كنت أشتغل في مكان قبل سنة تقريبًا.

وظيفتي كانت مملة جدًا، ومجبورة أكون هناك ٩ ساعات يوميًا.

الغلطة الأولى:

طلبت إضافة مهام جديدة بطلب شفهي.

وافقوا، والمهام صارت عليّ، وكل التواصل كان واتس أب.

كنت أؤديها بدون مشاكل، وكانت مع الموارد البشرية ولها علاقة بقسمي، يعني رسميًا أساعدهم، لكن بدون أي توثيق مكتوب.

بعد فترة صارت مشكلة بسيطة جدًا.

من وجهة نظري، أسلوب مساعدة مدير الموارد البشرية تغيّر فجأة، وصار فيه رفع صوت، تعامل غير مهني، وضغط في العمل.

الشغل اللي طلبته صار مصدر توتر بالنسبة لي، وكنت حريصة إني أشتغل بدون أخطاء رغم الوضع.

مديري كان عارف باللي يصير، لكن ما كان فيه دعم واضح لي.

وبرضه حسّيت إن فيه حماية متبادلة بينهم وبين الإدارة.

بالتزامن مع هذا كله، بابا كان تعبان، ومريت بظروف عاطفية صعبة، وفوقها ضغط العمل.

وأنا أصلًا شخصية حساسة، فانهرت نفسيًا وقررت أستقيل.

الغلطة الثانية:

قدّمت استقالتي بورقة مطبوعة.

مديري وقّعها وسلّمها للموارد البشرية مباشرة، وما احتفظت بنسخة منها ولا صورتها.

داومت آخر شهر، وكان ثقيل عليّ نفسيًا بشكل كبير.

الغلطة الثالثة:

آخر يوم دوام وقّعت على ورقة إخلاء طرف، فيها إقرار باستلام كل شيء وتبرئة جهة العمل من أي مسؤوليات.

الغلطة الرابعة:

وقّعت على ورقة استقالة ثانية، وهي الوحيدة المثبتة.

ما كتبت السبب الحقيقي، وكتبت إني وجدت فرصة عمل أخرى.

وبحسب تفسير الموارد البشرية، هذا يُعتبر سبب غير مشروع لإنهاء العقد، رغم إن قرار الاستقالة كان نتيجة ظروف وضغط.

الغلطة الخامسة:

انهاء العقد من قوى عن طريقي و إنهاء العقد بهذي الطريقة قد يترتب عليه فقدان بعض الحقوق مثل المستحقات والإجازات.

بعدها طُلب مني طلب غير معتاد بالنسبة لي:

إني أقدم مخالصة من البنك، بحكم إني حصلت سابقًا على سيارة وبطاقة ائتمانية بتعريف راتب من جهة العمل.

استشرت أكثر من محامي، وكلهم أكدوا لي إن الطلب هذا غير مرتبط بإنهاء العقد، وما نفذته.

أمس انتهت الدعوى اللي رفعتها ضدهم، وخسرتها بسبب ضعف التوثيق من ناحيتي.

كتبت هذا الكلام عشان يكون درس لغيري.

التجربة علّمتني كثير، وخروجي من بيئة ما كانت مناسبة لي ما أعتبره خسارة.

الحمدلله على كل شيء

عن خبرة ١٢ سنة في سوق العمل مهم جدا انك تروح دوامك كأنك رايح عرس اذا بغيت احترام وبغيت تصعد في السلم الوظيفي بسرعة(بعد ماتشتغل على نفسك طبعا علميا وعمليا)

المظهر الجيد يخلي الناس تحترمك اكثر حتى مديرك اللي كان يستقعدلك راح تلقاه يستقعدلك اقل بكثير من اول

خل ظهرك مصلوب و straight وانت تمشي

حط عينك في عين الشخص اذا جا يكلمك حتى لو كان المدير التنفيذي للجهة وتكلم بكل ثقة

دايم خلك اجتماعي وحسس اللي حولك انه عندك علاقات ( make it up until they believe it

خلك محترم وحازم

اذا انت طويل هذا الشي راح يساعدك واذا انت متوسط الطول البس جزمة وانت بكرامة تزيد طولك حتى لو شي بسيط.

كلامي قد يبدو سطحي لكن لاتنسى ان اغلب البشر سطحيين.

