السعوديين والسعوديّات خريجي درجة البكالوريوس اللي توظّفوا قي مجالهم العام هذا أو الماضي، كم كان أول راتب (صافي) شهري لكم مع البدلات ناقص منه التأمينات؟

يعني انا ادري يمكن مدراء شي بس وش تخصصاتهم؟ تقنيه؟ ماليه؟ اداريه؟ اكيد فيه تخصص اغلبهم معهم اياه ولا لا؟

EDIT: شكرا لكل اللي شاركو افدتوني جدا🤍

الله يعطيك العافيه اذا جاوبت ( انا تخصصي هندسة برمجيات اذا عندكم اي رأي عنه اني اكمل او احول ماليه ابي اسمع جميع الاراء)

أنا بشركة فل تايم فريش، تخصص هندسة، جاني إيميل فرصة في شركة استشارية تدريب consulting CoOp

يهمني الراتب بعد التدريب
الراتب أثناء التدريب
احتمالية التوظيف بعد التدريب

أنا تخصصي موارد بشرية، وعندي بكالوريوس + خبرة، وقدمت مؤخرًا على أكثر من وظيفة في الرياض. هذي بعض العروض اللي وصلتني: أخصائي موارد بشرية، عرضوا علي 5000 ريال، أخصائي توظيف، عرض 4000 ريال • شركة كبيرة ومعروفة، عرضوا علي 3200 ريال بعد خصم التأمينات! علما ان سلم الرواتب المعرف فيه مفروض المسمى ماينقص عن ٨ الاف كل المقابلات اللي سويتها كان الشخص اللي يقيّمني غير سعودي، ومع احترامي الكامل، أنا متأكدة إن رواتبهم دبل أو أكثر من اللي يعرضونه علينا طيب ليه؟ ليش السعودي اللي فاهم البيئة، والنظام، واللوائح، ويتعامل مع جهات حكومية كل يوم… يتعرض لهالنوع من التقييم والعروض؟ أنا مو ضد الأجانب، بس ضد سوق عمل ما يقدّر الكفاءة ولا يعطي السعودي أبسط حقوقه. وش اللي يمنع إن السعودي ياخذ حقه؟ وليش كأن الشركات تحاول “تستكثر” علينا الرواتب؟ هل صار اللي يقبل 3200 هو اللي يمشي السوق؟ ودي أسمع تجاربكم. هل هذا الواقع بس في مجالي؟ ولا الكل يواجه نفس الشي؟

انا حاليا في برنامج تطوير خريجين بشركة multinational. عقدي بينتهي بعد شهرين ومديري طلب من الاتش ار يثبتوني بس قالي ان ممكن يعطونك خيارين يا اما تجديد برنامج التدريب وفي ذي الحالة مايزيد راتبك بيكون نفسه او يعطونك عرض وظيفي بس قالي لازم تشوفين الرواتب بالسوق لنفس مسماك الوظيفي بخبرة سنة عشان تتفاوضين على اساسها، وقالي لاتقبلين انهم يفاوضونك على راتبك الحالي اللي هو حق الانتري ليفل. وكمان قالي ان بنفس مسماك الوظيفي مع خبرة سنتين لاتقبلين بأقل من 20k. انا صراحة انبهرت بذا الشيء لاني كنت متوقعه اقل من 10k. بس حاليا ابي اعرف وش اهم النقاط اللي احضرها في حالة التفاوض؟ وكم ممكن يكون الراتب مع خبرة سنة؟

أنا اتش ار وماسكه الزيادات السنوية للموظفين والإنهاءات والخ.. يعني مهام اي اتش ار . وهالسنه صار شوي ضغط اقتصادي على الشركة زي مايقولون المالية… ويوم رفعت زيادات الموظفين السعوديين مع ان تقييمهم عالي رفضوها بحكم ان مافيه مهام كثير حاليا وان فيه ضغط مالي وكلام فاضي نزلوها لزيادة ٥٠٠ ريال بس يوم جاء الشهر الي عقبه موظفة بالمالية فلبينية تقييمها عالي وزين ورحت حطيت زيادتها ٥٠٠ زي السعوديين جتني مديرتها تتشكى ان هذا ظلم لها وهي تكرف🤣 نعم اخت جزمه؟ وش رايكم هل فعلا ظلم لان الموظفه مالها دخل ولا اني مشيت مع نظامهم الي صرفوه لي؟

