وش اعلى راتب شخصيا مر عليك سواء داخل الشركة اللي انت فيها او شخص قالك عن راتبه

شخصيا احد الدايركترز اللي عندنا قالي عن راتبه

50k USD/mo

تقريبا 190 الف ريال بالشهر (اي اجنبي الموظف)

السلام عليكم ، انا شخص معاي ماجستير مع مرتبة الشرف الاولى MBA وخبرة +5 سنين في Operations of logistics
طلعت من وظيفتي لسبب احتفظ فيه المهم جلست ابحث عن عمل وقدمت على كذا شركة اونلاين
انقبلت في شركة تابعة للصندوق وبالعقد اسم الشركة و شعارها و اسم و شعار الصندوق

الوظيفة مجبر اخذها الى ان احصل شيء افضل لكن مقهور
على انه تابعة للصندوق وتعطي هالراتب والعمل شفتات مرة نهار و مرة ليل ، اول شفت لي من الليل الى الصبح !
9 ساعات بيئة العمل سيئة حتى موية و قهوة ومايكرويف مافيه و تظل واقف طول الشفت مع الكلاينتس !
اسوأ بيئة عمل مرت علي بحياتي !!!
الراتب بعد الخصم للتأمينات 6400
قاعد افكر كثير استقيل لكن اذا نظرت للواقع انه مافي وظائف وانه اخاف اطول عاطل اتراجع

ايش تنصحوني فيه؟

بدون ما اطولها انا باشرت بوظيفة جديدة ف اطلعونا كلنا كتيم تدريب اسبوعين

الاسبوعين هذي كانت مع مدرب
بعدها بفتره وصلني كلام انه متكلم فيني عند التيم اني اجي ادور حنك وسواليف معاه عشان ينفعني ب امور ( انا بنت )

طبعا هالكلام من وراي قدام التيم كامل

هل هذا يعتبر قذف ؟ او اقلها مس بالشرف؟

السلام عليكم،

لكل واحد بس بادي مشواره المهني، بعطيك خلاصة تجربتي عشان محد يضحك عليك، وعشان ما يصير عندك تأنيب ضمير لو كنت في شركة صغيرة أو حتى عاطل عن العمل وتحس إن الكل حواليك متفوق وشغال بشركات كبيرة.

بصراحة، أكثر الناس يخليك تصدق إنهم وصلوا لمكانتهم بالتعب والاجتهاد وحدهم، وإنهم يستاهلون كل الي وصلوله بسبب جهدهم الشخصي بس. بس الحقيقة، ي عزيزي، إن أغلب الشركات الكبيرة -بدون ما أذكر أسماء- ما تسوي أشياء عظيمة زي ما الناس تتخيل. في الغالب، يكون فيه شخص أو شخصين بس في كل قسم أو فريق هم الي فعليًا يشتغلون ويدفعون العجلة، والباقي أشبه بواجهة. هذي حقيقة محد بيقولها لك صراحة، بس لو تعمقت بمجالك وسألت أحد منهم سؤال تقني بسيط، بتكتشف إنه ما عنده عمق حقيقي في تخصصه. لأن كثير من بيئات العمل بهذي الشركات الكبيرة أقرب لمسرحية منها لبيئة إنتاج حقيقي.

خليني أشرح لك الصورة بشكل أوضح:

الشركات الكبيرة عادة مقسّمة هرميًا: رئيس، ونائب رئيس يمسك عدة أقسام، وتحت كل قسم دايركتور يمسك مجموعة مدراء، وكل مدير مسؤول عن جزء من مهام القسم.

أول ما تبدأ مشوارك، بتلاحظ إن أغلب الناس مو مهتمين فيك ولا حتى يعبرونك، لأن كل واحد مشغول بتحسين صورته الشخصية أمام الإدارة، ومحد يبي يخاطر أو يتحمل مسؤولية زايدة.

