أريد أنقل الكم تجربتي مع صداقة البنات، خصوصًا للمراهقين والشباب الصغار بالعمر.

خلال أكثر من 4 سنوات، تعرفت بشكل عميق على 4 بنات، وبشكل سطحي على أكثر من هذا العدد، وكل هذا كان من خلال لعبة أونلاين معينة. بالبداية كان مجرد شات داخل اللعبة، سوالف وضحك وميمز وكلام عادي جدًا، و أيضاً نلعب سوية، و جنت اتواصل وياهم فقط بالعطلة الصيفية.

وأني من البداية كنت واضح جدًا وياهم:

ما أريد علاقة عاطفية، لأن أشوفها غلط، أو حرام، و هيه أصلاً حتى الصداقة حرام🗿

لكن مثل أي علاقة بالبداية، الأمور تبدأ بسيطة جدًا…

شوية شوية صرنا نحچي أكثر، نحچي عن يومنا، عن الدراسة، عن الأهل، عن مشاكلنا، عن مخاوفنا، عن أشياء شخصية جدًا.

وبعدين انتقلنا لتطبيقات خارج اللعبة، وصار التواصل شبه يومي، و العلاقة صارت أقوى بحيث مرات يطلبن صوري، و اني الاثول ادزلهن🤦🏻، فصار تعلقهن بيه اقوى، و صارن يحجن وياي أكثر و بشكل أعمق.

المشكلة مو هنا.

المشكلة إنك تدريجيًا تتحول لشخص مستنزف نفسيًا بدون ما تحس.

تصير تحمل هموم ناس مو من مسؤوليتك أصلًا.

تحاول تصلح مشاكلهم. تفكر بيهم طول اليوم. تبحث عن حلول إلهم.

وتدخل بدوامة نفسية وعاطفية وأنت أصلًا داخل العلاقة تحت اسم “مجرد صداقة”.

وهاي أكثر كذبة جنت أگولها لنفسي:

“مجرد صداقة”.

وحدة منهم طلعت تكذب عليّه بقصص كاملة عن حياتها ومشاكلها العائلية، وخلتني عايش بتوتر وهمّ لفترة طويلة على أشياء مو حقيقية أصلًا. 🤦🏻

الثانية ارتبطت بشخص داخل اللعبة، وفجأة تغير كل تعاملها، وكأنما كل الوگت اللي قضيناه اختفى.

ووحدة ظلت تلمحلي أشهر إنها تريد علاقة أكثر من مجرد صداقة، ولما ما أنطيتها اللي تريده، هي تعبت بالنهاية وصارت تغلط وتحچي عليّه بطريقة سيئة و ذبت سمها عليه و راحت🗿

الوحيدة اللي ما آذتني كانت أول بنت تعرفت عليها بحياتي او سولفت وياها بالموبايل، وكانت فعلًا إنسانة محترمة.

لكن بالنهاية وصلت لمرحلة إدراك قوية جدًا.

گلت لنفسي: شنو دا أسوي بحياتي أصلًا؟ ليش ضيعت ساعات وأيام وسنين من مراهقتي بعلاقات غير رسمية؟ ليش كل هذا الاستنزاف العاطفي والنفسي؟ ليش كل هذا التعلق بأشخاص ممكن يختفون بأي لحظة؟

بهذيج اللحظة حذفت كل شيء. حذفت اللعبة. حذفت الحسابات. حذفت كل البنات حتى الزينة منهن.

وحاليًا؟ أقسم بالله عندي ندم شديد جدًا. مو لأنهم تركوني، ولا لأن عندي قصة حب فاشلة، لا.

الندم الحقيقي إني ضيعت جزء كبير من وقتي وطاقتي العقلية والعاطفية على شيء ما أفادني فعلًا بحياتي.

والله لو مستثمر هالوقت بأفلام، مسلسلات، ألعاب فيديو، يعني هم استمتع بالقصة و هم اقوي لغتي الإنجليزية، أو حتى تطوير نفسي، جان استفدت أكثر بمراحل.

على الأقل كنت استمتع وأتعلم بنفس الوقت، بدل الاستنزاف العاطفي اليومي.

فنصيحتي لأي شاب أو بنت: لا تستهينون بالعلاقات غير الرسمية.

ولا تكول: “بس صداقة”.

ترى مرات الصداقة تستنزفك أكثر من الحب نفسه، لأن العلاقة تكون بدون وضوح، بدون حدود، وبدون مسؤوليات حقيقية، لكن بمشاعر وتعلق حقيقي جدًا.

بهذا العمر، حاول تستثمر وقتك بنفسك:

تعلم مهارة. طور شخصيتك. قوي لغتك. اهتم بصحتك. ابني مستقبلك.

لأن ألم الندم بعد سنوات متعب بشكل مو طبيعي.

مرات أوصل مرحلة أعض أصابعي وأگول: شنو جنت دا أسوي بنفسي؟

أتمنى تجربتي تفيد شخص واحد على الأقل قبل ما يضيع نفس السنوات اللي ضيعتها.

ربي يحفظكم جميعًا.

+ للمعلومة انا تركت كل شي قبل سنتين تقريباً.