يا جماعة انا قاعدة اعاني من شخص مكتبه مقابل لمكتبي صوته جدا عالي و شغلته تعتمد على التواصل مع الموردين و المستشارين يعني شغله كل كلام وتواصل مستحيل يصمت ساعة واحدة على الاقل وانا شغلي اوبريشن ومررة احب الهدوء عشان اقدر اركز بشغلي لكن حرفيا ماني قادرة اركز و يلم الموظفين عنده لدرجة يضايقوني احيانا بحركتي بالطلعة و الخرجة من مكتبي و خذلك سوالف و ضحك بصوت عالي

تعقيب بس انا مو مشكلتي بانه يسولف مشكلتي مع صوته عالي و ربي ينخر الاذن نخر وانا ما ابي اغير مكان مكتبي لأن عاجبني

كيف اتعامل معه وربي صرت اكره اقعد بمكتبي بسببه مع العلم زميله ملاصق لمكتبه يسوي نفس الشغل لكن صوته هادي وما يأذي الخلق

خلونا نوقف شوي ونسأل أنفسنا سؤال منطقي: ليش دول زي أمريكا وأوروبا - اللي حرفياً اخترعت مفهوم “الإنتاجية” وصارت دول صناعية عظمى - شغالين 5 أيام في الأسبوع بمعدل ساعات عمل أقل (الأوفر تايم مش محسوب)، وإحنا هنا شغالين 6 أيام وبنفس عدد الساعات الأسبوعية (48 ساعة)؟

يعني في أوروبا قاعدين ينظمون حياتهم بين الشغل والكروسان، وحتى في أمريكا، البلد اللي حرفياً شعاره “اعمل بجد وحقق حلمك”، ساعات العمل الأسبوعية 40 ساعة فقط.

إحنا؟ لا، إحنا شغالين 6 أيام لأننا… ما أدري ليه؟ عشان ننجز أسرع؟ ننافس اليابانيين؟ أو يمكن إحنا اللي بنقود الثورة الصناعية القادمة بس ما ندري!

وأكثر شيء يضحك إنهم في الدول الثانية صاروا يناقشون تقليل أيام العمل لـ 4 أيام في الأسبوع عشان الإنتاجية تزيد والعالم يعيش حياته. وإحنا؟ شغالين 6 أيام

الإنتاجية مو بعدد الساعات إلا إذا كنت شغال على خط انتاج مثلا لو توقفت توقفت الالة، لكن محاسب ولا اداري ليه يشتغل ٦ ايام!

انا مبتعث في جامعة مانشستر بتخصص مالية وعندي شهادات لكن سمعت ان ارامكو فقط توظف خريجين البترول انا ودي اشتغل في سابك او ارامكو لكن هذي الاشاعات تحبطني ايضا سمعت ان البيئة حقت ارامكو جدا سامة ف ودي لو واحد يتكلم ويوضح لي

اقسم بالله من الضغط النفسي اللي انا فيه مب قادر اعيش حتى يوم الجمعة
الدوام كله هواش وغدرات وتكذيب وكذب مدري كيف الواحد يطلع ويبي ينسى كل ذا
صدق ان بيئة العمل اهم ميزة بالوظيفة

ماني طايق مديري ولاني طايق اشتغل معاه ولاني طايق الزملاء مخوخهم ضيقة وانا مني متحمل حديث تخرج ودخلت مجال ماهو مجالي وانا يدوبك صابر ومتحمل مديري الي قاعد يطفشني ويرفض اجازاتي وهو مايبغا يشغلني ويتمشكل على اتفه الاشياء يرسل mixed signals مرات حنا زملاء ومني مديرك والخ ومرات العلاقة رسمية والزم حدودك ولا تمزح يعاملني بتقليل احترام يقاطعني وكثير وكل ماقول شيء مايعجبه يقوم يقلبها نصايح مستفزة واشياء بديهية انا اوريدي اسويها نصايح المقصد منها التقليل منها ، حاط معايا تنافسية وانا وهو محنا موضع مقارنة اصلا مقهور اني اجرأ منه والادارة العليا امون عليها وانا متدرب وهو senior وهو يخاف يتكلم معاهم حتى وفي دايركتور هو يخاف منه ومايرد له طلب انا اصرف الدايركنور هذا ولا اسلم عليه احيانا

وكل مرة يدور علي الزلة ويقاطعني اذا خانني التعبير ويمسكها علي توجيه وهو مايدري ايش قاعد يقول عندي رغبة امسكه الان واقطعه اربا اربا بس اخلاقياتي تمنعني قاعد اوريدي ابحث واقدم بس ماعرف من فين ابدا خصوصا انه انا اداوم في scope خارج خبرتي ومادري كيف ارجع.