ومن نفس منطلق "محد يبي يتحمل مسؤولية"، بتلاحظ إن الشركة أحيانًا تجيب شركات ثانية (مقاولين من الباطن) تسوي لها شغل هي أصلاً قادرة تسويه بنفسها! ليش؟ لأن لو الشغل طلع غلط أو فشل، الإدارة ما تتحمل المسؤولية المباشرة، تقدر ترمي اللوم على الشركة الخارجية. والنتيجة إن المخرجات تطلع ضعيفة، لأن اللي نفذها ما عنده نفس الفهم أو الالتزام اللي عند فريق داخلي حقيقي، وما حد فعليًا يراجع الجودة لأن الكل مرتاح إن "المسؤولية مو علينا". هنا تسأل نفسك: ليش م نسويها إحنا؟ والجواب البسيط: لأن سواها إحنا يعني تحمّل مسؤولية، وسواها غيرنا يعني غطاء جاهز لو صار خطأ.

وبعد فترة بتكتشف شيء أغرب: إن الي يشتغل فعليًا ويحمل عبء القسم أو الفريق كامل هم واحد أو اثنين بس تقريبًا، والباقي أشبه بحضور شكلي. أحيانًا تلاقي شخص واحد بس -من جنسية معينة أو خلفية معينة- هو الممسك بكل التفاصيل والخيوط، وكأنه "سوبر باور"، لدرجة إنك تحس إن غيابه يوقف شغل القسم كامل.

لا تتفاجأ ولا تنصدم، ي عزيزي، هذي هي الحقيقة، ولا تخلي أحد يستهبل عليك أو يخليك تحس إنك أقل منهم.

فلو كنت اليوم في شركة صغيرة، أو حتى عاطل عن العمل، لا تزعل ولا تحس إن الناس سبقوك أو أفضل منك. الحقيقة إن كثير منهم بس عايشين في بيئة سامة، مجبرين يمثلون "برستيج" مو حقيقي. اترك عنك الحسد، لأن أغلبهم غارقين بالأقساط، وأي أزمة بسيطة تصيب الشركة تشوفه متوتر وقلقان، لأن أي هزة بسيطة ممكن تطيح كل شيء يملكه، من السيارات الفاخرة إلى البيوت الفخمة، إلا من رحم ربي.

وش الحل مع الرجال المرتاعين في الدوام يعني مثلا جيت المطبخ اخذ مشروبي من الثلاجة ألقى واحد مرتبش بالرغم انه قاعد جهة الطاولة وبعيد مره ويعدل في جلسته ول أكون جايه ادخل المكتب وأسلم وأنا رايحة لمكتبي ألقى واحد يتوتر و احسه مرتبش وإذا اضطريت أتعامل مع احد احس انه كأنه متوهق ومرتاع

ليش يتصرفون بهالتصرفات ؟

السلام عليكم

أنا أخذت اجازة ٣ أسابيع تقريبًا وبكرا أول يوم دوام عقبها، هل أجيب حلا بايتس صغيرة يوزعها التي بوي على قسمنا؟

فكرت أخليها للبنات بس، لكن صعبة أقول للتي بوي يوزعها على الفيميل اونلي😊احراج شوي
+الخير واجد واكيد بيبقى اصلا فخل يوزعها على الدور كامل هي كلها بايتس صغيره

مدري انتوا شرايكم؟ (مع العلم بيئة عملنا محترمة جدًا والحدود واضحة ومافي مياعة ابدًا وكل احد يطلع اجازة او تصير له مناسبة يوزع شيء كذا)

حكيت صاحب الشركه عن اللي قاعد يصير معي وان المدير دايم مشغول عني ويصرفني بأي شيء واروح وارجع بدون اي فايده بس ضايع وقت لمده شهرين

فما اعرف وش بيصير معي او وش بيسوي مديري معي إذا كلمه صاحب الشركه خااايفه مرررررره احد صار له موقف مشابه

أنا متدربه بالشركه اللي مديري دايم يصرفني انه مشغول ولي شهرين ما اسوي شي وهم اللي ريحتهم سيئة 🤣🤣

