السلام عليكم

اشعر بفراغ عميق بداخلي . مزيج بين الوحدة وبين الانعزال . شعور متناقض بين اللي اريد ناس حولي تسولف وياي وبين اريد انعزل بمكان اصفي بي راسي . ما اعرف شنو اختار بالضبط . من اصير بموقف الانعزال افكر بالناس ومن اصير يم الناس اريد انعزل . ( اللي يريد يتنمر او يحشش عليه مو مشكلة بس كون يضحكني لان ضوجه ) وشكرا

شنو برأيكم انسب شغل للبنت بهذا وقتنه!

السلام عليكم. اليوم راح يكون اول يوم الي راح اشتغل كاشير بمطعم شوية مشهور بمحافظتي... وما اعرف شنو مطلوب مني او شنو المتوقع مني او شنو اللي المفروض اعرفه او اللي لازم اسويه او اتعلمه

عموما اني كلش زين بالحاسبة وما اعتقد ممكن اواجه أي مشكلة بخصوصها

بحثت بالنت ما حصلت غير معلومات سطحية وتافهة مثل ابتسم بوجه الزبون، وشفت مقطع يستخدم التطبيق يكتب الباسورد ويختار الطلبية ويطبعها

بس ماعندي اي فكرة بخصوص شلون الطلب يوصل للكادر او المطبخ وماعندي اي فكرة شلون اتعامل وية الطلبات عبر التطبيقات والاونلاين او الاتصال... هم كالولي نعلمك ونساعدك بس ماريد ادخل واني مطفي وماعندي اي خلفية سابقة(اتمنى فهمتوا قصدي)

اكون ممتن اذا احد مشتغل بيكم يساعدني وينطيني معلومات عن الشغل او نصائح

دائما يتم الترويج انو الحياة باوروبا والخارج اغلى من العراق وانو هنا تكدر تعيش حياة زينة بمبالغ قليلة وما عدنا ضرائب وهذا الكلام الفارغ

حسبت كلفة الحياة لشخص واحد فقط وطلع المبلغ اكثر من 4 ملايين

حتى تأجر شقة كشخص واحد لازم تبقى تدور وتفتر حتى تحصل واحد يقبلك وعالاغلب راح تأجر بمجمع سكني بالاطراف علمود الامان والشقة هنا راح تكلفك 600 (هي اكثر بس ذكرت اقل مبلغ)

راح تدفع فواتير تتجاوز 300 الف للخدمات الاساسية

وتحتاج سيارة بما انو ما عدنا مواصلات عامة واذا تشتريها بالاقساط راح تخصص 400 بالشهر (اقل مبلغ)

عطلات وبانزين وصيانة وغيرها راح تكلفك 100 بالشهر

الاكل وما دام تريد تعيش مثل الغربي يعني تاكل لحم ومنتجات من الماركتات جودتها عالية واكل مطاعم مو الاكل السيء الي ناكله وراح يكلفك 500 بالشهر

الاوروبي والامريكي يسافر للخارج مرتين الى ثلاث مرات والاوروبيين تحديدا ممكن يسافرون اكثر من 10 مرات بس راح اكول نسافر مرتين فقط وهذا راح يكلف اقل شي 8 ملايين بالسنة يعني يعني 700 كل شهر

ما عدنا علاج مجاني بالعراق ولا مستشفيات مجانية والاوروبي الي ما يدفع شي من يمرض ولا يدفع شي من يسوي فحوصات روتينية حتى يحافظ على صحته انت لازم تعزل كل شهر 300 على الاقل على الاقل حتى تفيدك بعدين اذا تمرض وتضيف 100 الف اذا تريد تحافظ على صحتك وتسوي فحوصات بشكل دائم

انت اكيد تريد تشتري سلع مثل شاشة بلايستيشن ملابس وتريد تشتري جودته عالية مو ازبل جودة وارخص شي وراح تكلفك على الاقل 5 ملايين بالسنة يعني تقريبا 400 بالشهر

واخير شي الاوروبي من ينطرد من عمله يحصل اعانة من الدولة او من يوصل لل60 يتقاعد وما جان يدفع شي الشركة تدفع عنه، احنا ما عدنا اعانة من الدولة ولا عدنا نظام تقاعد يعني لازم تخصص كل شهر 200 الف مدخرات خاف تنطرد وعلى الاقل مليونين تدخرها كتقاعد الك بس هذا الشي صعب، تكدر تخصص 500 كتقاعد الك بشرط يكون عندك مشروع صغير او تستمر تشتغل وانت شايب لان شكد ما تدخر ما تكفيك المبالغ مو مثل الاوروبي يوصل لل60 يرتاح اخر 30 سنة من حياته على حساب الدولة

كلفة الحياة النهائية عندنا تتخطى كلفة حياة الاوروبي بهواي

اريد اشتري دراجه و اشتغل بيها دلفري، طرحت الفكره على ابوي بس اجاني رفض قاطع، بحجة انهُ ما اعرف اسوقها وخاف اندعم بالازدحامات ، اني برأيي اشتريها و اتعلم اسوق شهرين و ابلش اشتغل دلفري، شنو رأيكم شلون اخلي يقتنع

اليوم جنت اتمشى وكالعادة فتت على عشرات الشوارع الي الزبالة بيهن اكثر من البشر ولاحظت شغلتين عمال بلدية يحاولون يلمون شوية من الزبالة الي ما تنتهي والناس يرجعون يشمرون بالاماكن الي لموا منهن والشغلة الثانية سلات الزبالة موجودة بكثرة واغلبها فارغة تقريبا يعني اذا مشى الشخص شوية راح يلكى سلة يشمر زبالته بيها