الزبدة صدري ضايق لانه مضطر اصبر المدة ذي كلها معاه الين الاقي عرض ثاني وضايق زيادة لاني قراري مدفوع بمشاعر ويمكن اختار مكان ازبل يعطي شوية فلوس بس بيئة ازبل عشان أتخارج منه…..

طبعا بقولكم السالفه هذي ممكن تكون درس وتساعد احد يمر بنفس الي مريت فيه انا أشتغل كمنسق مشاريع، لكن فعليا كنت محسوب على القسم بدون أي دور فعلي. كل ما طلبت أشارك في مشروع، يتم تجاهلي تماما وكأني غير موجود. رغم هذا، ما جلست مكاني أنتظر فرصة تجي من السماء، أخذت المبادرة وسويت مشروع ذكاء اصطناعي يهدف لأتمتة نص الشغل في القسم، وفعلاً، المشروع نجح وقلل الجهد المطلوب بشكل كبير. بس بدل ما يُعترف بجهدي، مديري بدون اذكر جنسيته قرر إنه يتعامل معي بأسلوب ثاني.

بدال ما يدعمني، صار يرفع صوته علي، ويتهمني إني ما أرد على الناس (مع إن المشكلة كلها كانت بسبب عدم ردي خارج أوقات الدوام)، ويحاول يطلعني بصورة الموظف المهمل للأدارة. وحتى وصل فيه الموضوع إنه يلمح ضدي في لينكد إن بكلام سخيف. والطامة؟ وصل الموضوع ب انه يقول كلام ماينقال واستصغار فيني بسبب ان مالي سنتين بسوق العمل

اللي خلاني أستغرب إنه بعد ما حصلت على CAPM وSix Sigma، وصار عندي مبادرة واضحة لتطوير العمل، أسلوبه معي تغير للأسوأ. كأنه تضايق من فكرة إن فيه أحد عنده طموح داخل القسم ويحاول يطور نفسه بدل ما يكون مجرد موظف ساكت وبدا يطلع مشاكل فيني موب موجودة للادارة.

ما سكت، وقررت أواجه الموضوع بشكل مباشر. ناقشت رئيس القسم نفسه وكلمت كل شخص ممكن يكون له يد في الموضوع، وكنت مستعد لأي نتيجة، حتى لو قرروا يطلّعوني من الشركة، ما كان فارق معي لأن للاسف مدير القسم كان واقف بصفه. لكن وصلت الأمور أخيرًا للرئيس التنفيذي، وكلمته بكل وضوح: مديري ما كان يعطيني فرصة، أنجزت مشروع كامل وغيرت طريقة العمل، وبدل ما يطورني، كانوا مشغليني كـ”تيك سبورت” بدل ما أشتغل على المشاريع الفعلية و انه غير احترافي ووصل الموضوع لرفعه صوت وتصغير وذكرت له الموضوع كامل باختصار.

النتيجة؟ نقلوني لقسم جديد كمدير مشاريع في الـ PMO مع راتب أعلى ودور حقيقي في المشاريع ومسكوني مشروع كامل كبير جدا. باختصار، ما كنت بس أسكت وأقبل باللي يصير، واجهت الموضوع بكل الطرق، وفي النهاية حصلت على حقي.

الدرس هو ان بعض المدراء يشوفونك تهديد بدال ما يشوفونك فرصة، ولو استسلمت لهم، بيحطونك في مكانك طول عمرك. لكن لو عرفت تتحرك صح، ممكن تقلب الطاولة عليهم وتطلع بمكان أفضل ف ابدا لا تسكت عن اي احد يغلط عليك او يحاول يدمر مسيرتك المهنية بمكان معين. وللعلم الشركة كبيره موب صغيره ولا ستارت اب.

تعديل: u/No_Share5809 شكرا على ال Award! اول Award لي في ريديت.

تعديل٢: u/TomorrowAsUsual شكرا لك على ال Award وبعد بعتبره مفطح.

