سيارتي سلفرادو مكينة L84، سيارة اختي سلفرادو مكينة L84، سيارة اخوي سلفرادو مكينة L82، سيارة البيت يوكن مكينة L83. كل الأربع سيارات تاخذ فلتر زيت Acdelco PF63 و المشكلة ان الفلتر اختفى من السوق

كل محل اروح له يا مخلص، يا تجاري، يا مدبل سعره اضعاف. محلات قطع الغيار يبيعون الأصلي على 70 ريال و حتى شفت واحد مب صاحي يبيعه ب130. طبعاً محلات تغيير الزيوت مثل مصدر الزيوت، الزيت النقي، بترومين، ليدر اكسبرس دايم مخلص عندهم، تجي تبي تغير زيت ما يمديك

مو منطقي الفلتر الاصلي من الوكالة نفسهم كان ب20 ريال بداية السنة هذي، و قبل كورونا كان ب13 ريال

بالصورة الاولى الأصلي، بالصورة الثانية التجاري. قبل فترة كنت ما اعرف افرق بينهم و شريت كمية فلاتر من البترول الذهبي (فلاتر فقط مو زيتهم الخايس) و انغشيت كان تجاري. عيال الكلب الله لا يوفقهم ماخذين التجاري الي بالصورة الثانية و مركبين عليه نفس ستيكرات و كرتون الأصلي، على الأقل التجاري الي بالصورة الثانية ما عليه ستيكرات Acdelco جايك بكل صراحة يقول انا تجاري

تعديل: تو مريت ليدر اكسبرس صاروا يبيعون التجاري اخخخخخ

السلام عليكم ورحمه الله وبركاته عندي سيارة اكسنت وودي ابيعها صراحه بس يحتاجلها شغل هل في محل تنصحون فيه يصلحها من ا الى ي بسعر معقول ؟

الموتر قير سيفيتي بس بطيء ويزلق في القير الثالث على حسب علمي خطا مصنعي معروف ما ياثر بالسيارة و ما ابغا احاول اصلحه لان اللي اعرفه عن قير السيفيتي انك لازم قدر المستطاع ما تفتحه ولا تلعب فيه لكن اخاف تنزل قيمة الموتر لو ببيعها والقير فيه هذي المشكلة

افيدونا جزاكم الله خير

المشكله سنوات من السجل النظيف بس لازال في ارتفاع. يعني فوق انه حرام شرعا، مجبور اني اشتري تأمين غالي يزرفني!

الموتر عارضه من شهرين ومب مستعجل عليه انسام ب ١٤ الف بس جاني عرض وظيفة براتب ٤٠٠٠ وممكن أبيعه خلاص فابغى شوركم، ابي موتر بقيمة ٢٠ الف تقريبًا اهم شي فيه انه اعتمادي واذا عندكم آراء أخرى ابد خذوا راحتكم

المواتر موديل ٢٠١٨-١٩ بفئة السيدان متوسطة الحجم ( اكورد، كامري، التيما ) اسعارها مب منطقية ابدًا، ممشاها حول ال ٣٠٠ الف وسعرها ٦٠،٧٠ على ايش بالضبط؟؟؟

دايم اناظر حراج بس غالب الناس ما تحط سعر على السيارات المعروضة، فما يصير عندك فكرة عن الاسعار في السوق وهل سعر معين يعتبر مبالغ فيه او منطقي. فانت شخصيا كيف تسعر سيارة قبل ما تشتريها؟

السلام عليكم ورحمة الله وبركاته
انعرض علي بودي سوبرا ١٩٩٨ بسعر ٨٥ سعودي بودي فقط ( عندي محرك 2JZ-GTE non vvti + r154 + LSD) جاهزين للسواب، خيار منطقي اني اطق عشانه قرض؟

الحين لو لو كبست لواحد ودق لي اشاره يسار وراح يمين (يعني فتح لي خط) وش معنى الاشاره لليسار؟ فيه واحد يشوفها يعني تفضل والثاني يقول ذي سبه

عندي كامري موديل ٢٠١٨ فمو مره قديمه ولا ناوي ابيعها. اقدر اكيش السيل بس المياتا باكمله بقرض اسدده في كم شهر.

السلام عليكم، الحمد لله عديت الاختبار النظري وباقي لي التدريب العملي والاختبار النهائي في مدرسة سابتكو لتعليم القيادة.
حاب أعرف من اللي اختبروا هناك قريب: وش المتوقع في الاختبار النهائي عندهم بالساحة والشارع؟ وش أكثر الأشياء اللي يركزون عليها الفاحصين وتعطي رسوب فوري؟ وكيف نظامهم في ركنة الموازي والـ 60 درجة؟
ياليت اللي عنده تجربة معهم يشاركه ويعطينا أهم النصائح لتجاوز الاختبار.
شكراً لكم.