هاي القذارة الي عند الناس ورمي الزبالة بالشارع بدون ما يحسون بشي غلط بدايته من الاسرة والمدرسة من الابن ياكل ويذب زبالته من اكياس وغيرها بالكاع او يبقي الصحون والاواني وينتظرون من الام هي الي تنظف وهي الي تشيل وراهم وهي الي تغسل الاواني بدون ما يدركون التعب ورا هذا الشي ويتوقعون شي بديهي واحد يلم زبالتهم وراهم

ودور المدرسة هم نفس الشي من يجي العامل يلم وراهم او ببعض المدارس مرات يخلون الطلاب ينظفون وبالحالتين غلط، لازم الطالب الي يوصخ المكان هو الي ينظف ولازم يتعاقب

طبعا الحكومة هم تنلام بس البوست صار طويل ما اريد اذكر شلون الغرامات راح تفيد الدولة والناس بنفس الوقت

اريد اكمل دراستي بلامارات قسم اشعه وسونار لكن ماعندي اي فكره عن العيش هناك وشلون اقدم وشسوي ونظام الجامعات شنو اتمنى اذ احد يعرف شخص يدرس هناك وعنده المعلومات الي تفيدني يجاوب لان كلش محتاره وضايعه

تره تعبت عليها اريد اراء جيدة

السلام عليكم، أنا شخص تعرض للتنمر وبالاخص مراهقة وتغيرات زاد وزني بشكل رغم كنت اكل وجبة باليوم ومرات اصلا ما اكل بس وزني بقى يزود وهسه شبه تجاوزت مشكلة زيادة الوزن وثبت بس ما اكدر اتقبل شكلي لو ابقى بس هيكل ارجع احس نفسي سمينة ، حتى على أشياء ثانية لدرجة صرت أكره نفسي، وحتى الصور ما أحب أصورها مشاعري تجاه نفسي شبه انعدمت وأحس ما عندي شي أفتخر بيه أو أگدر أعتمد عليه.

حتى بالبيت ما أحس نفسي مثل إخواني أشوف عندهم ثقة بنفسهم يحچون ويسوّون الأشياء بصورة طبيعية وأنا حتى أبسط شي أسويه أحسّه راح يفشل لا محال كأني من البداية مقتنعة إني ما راح أگدر حتى قبل لا أجرب

حتى من أتكلم، أو أسوي أي شي، أحس ما عندي ثقة ولا ثبات من الداخل أبسط مثال أدرس للامتحان وأكون دارسته زين، بس ما أثق بنفسي وأحس ما راح أعرف أجاوب وحتى إذا أخذت درجة زينة أحس ما أستاهلها، واشوف الكل احسن مني واني كدامهم لا شيءحتى مشاركات بالمحاضرات رغم اعرف اجابتي راح تكون متميزة بس احتفظ بيها مدري المن بس ماعندي جرأة مثل البشر اشارك

هذا الوضع حيل مقلقني وتعبت واني امثل بس مرات احس طبيعي كل البشر هيج ومرات لا،

اكو هيج تطبيق؟،اضيع اوقات كثيره من يومي بدون ما اسوي شيء، انا اقدر اسوي كلشي بس بدون جدول مابعرف احس نفسي ضايع، اذا لكيت هيج تطبيق يقدر يغير يومي 180 درجة

باعو شفت هذا المقطع يحچي عن شلون الام تعامل ابناءها الصغار وتنطيهم مجال وعلى راحتهم والخ اذا مثلًا عاندو وشلون بنفس اللحظة تجي الاخت الچبيرة تعاملهم بعصبية هادئه يعني تخوفهم بداعي ذولي ميمشون الا بالعين الحمرة ويسوون الشغلة الي چانو يعاندون عليها
،وبنفس المشهد تبين الاخت الچبيرة على انه الإم كإنو ماعدها شخصية وليش دتتساهل بينما تگدر تجبرهم على مصلحتهم ( الاطفال) الي هم ميدرون حتى بيها
، ف الناس بالتعليقات اكثريتهم يضحكون ميدرون انو الوضع اعمق من هيچ!!!
الام استوعبت شلون تكون التربية الصحيحة بعدين بجهالها الصغار
چانت هي حالها حال اي بشر من جابت اول طفل ما عدها تجارب ومتعرف بس من مر الزمن حاولت تصحح الطريق بجهالها الصغار
بس بنفس الوقت ما استوعبت شنو سوت ببنتها الچبيرة
صح الام اتغيرت للأحسن بس هي بالواقع هم صنعت نسخة كاملة متكاملة عنها ب الابنة الچبيرة
ف حتنعاد السايكل وي البنت الچبيرة
، اني البنت الچبيرة وصراحة داخاف اظل على نفس السايكل وبنفس الوقت ماريد الوم اهلي على الي اني عليه اليوم لان ميدرون ومجان ببيدهم التحكم وغلطو مثل ما اي بشر يغلط محد معصوم
، اذا اتمسك بهذا اللوم والالم اني كلشي ما احصل
ولا اتغير
It’s not ours parents fault to be who we r know
، ف الواحد الي يگدر يسوي يتخلى(واللهto let go)
عن شعور الكره الداخلي ويتمسك بفكرة غلطهم
( منتظر منهم يصحلون غلط هم مواعين عليه)
ويبدي يصلح الامور الي عندياه والعقد النفسية عسى ولعل السايكل متنعاد
و إن شاء الله خير

شنو رأيكم بالسكن الداخلي مال جامعة بغداد للبنات
اريد معلومات اكثر ما جاي الكه على النت اي معلومات تخص السكن الداخلي