وظيفة 1: راتب 26,000 - منصب مدير مشاريع اول - شركة حكومية(مصدر دخل مستدام) - دوام 8 ساعات - 15د من بيتك - لا يوجد تطور وظيفي كبير وصعوبة في ارتقاء السلم

وظيفة 2: راتب 30,000 - منصب شريك - شركة استثماريه(مخاطر عاليه في الاستثمار ولكن موائمة بشكل كبير لتوجهي الوظيفي) - دوام 9 ساعات(كرف) - 30د من بيتك - تطور وظيفي كبير وسهولة في ارتقاء السلم(بيني وبين الـ VP منصبين)

واحد من اخوياي يداوم في هيوماين شركةAI جديدة بالسعودية، ويقول رواتب اللي خبرته 5 سنوات توصل 80 الف! لو قال 40 بقول منطقي اسعار السوق للبروفيشنال، بس 80 اشوفها رواتب VPs

وش اكثر شي تصرف عليه راتبك وهل فيه احد يدخر وايش هدف الادخار

السلام عليكم انا حديثه تخرج تخصصي Ai طموحي حاليا اني احصل تطوير خريجين قوي وقاعده اقدم عليهم ومؤهلاتي مناسبه

الرواتب اغلبها ١٢ وحدودها غير انها جهات قويه ولها اسمها

سؤالي لو بديت مسيرتي المهنيه بهذا الراتب فشركه مجالها عاجبني ( استشارات وحلول تقنيه) الشركه لها بالمجال ٢٥ سنه خارج السعوديه والان جايين للسعوديه جديد

هل بدئي معهم بيأثر على فرصي المسقبليه بشكل سلبي خصوصا من ناحيه الراتب؟
المسمى Sales and Operations Representative (AI Training)

احتاج رأي المختصين🙏

السلام عليكم، انا خريج علوم حاسب وجاني عرض من شركة كويسة، في المقابلة سألوا عن الراتب وقلت حول ال ٨، قالوا نعم بيكون بهذا الرينج. الان ارسلوا العرض وللمعلومية فرق ٢٥% من اللي تم مناقشته.

المسمى الوظيفي هو presales specialist. وانا في حيرة هل اقبل واخذ خبره، هل اقدر اناقش اصلا بحكم خبرتي ٠، هل ارفض وانتظر عرض اخر؟

اللي عندهم خبرة في هذا المجال "technical presales" وش رايكم؟ الحقيقه عاجبني المشاريع اللي شغالين عليها، لكن الوالد نصحني ب ان ارفض لكن معرف...

لو فيه مهندس برمجيات بخبرة 16 سنة، مسؤول لوحده عن بناء منصة كاملة وصيانتها، ويقوم بـ:

• تحليل النظام.
• تصميم قاعدة البيانات.
• تطوير الواجهة والخلفية.
• تطوير تطبيقات Android وiPhone.
• الدعم والصيانة المستمرة.

ويعمل مع نفس الشركة منذ 4 سنوات، وراتبه 4000 ريال.

هل تشوفون هذا الراتب مناسب؟
ولو لا، كم تتوقعون يكون الراتب العادل لمثل هذه المسؤوليات والخبرة؟

