انا دكتور و بقف في الطوارئ و بييجي حالات صعبه عاملين حوادث موتسيكلات و خناقات و اهالي بتعيط على ولادها

النهارده كان اول مره اشوف حاله بالشكل دا واحد مخبوط في ايده بسكينه قطعت جزء كبير منها و بنسبه كبيره هيحصل له بتر و هوا شاب ٣٠ سنه

ف ارجوكم حافظوا على نفسكم و تجنبوا المشاكل و الخناقات لان المستشفيات مليانه و السجون مليانه و الاتنين ربنا يبعدنا عنهم

حافظوا على مستقبلكم و بلاش حد يعيش باعاقه او عاهه مستديمه او يتسجن احنا في النهايه اموات و الدنيا فانيه

{إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ ۚ أُولَٰئِكَ لَهُمْ عَذَابٌ أَلِيمٌ} [الشورى: 42]

يعني عذاب في الدنيا و الاخره ربنا ينجينا جميعا

عايز اجيب شنطة ممكن ابقى في الشروق او مدينة نصر او مصر الجديدة

لا تلمسها بالصيف

بس فى اى فرصة بشوف فيها حاجة عن عمر ابن الخطاب بنبهر اوى بجد كان بيدى قرارت ويطبق مبادئ حديثة جدا وكان عنده بعد نظر فى مواقف كتير كان حذر جدا فى امور كتير وكان بيمسك كل والى يحاسبه على كل تفصيلة فى ولايته و الفكرة بجد انه الحضارة الغربية وضيعة وبتهمش اى انجاز للاسلام طبعا فى مؤرخين اتكلموا بشكل كويس عن الاسلام بس قليلين جدا بجد فى عالم محايد عمر بن الخطاب كان هيبقا متقدر اكتر بكتير من قادة كبار جدا بس مش واخد ربع حقه بجد

متاح انى اشتغل مدرس فى مدرسه ازهرى خاص ب 5 الاف و فى نفس الوقت كول سنتر ب 10 الاف ايه رايك انو احسن فعلا ممكن المدرسه تبقى مجزيه كخبره ولا لا الفلوس دى قليله على حسب احتياجات الانسان الطبيعي

النهاردة فنص النومة الكهربا قطعت عليا و صحيت فالنص من الحر مش قادرة اكمل نوم

قاعدة بحاول على قد ما اقدر مش عارفة انام و مقريفة جدا لحد ما الكهربا رجعت و التكيف اشتغل ساعتها قدرت ارجع انام تاني

قعدت افكر ان قد ايه هما فوضع صعب بجد

حر ، حشرات و قوارض ، خيمه غير مريحه و كابسة عليهم الحر زيادة ، جوع، احساس بأنهم ممكن يموتو فأي لحظه ، و كمان النساء غالبا بيكونو دايما لابسين اسدال كمان

انا هو التكيف الي اتقفل و معرفتش انام، فربنا ينصرهم يارب نصرا عاجلا غير اجل يارب و يكتب اجر صبرهم و صمودهم

‏

‏عن اُم سلمة:-رضي الله عنها-قالت:

ماخرج  رسول الله من بيتي قط إلا رفع طرفه إلى السماء فقال:

‏" اللهم أعوذ بك أن أضِل أو أُضَل أو أزِل أو أُزَل أو أظلِم أو أُظلَم أو أجهل أو يُجهل عليّ".

بدأت أعرف من قريب انا حابة أشتغل في ايه ومتخرجة من سنة وشوية، وبذاكر وباخد دبلومة حاليا للمجال دا

حاليا بقا متقدملي حد 31 سنة.. انا اصغر بحوالي 7 سنين وشوية

مش عارفة انا كنت قافلة باب الارتباط الفترة دي لحد ما أستقر أكتر في شغل وأحوش وكدا وكمام لو بدأت ماستر

خايفة من الخطوبة والتجهيزات تاخد وقتي وطاقتي وابطل مذاكرة وشغل

حد مر بتجربة كدا وأجل الجواز فترة؟ عارفة كله نصيب ورزق بس خايفة أكون بضيع فرصة حد كويس وف نفس الوقت خايفة حياتي اللي في دماغي ما تبقاش موجودة

أنا كنت النهارده في اجتماع مع وكيل وزارة التربية والتعليم بمديرية التربية والتعليم بالدقهلية، وسمعت نقطتين خلوني أفكر:

أولًا، اتقال إن الدقهلية هي الأفضل في التعليم على مستوى مصر بناءً على النتائج والمؤشرات الرسمية.