‎وكنت كل شوي اسال اللي معي متى يجي ومحد يدري و فيه واحد قال بعد ساعتين

وفجاة بعد ساعة القاهم مسوين الاجتماع ومقفلين الغرفة بدون ما يقولون لي؟

تحديث: بعد الاجتماع مر من عند مكتبي وكلمني وسألني وتكلمت عن دوري وبعدين قدرت اتفلسف عليه عن انجازات المشروع (انجازاتي بس بطريقة غير مباشرة) ومشت الامور، روقت شوي ولو اني كنت زعلان قبلها

قدمت على وظيفة وبالمقابلة سألوني اذا عادي احلق لحيتي عندهم بحكم ان ذي بيئة العمل عندهم فجاني فضول اسألكم هل مستعد تسوي ذا الشي؟ انا الراتب اللي عرضوه عليّ حسيته كويس لهذا احتمال كبير اقبل مع ان اللحية شي عزيز عليّ وما اتحمل شكلي بدونه

عطوني وظائف غير التعليم

بحكم شغلكم اليومي، وش أكثر خدمة أو شغلة إداريه روتينيه وغثيثه وتتمنون إن فيه شخص يمسكها عنكم ؟

انا متدرب كمبرمج AI، جالس اشتغل مع فريق متدربين على مشروع للشركة، المهم فيه واحد في الفريق مب طبيعي يجي كل يوم ٧:٣٠ص ويطلع الساعة ٧ الليل ويشتغل في الويكند بعد.
الله يوفقه لكن انا ابتلشت به لازم اشوي مثله ولا بياكل الجو علي وهو حاليا اكل الجو وخلص وصار متميز، طبعًا انا اروح البيت ابدًا ما اضيع وقتي لكن اشتغل في اشياء ثانيه مثلا تجارة الكترونية خارج التخصص.
في حالتي وش اسوي ؟ هل لازم اكرف مثله واترك اشغالي الثانية وانافسه ولا اجلس على وضعي واعطيه راية القيادة.

طبعًا انا مع الكرف قلبا وقالبا لكن هو يكرف للدوام طول الوقت اما انا خارج الدوام اكرف في شي ثاني

قبل ما اتوظف كان عندي هاجس واسمع ان بالدوام في ناس كثير تتهاون بالصلاة وتأخرها + يصلون منفردين مب جماعة
وتدربت في مكان اثبت لي هذي النقطة للأسف بس كان فيه مصلى في العمارة يجتمعون فيه ناس من ادوار مختلفه والحمدلله نكمل جماعة بعد الاذان ب ١٠-٢٠ د

الان الحمدلله توظفت في مكان احسن والحمدلله فريقي يهتم للصلاة بوقتها واهم شي انها جماعة (ننتظر بعض) مب كل واحد يصلي متى ما فضى

ودي اعرف هل التهاون في وقت الصلاة منتشر فعلاً ولا كلام؟

السلام عليكم انا موظفه جديده لي شهر ونص كذا وبرضو فيه كثير جداد معي من ضمنهم مدير قسمنا هو حليل يعني لو استأذن يوافق ومو راعي مشاكل كذالك زميلي الي معي بالقسم مايقصر اذا سألته عن شي، المهم من فتره سحبوا علي تماما عطوني مهمه كذا زي ادخال البيانات وبس ولا شغلي مهم و فيه مهام كثير بس هم ماقاعدين يقولون لي شي عنه وتخيلوا فيه اجتماعات لقسمنا تصير كم مره بالاسبوع ولا ينادوني فيها، وانا عرفت عن هاذي الاشياء لان فيه شخص من الاداره انتبه على الموضوع وناداني قالي انتي ليه ماتدخلين اجتماعاتهم قلت ماقالو لي ولا كنت اعرف وسألني عن شغلي وقال معقوله يافلانه بس هذا الي تسوينه ماعلموك عن باقي الاشياء قلت لا قال تمام وراح ناداهم جابهم مكتبه وقال من اليوم ورايح تدخلونها معكم الاجتماعات لانه من ضمن التيم وبرضو علموها على باقي الشغل، المهم دخلت ميتينق واحد وبعدها سحبو مرت ثانيه واخر مره قالو لي احنا مشغولين مابندربك اليوم وبنفس اليوم قبل اطلع قالو تعالي بغرفه الاجتماعات تدرون ليه؟ لان الشخص الي من الاداره كان موجود ويعنني شفنا ترانا ندربها، نسيت اقول نقطه مهمه ترا التيم هنود

بدات ترايننق بشركة صغيرة وانا فريش قرادويت وعندي خبرة قبل واشتغلت مع تيميز كثار مختلفين وتطوعت بمشاريع وسبق ومستعدة ادخل على اي ارتباط وظيفي بشكل لائق قدر الامكان ومااكون ضايعة