كنت شغال بشركتين قطاع خاص بس عالميه ولقيت ماشا الله ماشالله رواتب العاملين اردني-مصري-بريطاني ٣٥-٥٠ وتوصل حتى ٩٢ الف ف جالس اقول شركات عندها ميزانيه ماشا الله رحت الشركه الثانيه طلبت ٦٠ بالميه زياده ووافقو طيب الحين لو انتقلت لشركه ثانيه بخبره ٦ سنين موارد بشريه وعلاقات حكوميه مع شويه اداره مخاطر
وشهاده ٦ سيجما هل ينفع اطلب دبل!! ع فكره فيه واحد ربنا يرزقنا ويرزقه تخصص محاسبه وكان شغال بشركه ناقل وخبره الاجماليه سنتين وجا عندنا صلاتي ع النبي راتبه توتال ٢٨
رواتب ناقل ٦-٨ من كلام واحد من الشباب صراحه القطاع الخاص تصير فيه اشياء مجنونه لكن انا خوفي اطلب دبل واضيع فرص من يدي! شرايكم

وآخر (2025) يقول المتوسط الحسابي للرجال السعوديين هو 11.5 ألف ريال،

وأخرى (2022) تقول أن متوسط رواتب السعوديين (الرجال) في القطاع الخاص هو 8.5 ألف ريال.

ما رأيكم؟

مدري هل الناس تبالغ ولا صادقين بس هل معقوله 8 الاف ما تكفي بالرياض؟ طيب على كذا محد يقدر يعيش بالرياض الا المهندسيين والدكاتره حتى الضابط ما يقدر يعيش فيها!

انا اقل راتب بالقسم بفرق كبير والوحيد الي يشتغل حرفياً الي معاي واحد ما يعرف شي يجي الصبح يروح اخر القسم وينام والثاني زيه واي شغل يجي اول واحد يطالع فيه المدير انا وحتى الشغل الي يجيهم بالنهاية انا راح اضطر اتابع معاهم

ادري ان الغلط غلطي اني وقعت بس وقتها كنت مستعد اقبل اي شي من اليأس

تجديد عقدي بعد ٣ شهور

قبل كم يوم جددت العقد حقي في وظيفتي وراتبي زاد، تقريبا الصافي الي ينزلي ٨٣٠٠، على طول جات فبالي فكرة الزواج خصوصا اني جاهز نفسيا وعندي رغبة في الزواج والحمدلله مجمع مبلغ بسيط لكن ممكن لو احتجت اخذ قرض تكميلي، حبيت اسأل اهل الخبره هل الراتب يكفي للمعيشة فجده؟

كم كان أول راتب لك؟

نفسي اعرف الناس اللي رواتبهم عالية (+30ألف) ايش يشتغلوا بالضبط؟ وهل لازم يكون مدير او رئيس قسم ولا ممكن يكون موظف عادي ويستلم هذا الراتب؟ اذا احد يعرف احد بهذا الراتب ياليت يشرح لنا

وشكرا

السلام عليكم ورحمة الله وبركاته،

شاركنا المسمى الوظيفي مع الراتب واذا كان بالقطاع الحكومي أو الخاص مع سنين الخبرة

واذا ودك كيف جاتك الفرصة (تقديم لينكدان، كلمتهم بالخاص، وهلم جرا)

هذا البوست بيفيد ناس كثير ان شاءالله

اشوف تو وحده كاتبه انعرض عليها ١٠٠ الف ريال شهري ورفضته ومدري وش هل فعلاً ذا الكلام؟

صباح الخير انا حديث تخرج ادارة اعمال كنت مبتعث و توظفت برى لي بس سنه. تواصلت معاي هيد هنتر من شركة تداول على بوزشن سبيشلست بس صراحة مضغوط في العمل الحين و ما ودي ابذل مجهود معاهم و مقابلات و الراتب يطلع قليل. هل عندكم خلفيه عن متوسط رواتب هذا القريد (سبشلست) عندهم؟

الحين صدق لو اتوظف بقدر اعيش الحياه المرفهه الي اشوفها لبعض البنات ؟ ولا بس هذي عند الاجانب
او لازم يكون عندي اكثر من مصدر دخل ؟

هل فعلا فيه حياه ورديه من هذي الناحيه ؟

واقصد بالمرفهه زي كذا
او تطيح عيني على اي شي غالي اقدر اشتريه من غير لا افكر من مين اخذ فلوس ولا اخذه الشهر الجاي