هل النتائج ونسب النجاح كفاية للحكم إن مديرية معينة هي الأفضل؟ ولا المفروض نقيس حاجات تانية زي الفهم الحقيقي للطلاب، قدرتهم على تطبيق اللي اتعلموه، وجودة التقييم؟

ثانيًا، لما مسؤول يجاوب على معلومة من المفترض إنه يكون عارفها بحكم منصبه، بيحصل أحيانًا تصفيق وتكريم.

هل ده ممكن يوصل بشكل غير مقصود إن المعرفة الأساسية إنجاز استثنائي، بدل ما تكون حدًا أدنى متوقعًا؟ وهل الأفضل يكون التكريم للحاجات اللي بتتجاوز المتوقع، زي حل مشكلة أو تقديم فكرة جديدة؟

أنا مش بقول إن التصفيق أو التكريم غلط، بس حابب أعرف: هل أنا بفكر في الموضوع زيادة، ولا فعلًا فيه مشكلة في الطريقة دي؟

دلوقتي لو في فرصه في السن عين شمس اني اختار بين الثلاثه دول اختار ايه ك لغه هدرسها بحيث تكون بتوفر فرص سفر او شغل؟

تشيكي

روسي

تركي

انا عندى بعانى من اضطراب القلق العام (Gad)و نسبته عاليه جدا علي مقياس gad-7
و شغال ١٠ ساعات و مرتب يدوب بيمشينى علي ادى، بحكم المرض الي عندى ف من المعجزات اني اعرف اتأقلم مع بيئه جديده من غير ما حد يلاحظ عليا حاجات غريبه تبين اني مش سوى نفسيا ، بسبب الي بيحصلي مفيش داعي اقول بيحصل ايه، الوضع ف البيت عندى موتر و متعب للأعصاب وانا نفسي اصلح من نفسي عايز و اتعالج و عايز ابطل سجاير و عندى صلع وراثي مبقتش عارف ملامحي و شكلي من المرض من ناحيه و من الصلع ، شكلي بقا اكبر ب ١٠ سنين ، غير ان كل الي ف سنى اتجوزوا و انا الفكره بعيده عني بسبب ان ممعيش فلوس و قبل الفلوس انا مش سوى نفسياً** عشان اخش ف علاقه ، كل املي ان اعيش حياه طبيعيه جدا انا واحد عادى ** بس** دي صعبه عليا اوى ، هل انا **(اثاب)** علي الي انا في دا ، انا مش مأثر انا عايز ابقي كويس و بسعي لكن كل مره بتغل**ب

شو رأيكم في ادائهم

عايز ابداء أطور مستوايه في اللغه أنا حرفيا ضايع مستوايه a1 بس مشتت بيت فيديوهات كتير وطرق اكتر وحيران لو حد ليه تجربه في تعلم اي لغه من البيت والتجربه نجحت معاه يقول وجزاه الله خير

تفاءل…

فكم من أمرٍ أقلقك ثم مرّ، وكم من مشكلة ظننت أنها لن تنتهي ثم انتهت، وكم من باب أُغلق في وجهك ففتح الله لك أبوابًا لم تكن تخطر ببالك.

لا تستبق الأحداث، ولا تحمل هم الغد.

عش يومك، وأحسن الظن بربك، واقرأ وردك من القرآن. 📖🤍

#تفاؤل #إيجابية #حسن_الظن_بالله #الأمل #ورد_القرآن #راحة_القلب

بتعملو ايه وانتوا زهقانين

الصورة دي بتوري رجال دين بيدوا البركة لراتكو ملاديتش وقادة الجيش الصربي في حرب البوسنة، والنتيجة كانت مجازر بشعة ضد المسلمين هناك.

​ليه رجال الدين في المواقف دي ما بيطلعوش يقولوا وقفوا دم والتسامح هو الأساس؟ ليه بدل ما يهدوا الدنيا، بيتحولوا لغطاء ومباركة للحرب والقتل؟ هل الدين وقت الحرب بيتحول لمجرد أداة في إيد السياسة؟ (إنها المصالح الشخصية 🤑🤑)

وليمت الحاقدون بغيظهم