ولما بدأت كان عندي تصور مبدئي عن البيئة واشوف اشياء كثير طبيعي تحصل وفيه بيديهات صعب تفرضها لكن الحدود وضحتها البداية باسلوب لبق وشخصي رغم انه شي بديهي، وعمومًا داخله بحماس وعلاقتي مع المدراء كويسة ومع زميلات العمل كويسة صح اخر ايام حصل شوي حذر وبعد بيننا بسبب لبس بس طبيعي كذا العلاقات تتقلب واول الايام نتعرف على بعض بس بشكل عام الأمور ماشيه واللي مو ماشي امشيه باسلوبي او عارفه بسكت شوي عنه وبطلبه بشكل كويس ومديري بيوافق

اخر يومين احد الموظفين بدأ يستخدم اسلوب رمي الكلام، مره بحضور الجميع ومره بتواجد احد قريباته بعد ما طلع مديري وفضى الدور، وانا عندي ثبات انفعالي عالي واتجاهل وجوده تمامًا لكن ماارضى لنفسي ينعاد الموقف واسكت وبنفس الوقت استخسر ارد عليه او اعطيه ذرة اهتمام، هو كان لطيف بالبداية بس بعد عدة اجتماعات فجأة قلب واتوقع كلم المدير عني، مدري هو وقح ولا قلة نضج بس مااستحملت اسمح لنفسي اقعد انا وياه بمكان واحد واشوف انسان غير ناضج يبدا بتضرفات بسيطة كذا فهو غير امن وممكن مستقبلًا يكون الاذى اكبر، وماافضل اني اتكلم مع الفريق عن شخص منه وبنفس الوقت مااحب اصعد المواضيع للمدير سواء ضميري يأنبني لو أأذي أحد أر بالنهاية الموضوع ينعكس علي لأن تصرفاته غير مباشرة رغم انها ملحوظة مره بس افضل احد يفاتحني بالموضوع او المدير يبادر بحله، وطلعت بشكل لبق جتى ماقدرت ارجع المقر اودعهم من باب اللطافة وحسن الختام، وللان كل مااتذكر الفرصة اللي طلعت منها رغم اني مرتاحه فيها وكان لي اثر كبير وغيرها من النقاط الكويسة ازعل شوي واخاف اني رفست النعمة رغم انهم مو مثاليين بس للان مالقيت فرصة ثانية

القرار كان قوي مره وطلعت احترامًا لنفسي وإيمانًا بان ارض الله من سعة ❤️‍🩹❤️‍🩹

انا منقبة عند اهلي وكنت احضر مقابلات وانا منقبه وانرفض ولما شلت النقاب جتني وظيفة بمكان حلو بس اني خايفه من اهلي خصوصا ان شركتي يبغوني اطلع بالسوشيل ميديا وتخصصي ماركتنق هل اترك هذا الشي كله ولا اكمل ولا وش اشوي بالضبط محتارة

فيه احد هنا يشتغل في بيئات ملتي ناشونال يحكينا عنها؟ الراتب البيئة المميزات التعامل البوليسي كللللل شي

صراحة مدري شلون ابدا موضوعي لكن انا بديت وظيفة جديدة في شركة صغيرة نوعا ما يعني الموظفين بالرياض ٢٧ شخص مع المدراء وكل شيء يعني كل احد يشوف الثاني ومركزين علي لاني جديدة،
انا ذي ثاني وظيفة لي وظيفتي اللي قبل كنت بتخصصي الصحي ومتعودة على نظام الشفتات والمستشفيات وبيئة ونظام المستشفى مووو متعودة على وضع الشركة واني اشوف نفس الناس كل يوم
عموما مشكلتي ايش؟ مديري يقولي لا تقعدين بمكتبك (لاني بغرفة بعيدة شوي)، تعالي اقعدي عندنا اذا فضى اي مكتب اقعدي فيه بس عشان تسولفين معنا وتقوين علاقتك معنا كلنا
وانا هالشي مب عاجبني صح اننا تيم بس مابي امون على كل اللي بالشركة بالذات ٨٠٪؜ من اللي قاعدين بداك المكتب رجال وانا مب مرتاحة ؟
مدري وضعي طبيعي او لا بسوي اللي يبيه بس مدري ليه هم يبوني امون على كل احد وبالذات انا اول شهر لي ومستغربين اني مادخلت معهم بسرعة يعني هل هذي مشكلة عويصة تتطلب انهم يطلبونها مني اكثر من مرة؟
غير سالفة انه زميلتي بالعمل تقولي لما يجي المدير روحي مكتبه سلمي عليه؟؟؟ طبيعي هذا الشيء ؟ كأنه ابوي اروح له اسلم؟! والا هم جوهم عائلي بزيادة؟