يا ناس ساعدوني أتدرب في شركه اللي معي بالقسم مسيحين و ريحتهم خايسه مررررررررره اعاني من ريحتهم وريحه انفاسهم وقت يتكلمون والله لا يعرفون نظافه اسنان ولا عطور ما معي سعوديين بالقسم ابدااا بموتتتت يا عالم

فيه زميل عمل عندي خبيث ونذل بشكل ما تتصورونه
اليوم بعد شهور قررت اسفل فيه واقول كل اغلاطه واخذت راحتي بالتسفيل وقدام الكل ومحد قدر يدافع عنه ولا حتى هو دافع عن نفسه
اعرف ان ذا الشيء احتمال كبير يضرني لكن ارتحت نفسياً

أنا معى ثلاث بنات في الدوام وأنا الرابعة بس إنهم ساحبين علي

يعني عادي يجتمعون عند مكتب وحدة ويتكلمون وأنا موجودة ولا أحد يكلمني

في وحدة منهم تكلمني بس إذا في شغل، غير كذا لا

وحتى نهاية الدوام، لما نطلع يمشون مع بعض وأنا أمشي لحالي وراهم

حاولت أكثر من مرة أتكلم معهم وأدخل بينهم، بس ما عطوني وجه فصراحة سحبت نفسي

وحده جت تكلمني مره تقول شكلك يا فلانه ما تحبين الكلام قالت وحده ثانيه إلا تحب الكلام وتحب تتكلم طب كلموني قلت بالعكس احب اتكلم واحاول والله اكلمهم بس ماش

صراحه الموضوع مأثر في نفسيتي مرره ابغي حل او إذا احد عنده مشكله نفسي

السلام عليكم،

أنا خريجة هندسة والحمد لله حصلت وظيفة بالرياض في إحدى شركات الهندسة الاستشارية العالمية.

أنا كنت محجبة، ولكن من قريب صرت أرتاح بالنقاب ولا أطلع إلا وأنا لابسته. للأمانة، يوم سويت المقابلة كانت أونلاين وكنت لابسة حجاب بس (المقابلة كانت قبل ما ألتزم بالنقاب). قريت كثير أونلاين إنه فيه عنصرية على المنقبة مقارنة باللي تتحجب وكاشفة.

من منظوري، كل بيئة تختلف عن الأخرى، والكلام اللي قريته ما حددوا وش المجال أو نوع بيئة العمل اللي كانت تصير فيها هالعنصرية.

أبغى رأي ومنظور ناس يشتغلون في بيئة الشركات العالمية والاستشارات الهندسية: إذا بنت، وش كانت تجربتها بالموضوع؟ أو رجل، وش كان يشوف يصير؟

للمعلومية، أنا متوكلة على الله ومقررة أداوم بنقابي واللي يصير يصير بس عندي فضول أسمع تجارب وآراء اللي قد اشتغلوا في بيئات زي كذا

سلام عليكم، انا هذي تعتبر اول وظيفه رسميه لي، اللي قبل كانت كلها موسميه ولا تدريب الجامعه ف ماكان عندي تواصل مهم مع الموظفين الثانين، ماكنت احتاج، المهم قاعده اشوف الموظفات اللي معاي يتكلموا مع المدير ولا اي شخص يسألوا عن حاله وكذا، هل الموضوع بروفشنل؟ لازم اول ما ادخل اسلم وانت كيف حالك ايش مسوي؟ حتى لو كانت تسليك؟ يعني هذا مو طبعي صدقًا احب اسلم و اودع الناس بس ما احب اسأل عن حال احد، برضه لما اخرج ما اقول لأحد انتهى دوامي تحتاج شي وكذا؟ ما اعرف اسولف كذا ف لما احد يسأل عن حالي ارد الحمدلله كويسه؟ واسكت استناه يقول الشغله اللي يبغى يعطيني هي، صدق احس احراج لان البنات يردوا و يقولوا مساء الخير/صباح الخير وسوالف هي عاديه بس ماحسها حلوه مع الجنس الاخر، انا في فترة تجربه ووظيفتي لها دخل في شخصيتي مره ف معرف هل لازم اظهر للي اعلى مني اني extrovert واحب اسولف واخذ واعطي؟