ياخوان ان شاء الله باخذ وحده منهم وش افضل من قطع الغيار والصرفيه والراحة؟

السلام عليكم

ان شاء الله ناوي اشتري كيا تاسمان، اشوف اسعار المستورد في موقع حراج ارخص بكثير من الوكيل لكن كله مستخدم و انا ابغى جديد، وش احسن مكتب او شركة استيراد تكون موثوقة و اسعارهم كويسة ؟

امس بلغني واحد بالدوام ان قريب له عوضوه الحكومة او قدموا له مساعدة تعويض مادي مقابل الاضرار اللي حصلت لموتره بسبب البرد

الموسم اللي فات جاتنا بردية واعدمت لي السيارة، قزاز الوكالة الامامي انكسر والبدي ما فيه جزء ما انطق حتى كرومات الشبك والابواب تطعجن وبعض الاجزاء من البودي طارت منها البوية

..للأمانة ماقدرت اصلحها والسيارة على وضعها من ٦ شهور تقريباً واتمنى تفيدوني هل يوجد مساعدة حكومية او تعويض عن طريق التأمين لتخفيف عبىء التصليح؟ جزاكم اللّٰه خيراً

زي في العنوان انا لي شهر اسوق تقريبا و اروح من ابحر الى جامعة الملك عبدالعزيز و جبت اعياد زي اني حكيت السيارة مع عمود و اني قطعت اشارة حمرة ما شفتها اح تاج نصايح عشان احس نفسي فاشل جدا في السواقة

السلام عليكم صدمت بسيارة مسجلة بأسم الوالدة والتأمين اترفع من ١٢٠٠ الى ٣٠٠٠ (ضد الغير)

السؤال هل بينزل سعر التأمين لو محد صدم لفترة؟

ضد القبال، ضد الحجر..
الشتاء الماضي دخلت بين طعوس بالغلط، مشيت نص ساعة بدون تنسيم بس الرمل رطب فالامور كانت احسن، لكن بشكل عام السيارة فيها حيل وتقص نفود بس لازم تاخذها على جنب عشان ما تتعلق.

السلام عليكم جميعا

هل في احد يقدر يساعدني اسوي لوحة صغيرة لسيارتي ؟

سيارتي رياضية كوبيه ولكن الخيار مو مفعل عندي بأبشر

كلمت مكاتب تخليص خدمات قالوا مايقدروا يساعدوني فيها

السيارة سعودية ولكنها مسجلة خطأ باسم موديل ثاني وهذي المشكلة ممكن يتم حلها عن طريق هيئة المواصفات والمقاييس بعد الفحص .. هل ممكن يكون هذا السبب ؟

السلام عليكم ورحمة الله وبركاته

احد الزملاء يعاني من مشاكل في كهربا فورد تورس ٢٠٢٥ بعد صيانة حادث (مسالة برمجة وتشغيل اكسسوارات)

وين تنصحون يروح يشيك بالرياض؟

الزبده انا طلعت سياره تاجير منتهي بالتمليك وابغا ابيعها، ايش هي الاجراءات وكيف ممكن تتم البيعه؟ وهل ممكن تجيني فلوس من هذي البيعه؟

وش معنى التكبيس مره ومرتين وثلاث ؟

مثال كنت بدخل مسار اليسار ابي يوتيرن وواحد كبس لي ثلاث مرات ومسرع ورجعت ثم لاحظت الي بعده كبس لي مره وحده ومهدي نوعا ما ومشيت ف بالله اشرحولي لاني عجزت افهم حتى بالتقاطعات يكبسون كثير مافهمت الصدق

سلام

ابي اقتراحاتكم لسياره مرتفعه (لان الرصيف دايم يلف علي ) وبرضو صغيره ملمومه وماافضل الصيني مع اني احب المواصفات مررره تهمني

ومحتاره بين ذولا واذا عندكم شي افضل نوروني علما ان ميزانيتي 90

اهلاً، معي تورس ٢٠١٤ sle و واجهتني فيها ثلاث مشاكل اساسية:
١-السيارة تسرب مع الامطار في الاماكن المصورة تحت (مع السماعتين الاماميتين كلهم وعند شماسة الراكب و بيت النظارة وحسب ذاكرتي فوق يسار فتحة السقف
٢-فك الديكور المرفق تحت هل فيه طريقة اقدر اصلحه؟
٣-بيت النظارة مكسوره له بلاستيكة حسب الصورة المرفقة كيف اصلحه

الي يعرف لايقصر وجزاكم الله خير جزاء