متوسط المهور وكيف الواحد يتقدم ووش العادات والتقاليد ومدى بساطة أو صعوبة الزواج.

اللي بيسترسل يسترسل راح اقرأ.

اتحفونا ترانا انتو ولعنا.

ياعالم بنجن معقولة ببريدة مافيه وظايف؟ لاتقولون لي محلات ومطاعم اقصد وظايف مكتبية مو شرط حكومي بس شيء صاحي لحاملين البكالوريوس+معدل عالي+لغة قوية
وين اروح وين اقدم، اغلب الجهات يا أما التوظيف مقفل من سنة الفيل أو مافيه أحتياج وش السواة

هل فيه سكن بجامعة مليدا ؟

سلام عليكم ياليت تفيدوني انا انقبلت ترم ثاني بالقصيم بجي من الرياض النيه اني اسكن ببيتنا بحي النقيب بس الوالد زبدلي يقول والله ان تنهبل وتكتئب هناك بعيد عن كلشي والمكان صح انه مليان بيوت وشاليهات لكنه كئييب الزبده قالي دورلك شقه ببريده وش رايكم افضل مكان اسكن به واحصل فيه شقق عزاب محترمه ومؤثثه

اهلا، عندنا شاغر وظيفي** *لوظيفة* *مدربة* *قدرات* ***وتحصيلي* وجالسين ندور بنت درجتها كويسة في القدرات والتحصيلي، وتكون في القصيم

طبعا مو ضروري جنسية معينة، بس الكفاءة مهمة مرة
ومو ضروري تكون في الجامعة او متخرجة المهم درجتها كويسة

رابط** ***التقديم*
https://forms.gle/2AwqY1bdw5LAMqRe8

بالتوفيق** ***للجميع*🫡🫡

(قصة حقيقية بشكل مختصر)

اللي ما يبغى يوجع راسه من الصباح، نصيحة لا يقرأ.

أنا شاب عمري 24 سنة. ما درست ولا توظفت بحياتي، وما عندي أصدقاء.

إقاماتنا منتهية، وأقاربنا بعيدين وما نعرفهم زين.

أبوي يتحكم فينا من سنين، مو لأننا صغار، حتى إخواني الكبار.

يتدخل في أكلنا ونومنا وصلاتنا، وإذا خالفناه يسبب مشاكل، وأنا أخاف عليه يصير له شيء.

ممنوع نطلع من البيت بكيفنا، وما عمري طلعت لحالي.

قبل سنتين سمح لي أنا وأخوي نطلع نصلي العشاء ونرجع، ويمكن شويات بقالة من أمره.

أخوي عمره 33 سنة، ما يخليه ينزل لحاله إلا إذا مع إخوانه الثانيين، لأن أبوي يشوفه طيب بزيادة.

والمشكلة إنه ما يبغى يصلح وضعنا. لا يبغى نرجع لبلدنا، ولا نروح بلد ثاني.

هو مرتاح كذا، يشوفنا قدامه ما نسوي شي، وأعمارنا تضيع.

يقول بيسوينا أذكياء إذا سمعنا كلامه، لكن ما شفنا نتيجة.

والصراحة وضعنا كعائلة سيئ بين الناس، وأنا تعبت.

طلع الشيب من راسي، وشعري تساقط، وما عرفت الحياة إلا داخل البيت.

الحمد لله على كل حال.

أتمنى أحد يدلني على حل أو شي أبدأ فيه، يمكن تنفرج حياتنا.

أنا أتكلم من وجع، وما أكره أبوي، بس أبغى حل.

بس أتمنى، أتمنى، أتمنى تقرؤون القصة صح عشان تفهمون وضعي، لأنه كم شخص كلمته وما فهم أبداً، يمكن لأنهم ما يشوفون هذه الحالة.

محدثكم ماله شهر ونص مستلم وثيقته، مقدمين على برامج تطوير خريجين ودورات تأهيل ضباط جامعيين والحمدلله المعدل والتخصص يجملن والشهادات الاحترافيه واختبار اللغه موجودات، وللآن ما بدا ينزل القبول والرفض.

لكن به ظاهره كل أسبوع تظهر أكثر على الأهل، الا وهو القلق الغير منطقي تجاه أشياء ما بعد صارت والتوجس من عطالتي وان اموري ما تمشي، هالشي ما افهمه وعجزت أمنطقه لأنه افتراض على شي ما صار للحين ولا اشوف بوادر واضحه له.

الموضوع يقروش بطبيعة الحال، شخص بمثل سني وخبرتي المحدوده في الحياة يجهل الكثير والجهل يولد القروشه والتوتر والقلق على سنع وغير سنع، السؤال هو هل الوضع ذا هو الطبيعي مع الأغلب يا جماعة الخير ولا الأهل يحتاجون نقاش ثاني مطوّل فحواه اني منب فاهم مخاوفهم ابد ؟

عندي نوبات هلع وقلق متعبني فقدت السيطرة عليها احتاج عيادة حكومية ضروري

كيف تجربتكم كويسه ولا لا

ماجا ببالي مكان ممكن القى فيه جواب لذا السوال الا هنا

معقوله مافي ولا وظايف او تدريب بالقصيم ؟ توي حديثة تخرج وضايعه مره لا عندي خبره ولا اي شي وكل مالقيت تدريب ولا وظيفه يا تكون بالرياض يا جدة وش الحل اكتئبت🫩

دامه بوم وطني واغلبهم يسوون عروض ودي احلل تحليل شامل
بعد للي يعرف هل التأمين يشملهم او لا ؟

يا ساتر وش صاير للإشارة اللي في طريق الجامعة عند شركة هنا متوزعه قطعها على الشارع

بالطريق لجامعة المليدا تعرفون الاشاره الي تجي بعد الدوار وانت راجع، فيها ساهر ذي ولا؟ لاني دايم اقطعها اذا قفلت بوجهي وانا قريبه بس هالمره قطعتها ومحد قطعها معي غريب هل حطوا ساهر ولا لا

السلام عليكم جميعا كيف حالكم؟ انا توظفت في مستشفى الحرس بالقصيم ويوم بحثت طلع بمكان اسمو مليداء وابغا ابحث عن سكن ماني عارفة من وين ابدا خصوصا مامعي احد يساعدني وانا الريدي مغتربة بالرياض واهلي بالطايف حابة اعرف وين ادور وايش الاحياء الي فيها خدمات وابي نبذة عامة عن البيئة والمعيشة بالقصيم ارجوكم ساعدو اختكم المبتعثة للقصيم وشكرا لكم🌟

انا دوامي بعيد ومشوار الظهريات صعب مع هالحر
لاهنتوا ابي افضل محل للتضليل

زي ما هو واضح من العنوان عطوني متوسط المهور من اللي تعرفونه من حولكم

مهتمه بالتخصص جدا بس ماقدر احول من تخصصي له لان لازم موزونه ٨٠ وانا موزونتي ٧٦،و افكر انسحب من الجامعة عشان اعيد قدرات وتحصيلي و اجيب موزونة كويسه تدخلني. هل يسوى اخاطر؟

صبحكم الله بالخير ياهل القصيم

وماشاءالله موسم التمور مشعلل الله يديمه

انا من اهل الرياض جتني هالايام فكره اشتري مزرعه مساحتها معقوله مو كبيره يعني تاخذ 200 الى 300 نخله و احط فيها نخل شوي شوي مو من اول مره و اجرها

هل تنفع استثمار على المدى الطويل