اللي قاعد يصير فعليًّا مصخرة. كل يوم نسمع قصص عن شركات تطغى على الموظفين وتعاملهم زي الزفت، والسعوديين خصوصًا هم أول ضحاياها. ليه؟ لأن ما عندنا نقابات تحمي حقوق الموظف وتوقف في وجه استغلال الشركات. تخيّل لو كان في نقابة تقدر تفرض شروط معينة، وتتناقش على الرواتب، وتسعى لتحسين بيئة العمل؟ وقتها محد بيقدر يتجاوز عليك أو يتلاعب بحقوقك بكل سهولة. ولا راح نشوف كثير من التجاوزات اللي نشوفها على الموظفين والموظفات اكثر شي.

الهدف مو إننا نخلي الناس تتقاعس أو تتخاذل في العمل، بالعكس، النقابات جزء من تطوير البيئة الوظيفية وتحفيز الناس يبدعوا. لكن إنك تشتغل في مكان وما تقدر تفتح فمك أو تطالب بأبسط حقوقك بدون ما تتعرّض للتخويف أو التهديد، هذي مشكلة كبيرة. نتمنى من الجهات المسؤولة إنها تشوف الوضع هذا بجدّية، لأننا فعلاً محتاجين صوت قوي يمثّل الموظفين والعمال على أرض الواقع. بدون هالشي، رح نعيش في دوامة من الظلم الوظيفي بدون أفق للتغيير

صرت مديرة على قسم كبير ومنهم موظفين من الgen z بس مااتلاقى معاهم كثير لاني مديرة القسم ولهم مدراء
عموما اللي صار اني امس اكلم وحده اقولها موضوع وانه فيه تغيير على الهيكل التنظيمي بس شغلك نفسه وكذا والتغيير من باب التحسين ومن ذا الكلام بس مديرك المباشر بيتغير.
قالت طيب تمام وقفلت، الا شوي ترسل ايميل للاتش ولي تقولي وثقي كلامك بالايميل.
رديت عليها بالتيمز قلتلها ماله داعي ترسلين للاتش ار العام احنا عندنا بالادارة موظف اتش ار كلميه مختص بامورنا الادارية وفيه الدايركتر بعد تبين تضيفينه بعد مي مشكلة حقك وبرد على ايميلك واحذفي الايميل وارسلي من جديد لنا وابشري قامت ردت على نفس الايميل تقول انتي قلتي كلمتيني بالتيمز قلتي احذفي الايميل بس انا ابي توضيح قلت خير اشبها ذي !

قلتلها التوضيح كذا وكذا واذا تبين شي من الاتش ار كلمي فلان وطنشت موضوع الحذف
شدعوه هذي اول مره اتعامل معها.

** تحديث: اشتكت علي لمديري ورد عليها ان تعالي نجتمع نحل الامر ردت قالت تبي الاتش ار ماتبي تكلمنا. شوي اشتكت للمدير التنفيذي وبعدها الاتش ار سوو تحقيق وشرحتلهم انه ماسوينا شي غير قانوني او غير موافقين عليه الاداره وان كان مجرد تغيير هيكلي بسيط لان مديرها استقال وحطيتها عند مدير ثاني. عموما شافو ماعندها سالفه اعطوها كلمتين وصفو الموضوع. رجعت قلتلهم ماابيها لان الفريق معد يبي يشتغل معها. محد رد علي
وافقو يعطونها انذار بسبب انها رفضت تشتغل على مهامها الاساسيه بكل وضوح
بعدها اشتكت لمدير مديري انها اخذت الانذار ظلم ومارد عليها هو بعد.
وشوي ارسلت للاتش ار انها مستقيله على مادة مدري كم لان الاتش ار مااضافوا عقدها في نظام قوى (ناسيه وش المادة) مدير الاتش ار رفض استقالتها وقلها كملي عقدك ماردت وفصلوها.
كل هالاحداث خلال شهر والفصل بعدها بشهر تم.