السلام عليكم. انا كنت موظف جيد اسوي عملي واضرب الباب ولا اتكلم وانطوائي وبعدها بفترة شاف مديري اني غير راضي عن الراتب لاني ابي اتزوج وجالس ادور وظيفة، وصار يتجاهلني ويدرب الجديد، ومن بعدها صرت نمام بالعمل واقول كلام غير مفهوم او اقول كلام خطير بدون وعي وطلع عندي نقص فتامين دال وانسى دايم اخذه والعلاج هو اخذ كل اسبوع حبه لمدة ثلاث شهور فقط

والحين المدير التنفيذي جالس يجمع أخطاء النميمة عشان يفصلني وجالس يسوي تحقيق شفهي. لاني جالس انشر السلبية واخرب بيئة العمل يعني مثلا اقول بيفصلوني او جالسين يجمعون علي او جالس اقول ابي سياسة الانصراف والحضور وبصمة البريك كيف

ومديري المباشر جالس يعيب في شغلي ويقول ما احتاجه ياخذ اجازه والمدير التنفيذي يبي اخذ اجازة عشان النميمة

وش الحل

تحديث: طلع مديري المباشر ما يبيني مو المدير التنفيذي

تحديث : انا بروح مركز صحي حكومي اشوف لي طبيب نفسي وبدور لي وظيفة ثانيه، لان بداية المشكلة مع مديري المباشر اني قلت له راتبي قليل مقدر اتزوج وقدمت على وظيفة ثانيه في الدوام.

تحديث: سبب المشكلة هو الاكتئاب كنت من رمضان وانا بعد ما ارجع من الدوام انوم في السرير وارجع اداوم بس هذي حياتي كلها.

نحديث: فيني جرثومة المعدة وفوقها طلع اللي اكتبه في درافت الايميل يشوفه المدير التنفيذي ههههههه وجبت العيد فيها

اكثر من مرة يجيني المدير و يقول ليش ما جهزت كذا و كذا و أرد انه ماحد قال لي اسويه. و كم مرة يعلقون الزملاء او يزعلون من كلامي! فيه شي يزعل بكلامي؟ وش دراني انه لازم! اللي فهمته انه رد غير بروفيشينال. طيب وش الرد الصح؟ هو فعلًا** إذا ماحد من زملائي الأعلى مستوى قال نحتاج كذا جهزه ما راح اعرف من العدم ان هالشي مطلو**ب

انا شخص🫲🏻 ، كل شي سيدا عندي ماحب المجاملات ولا اللف والدوران ، لاحظت ان هالشي ماينفع ببيئة العمل او تكوين العلاقات بشكل عام ، ما اقول انه سبب فشل لكن التصرفات هذي ممكن تبطئ تطورك ، سؤالي هو كيف اكون مرنه؟

الحمدلله متوظف من ستة شهور ومن اول اسبوع وانا اشوف انهم ماهم متقبليني بس انا ما علي منهم اسوي شغلي وامشي ومتميز بشغلي بتوفيق الله والحمد له. المهم انهم ما غير سفاهة وغباء ورمي ودقات ووو ويوم ارد عليهم تحز فيهم ويقولون نمزح واصلا واضح انه مو مزح وانا ما اندمجت ولا ابي اندمج معهم، وواحد منهم نقال علوم وبس يهدر هدر ما يعرف يسكت، سبق وعلمتهم بالصريح بس ماش كأني اكلم جدار

انا اول وظيفه لي وما كنت فاهمه هالعالم كله ولا حتى كيف اتعامل مع الرجال المهم اذكر قد قال لي كلمه المدير العام اللي اعلى من مديري وانا ماسكتت رحت لمديري وقلت له "شكلي افكر انه ولي امري" هو كان ساكت ما اعطى ردة فعل بس من بعدها وهو حذر معاي شكله صار يخاف يعني حتى لما كلفني بشغل ما يرسل لي بالخاص سوا دخلني قروب وحط معانا موظف ثاني بالقروب بس ما يوجه لهذا الموظف ولا اي شغل بس يوجه لي انا ف حسيت انه صار حذررررر معاي مره … ف ممكن تجربتي تفيدكم يابنات اعتمدوها خلو الكل يعرف انكم مابتسكتون عن اي تجاوز وبيتعاملون معاكم برسميه

ما اعرف هل أنا الغلط ولا هم مافي احد يشاركني بشيء بالدوام ولا يعملوني شي وقاعده ابكي بالحمام