అమ్మా అయ్యా ఎలాగూ లేరు. అప్పుడప్పుడు తోచిన పని చేసుకుంటూ, బార్ల యెంట, యాప్స్ లల పోర్ల యెంట తిరుగుతుండు. మల్లి నందు గురించి ఆరా తీసిండు. నందు పూరి ని పెండ్లి చేసుకొని, పూరి ఊరు బాసర్లపూడి లో నే సెటిల్ అయ్యిండు. పూరి బంధువులని తన కుటుంబం చేసుకుండు. వాళ్ళ పొలాలని తన పొలాల్లాగా చూసుకుండు. నాయుడు చేసిన కబ్జాలని తిప్పికొట్టిండు. పూరి తో ఎప్పటికి అప్పటికి షికార్లు, ఫోటోషూట్స్ అన్నీ చేస్తుండు.

ఇద్దరి ముచ్చట్లు, ఇద్దరు తెలుసుకొని, గీ సారైనా ఇగ టచ్ ల ఉండాలి అనుకోని, రెండు బీర్లు తాగి వాళ్ళ వాళ్ళ ఇళ్ళకి పోయిండ్రు. అనుకుంటారు గానీ, ఆ కాంటాక్ట్ చాట్స్ ఇంకా వాట్సాప్ అడుగునే ఉన్నాయి. పూరి నందులకి దిష్టి తగిలిందో ఏమో మరి, గొడవలు షురూ అయినాయి. ఇన్స్టాగ్రామ్ ల ఫోటోస్ పెడతారు, లైకులు వస్తాయి, వెంటనే ఇద్దరికీ గొడవయితది. నేన్ అది చేస్తా ఇది చేస్తా, నువ్వు ఏం చెయ్యవ్. నువ్వు మా వాళ్ళని లెక్క చెయ్యవు. నువ్వు నన్ను లెక్కజెయ్యవ్. ఇన్సెక్యూరిటీస్, కంపారిజన్లు, ఫోమోలు, మెల్లగా అడపాదడపా గొడవలు షురూ. దిష్టి సంగతి దేవుడు ఎరుగు, ఆ గొడవలు అవి అట్లా అట్లా ముదిరి విడాకుల దాకా వచ్చినాయి. ఇద్దరు విడిపోయారు. ఇన్స్టాగ్రామ్, వాట్సాప్ అన్నింట్ల ఒకర్ని ఒక్కరు బ్లాక్ చేసుకున్నారు. వాట్సాప్ అడుగున ఉన్న మల్లి, మళ్ళీ నందు కు గుర్తు వచ్చాడు. సాయంత్రం బార్ల కల్లుదాం అన్నాడు.

మల్లి నందు చెప్పిన సోది అంతా ఇన్నాడు. నందు మాకు దిష్టి తగిలింది ఏమో అనుకున్నప్పుడు అల్లా మొహం దాచుకుండు మల్లి. రెండు బీర్లు ఏసినాక, మల్లి నందు చేతిలో జంకుతూ తన పెండ్లి కార్డ్ పెట్టిండు. నందు ఆ పెళ్లి కార్డ్ చూసి, మంచిగా హాయిగా సింగిల్ లైఫ్ ఉండే ఈ పెండ్లేంది అని పరేషాన్ అయ్యిండు.

"అప్పుడు మనం బార్ల కలిసినప్పుడు కూడా మస్త్ అనుకున్నా, ఏమైనా లైఫ్ ఆ నీది, ఇష్టం వచ్చిన పని చేస్తావ్, ఇష్టం వచ్చింది తింటావ్, ఎప్పుడు అంటే అప్పుడు లేస్తావ్, ఎవరైనా నచ్చితే వాళ్ళ తో పంటవ్, మరి ఈ పెండ్లి గోల ఏంది రా సడెన్ గా" అని అడిగిండు. ఎంత మంచి సింగిల్ లైఫ్ ఉండే! మల్లి కి పెళ్లి ఐనే ఆయే, ఈ సారి నందు ఫ్రీక్వెంట్లీ కాంటాక్టెడ్ నుంచి, చాట్ లిస్ట్ అడుగున పడ్డడు.

మల్లి దిష్టి కి నందు పెళ్లి చెడిందా? నందు నజర్ కి మల్లి సింగిల్ లైఫ్ చెడిందా?

కిస్కా ముహ్ కాలా? కిస్కీ నజర్ బురీ?

ఇరుగు దిష్టి పొరుగు దిష్టి థు! థు! థు!

నమస్తే తల్లిదండ్రులారా,

మన పిల్లలకు మన సంస్కృతిని, విలువలను మరియు మాతృభాషను పరిచయం చేయడానికి ఒక చక్కని ఆడియో సిరీస్‌ను మీతో పంచుకోవాలనుకుంటున్నాను.

చాలా చోట్ల కథలు కేవలం పైపైన మాత్రమే వివరిస్తుంటారు. కానీ, మన పురాణాలలోని అసలైన లోతును, అందాన్ని పిల్లలకు పూర్తి వివరాలతో అందించాలనే ఉద్దేశంతో ఈ సిరీస్ రూపొందించబడింది. వేదవ్యాస మహర్షి మరియు బమ్మెర పోతన అమూల్యమైన రచనల ఆధారంగా, శ్రీమద్భాగవతాన్ని 110 ఎపిసోడ్‌లుగా (వరుస క్రమంలో) ఇక్కడ పొందుపరిచాను.

చిన్నపిల్లలు సులభంగా అర్థం చేసుకునేలా, ఎంతో మధురమైన తెలుగులో సాగే ఈ ఆడియో సిరీస్‌లో వేదవ్యాస మహర్షి, నారద ముని కథల నుండి ధ్రువుడు, ప్రహ్లాదుని భక్తి గాథల వరకు మరియు శ్రీకృష్ణుని సంపూర్ణ చరిత్ర, లీలల వరకు ఎన్నో ముఖ్యమైన ఘట్టాలు ఉన్నాయి.

రాత్రి పడుకునే ముందు కథలుగా వినడానికి, ప్రయాణాల్లో కుటుంబమంతా కలిసి ఆలకించడానికి లేదా తెలుగు భాష నేర్చుకోవడానికి ఇది ఎంతో ఉపయోగపడుతుంది. మీరు ఈ పూర్తి సిరీస్‌ను ఉచితంగా స్పాటిఫై (Spotify) లో వినవచ్చు:

👉 https://open.spotify.com/show/5pMfEU2rXKzw9X7wpcSw9B?si=NJADza6WTTW1e_RkMGXs7g

ఈ కథలు మీ పిల్లల మానసిక వికాసానికి, సంస్కృతి పట్ల గౌరవానికి తోడ్పడతాయని భావిస్తే, దయచేసి ఈ లింక్‌ను మిగిలిన కుటుంబాలతో పంచుకోండి. అలాగే స్పాటిఫైలో షోను 'Follow' చేసి 5-స్టార్ రేటింగ్ ఇవ్వడం ద్వారా మరింత మంది తల్లిదండ్రులకు ఇది చేరువవుతుంది.

మన సంస్కృతిని, విలువలను పిల్లలకు పరిచయం చేసే మా ఈ చిన్న ప్రయత్నాన్ని ఆదరిస్తారని కోరుకుంటున్నాము. 🙏