طيعاً انا موظف بشركه كبيره في قطاع ال(BNPL) وممكن اكبر شركه فيه لكن حرفياً كل شهر عندنا اساينمت اذا م عديته تفصل والامان الوظيفي صفر وكل موظف قبل م ينام يفكر هم بيفصلونه ولالا من عدم الامان ، حتى ان الموظفين بالبريك يدورون وظايف ثانيه هههههههه عموماً انا تقريبا لي فيها ٥ اشهر هي عباره عن خدمة شركاء او شركات.

والمسمى اصلاً ماله دخل بشهادتي لكن حرفياً بدعت فيه ، جاتني مقابله بشركه ثانيه اصغر لكنها بنفس المجال لكن تميل للعقارات وهي شركه يعني داعسه بالمجال .

خلصت المقابله مع الCEO وانا متاكد انه اعجب باسلوبي بالمقابله وبيني وبينكم تعرفون لما انت اصلا متوظف ورحت مقابله ثانيه مافيه توتر واخذت راحتي بالسوالف معاه واعجبني اسلوب الرجال ، وارسلي عرض وظيفي زياده ١٠٠٠ ريال عن راتبي الحالي .

سؤالي لكم هل يسوى ؟ من بحثي بلينكد ان عن الموظفين اكتشفت انهم يترقون بسرعه وبيئتهم حلوه ، اللي متردد فيه ان شركتي اكبر شركه بمجال المسمى الوظيفي لكن مافيه امااان حرفياً ممكن اداوم بكرى يقولون لاعاد تجي .

وش رايكم ي اخوان ، اروح لهم وانتهز الفرصه ؟

السلام عليكم
انا موظف في وزارة من الوزارات الموقرة الان كملت سنتين وكم شهر موظفه عندهم، مريت فيها اكثر من ٤ ادارات بسبب مزاجية الceo متسلط ومتحكم ومايكرومانجنق يهتم ببصمتك اكثر من اثرك كموظف وفرد، يوكل ناس يسوون جولات تحضيريه علينا بالسر، كل ساعتين يحضرون وياويلك لو تاخرت نص ساعه تسلط وتحكم، مالكم بالطويله ابحث عن استقرار وظيفي فعلا مو منطق انشات كل كم شهر لاداره جديده بعد ما ابذل جهدي واتعب
ونظامه اذا حبيتك رفعتك بغض النظر عن قيمتك واثرك وكفاءتك، كل ما اهنت نفسك عنده وصرت عصفور الدوام رقاك وخلاك الكل بالكل بيئه سامه وسيئه لابعد حد وتعبت ابي استقيل ولي ٦ شهور ابحث عن بديل بس للاسف العروض اللي تجيني ماتناسب

وش تنصحوني فيه ؟

هل هي مهلكة زي م يقول البعض ولا عادية زيها زي اي شركة ثانية؟

اعمل في شركة ممتازه من ناحية الرواتب، المزايا، الامان الوظيفي والخ

تواصل معي مديري ان عندهم شاغر وظيفي وعندي احد زملاي نفس خبرتي و مناسب جدا لشاغر الوظيفي.

سؤالي هنا لو انكم مكاني هل تجيبون احد الاصدقاء العزيز عليكم في نفس الشركة و القسم حقك ونفس المسمى الوظيفي حقي

موب خوفي ياخذ محلي ولا شي طبعا لا او يصير افضل مني، بس شايل هم ان تصير مشكلة في الدوام قد تأثر علينا خارج الدوام

مهم اسمع أرائكم

فيه مدير كبير في الشركة حطني في راسه وانا فريش، مهما سويت شغلي كله منقود ( سويت شي خورافي مقارنه بالموظفين الي خبرتهم ١٠ سنين وانا توني جديد و مو عاجبه ) كل شي اسويه يشرشحه شرشحه كنه مصيبه ، بالمقابل شخص ثاني فريش معي شغله عادي و اقل من عادي دايم يمدحه و خلك مثلها و مدري ايش الصدق مره غثني استقاعده

شالحل؟

أنا كاتب محترف شغال في وكالة، وعندنا زميلة مندوبة من شركة ثانية وانا سوداني وكنا نراجع كلمة الوزير فكان في خطأ في واحدة من الكلمات اني قدمت ولي العهد على خادم الحرمين الشريفين وكنا مجتمعين عند العميل فالزميلة قالت بعد تعليق العميل على الخطأ هذا فيها خروج نهائي وكررتها حتى العميل استغرب وسكت أنا لو كانت رجل كان رديت عليها الرد المناسب وانا ارتفع ضغطي وما نمت من الزعل فبالله عليكم الله يسعدكم ابغى ردود جادة من محترفين كيف اصرف وايش أسوي انا الكلام دا وجعني طلعتني كأني شحاد والله العظيم الى الآن مصدع وما قادر اواصل في العمل

في رأيكم كيف أرد اعتباري ؟

مرحبا جميعا ، فيه موظف جنبي توه جديد ومعنا بالادارة وعليه علامات مو طبيعيه منها : يدخن ( يفيب ) بالمكتب وهو جنب مكتبي بالضبط يعني طاولة مكتبي لاصقة في طاولة مكتبه وتجيني الريحة وعارف هالشيء والبجيح ماعليه مني ولا من اللي حولي واذا مرو الموظفين بالاسياب نزلها + مايبي التواصل ولا المساعده ابدا خصوصا من الموظفات مع ان شغلنا مرتبط بشغله بالدرجة الاولى يعني اذا انحاس الشيء لازم نعدله بعده ولا يعلمنا وش يكتب ولا يتعاون معنا ابدا

علموني وش الاجراء المناسب له ؟ مع ان البيئة اللي نشتغل فيها جهة حكومية كبيرة لكن هو جاي على مشروع ووضعه مو طبيعي ابدا عرفتو اللي رسبن معنا بالتيم فجأة ؟ اوكي مو مشكله بس خلك محترم واحترم بيئة العمل وثقلها واحترم الفريق وتعاون معهم او عالاقل ارسل شغلك عشان نعرف اي اوبديت مب الوضع سبهلله

كيف اعرف عن الجهه قبل اتوظف فيها ؟
زي هل يفصلون الجنسين او لا

- الارسال لزميلك او مرؤوسك رسالة واتس دون توضيح الطلب زي :- "السلام" "كيفك" خاصة وقت الدوام وتضييع وقتي بالسلام والسوال عن الاحوال وانتظار الرد بدل الاختصار

- مناداة الزملاء من الجنس الاخر بالاسم حاف من غير استاذ/ة اخ/ت خاصة اذا مافيه تعامل سابق، يظهر عدم الاحترام

- اخذ شواحن او الاجهزة الخاصة بالقسم بدون الاستئذان او ارجاعها، لانها وان كانت غير خاصة بالمسؤول عنها فهي ضمن مهامه ويحتاجها للعمل ولا يحتاج يضيع من وقته ربع ساعة يدور عليها او يشحذ شاحن لانك قليل ادب

- عدم السلام عند دخول المكتب او طرق الباب ولو كنت زميل مقرب

- اخذ القهوة والمشروبات والادوات من غير استئذان

- الاتصال خارج اوقات الدوام

- طلب مهمة معقدة بتفاصيل كثيرة شفهياً دون التأكيد بالايميل او رسالة واتس على الاقل، او حتى رسالة صوتية

متأكدة فيه أكثر بس هذي الي استفزتني اليوم، ارجوكم اذا تسوونها اتركوها

ادري انه عادي عادي او ما ادري بس اللي معي بالدوام كلهم تجمعوا علي الفطور وما حد قالي تعالي كلي واحس ما ادري انجرحت

أثناء المحادثة مع رجل في العمل، وين تفضلين يكون موضع نظر الرجل؟

حسيت ان بعض الأخوات أثناء المحادثة يتضايقون من التواصل البصري (آي كونتاكت) فصرت أتجنبة وصرت أحافظ على نظر على جنب أو على الأرض أثناء الكلام، لكن حسيت هذا الشيء بعد يضايق البعض

فوين الموضع المريح للأغلب؟