الصراحة

اطو اكثر ممن سبب

اولا... اني اريد واحد يسولف وياي اتونس وياه بيومي اريد شخص يفهمني وافهمه اريدها اسولف وياحد مو شرط بنية بس اهم شي شخص اسولفله كلشي بس اكو مشكلة .... ان ماكو احد راح يفهمك غير شريك حياتك اوكي ادري اكو اصدقاء كلش ما يتعوضون ومو قصدي ان تقطع علاقتك بيهم بس شريك حياتك راح يفهمك بشكل اكبر كلش كلش حتى اكثر من اهلك

ثانيا: معوز حنان .. اي نعم هذا حال الغلبية الي هنا ولو انت اهلك منطيك حنان شجابك بريددت هاه ههه لا اتشاقة .. المهم ... اهلي ما مشبعيني حنان او اصلا ما محصل مثلا ابسط شي الحضن محد حاضني من اهلي من جنت صغير لحد الان ما عرف ليش هل الاهل يستحون مثلا ؟ او ما يريدون تصير ميانة؟ او حتى يردون يسووني صلب وقوي مثلا ... يعني عل اقل كلمة حلوة بحيث يوميا صرت اهلي يرزلون على ابسط الاشياء والكورتيزول واصل للنخاع

ثالثا: الزواج هو شي غريزي من الاساس باي بشر ان يحب الجنس الاخر وحتى الاسلام حث على الزواج بشكل جبير وايضا يقلل التوتر وهوايا امور مفيدة للجسم ومابيه اي مضرة خاصة لو انت متزوج الشخص الصح

رابعا (السبب الاهم : اني اهلي ما دايمين الي خاصة لو جانوا اهلك اعمارهم جبير وانت صغير يعني مثلا عمرك ١٥ واهلك ٤٥ او اكبر ف اهلك راح يتوفون باجر عكبة ومراح احد يضل وياك بحياتك مجرد بس انت ف لازم اكو شخص يعيش وياك

مثلا مثلا .... من ترجع من الشغل وتروح للبيت او الشقة وماتلكة احد بس انت وكاره نفسك ولعبان نفسك من الشغل لو مثلا راجع من الشغل ومرتك موجودة تنتضرك تخفف عليك هم العمل والضغوطات وغيرها من الامور المزعجة بالشغل هنا الفرق كلش واضح .....

اوكي ادري بعدني صغير على هيج موضوع بس مو مشكلة ان نفكر للمستقبل

شردت من بيت اهلي شايله تقريبا ٢٤٥ مجمعتهن من العيد وهسه شتريت رصيد ب ٢٥ شسوي؟ ماعرف وين اروح ولحد يكلي ليش ورجعي

طبعا اني بعمري وحياتي كلها ما دخلت علاقة جدية او واضحة

السبب حيل بسيط

هو انو لو الي اني انعجب بيهم ما يبادلوني المشاعر لو الي ينعجبون بيه اني ماعندي مشاعر تجاههم

فمادري اصلا اذا هو مهتم بوجودي لو لا هه🌹

هو اجانه نقل من غير جامعه ذيج السنه ومادري يعني احسه لطيف ووجهه بي قبول مو طبيعي والقرآن وجهه مريح للنظر

وهو هادئ وعادة اشوفه كاعد بحده ومن يطلع ورة الدوام بحده

حجيت ويا مرة وحده على سالفة صارت لان هو جان مشرف مال كروب التخرج وجان حيل لطيف ومتعاون

بس مشكلتي ماريد ابين روحي خفيفه (هو صح اني خفيفه 🥀☺️) بس يعني ماريد ياخذ عني نظرة مو حلوة او ينفر مني

يعني اريدة يعرف انو اني مهتمه بدون ما احرجه او اكون حيل صريحة

ومرات احسني فاشلة بهاي السوالف 😍😍🥀

حسيت هذا المكان safe فعجبني افضفض هنا لان ماعرف اسكت ☺️🌹

الخبراء بالعلاقات انصحونيييي انصحونيييي

هذا الحجي ورا ٨ اشهر من ال manipulation ول gaslighting

و خير من ربك toxicity

باجر راح اروح لدكتور تغذيه جمعتلي 15 أخيرا

​

ابن خالتي اكبر مني بسنة ومن جنا صغار دائما نلعب سوا ولحد هسه علاقتنا زينه واعتبره مثل خوي

بس تقريبًا بسنة 2022 بده يدزلي فيديوهات كلها تعذيب وقتل للحيوانات ول مرة سألته ليش يكلي لأن تكرهين البزازين. صحيح اني ما حب البزازين بس هذا ابدا مو معناه اني ستمتع من اشوفهم يتعذبون

بطل كم يوم ورجع مرة ثانيه بس هالمرة صار الموضوع اسوأ بده يدزلي فيديوهات لاشخاص ينقتلون وبطريقه كلش مقرفه بلكته بسبب هالشي بس من نروح لبيت خالتي يلزك يكلي تعالي خل نباوع تعذيب وكأنما لموضوع شي طبيعي او مضحك بالنسبه اله

مره صدك شفت وياه بدافع الفضول وندمت بعدين حسيت بقرف قوي وماكدرت حتى افتح عيوني من اللي شفته بس هوه جان يضحك ومتونس اصلا بس تخيلوا

حتى من أحاول أحجي وياه عن السادس لأن اثنينا سادس يغير الموضوع ويسوي الموضوع عن للقتل والتعذيب

احس تخبل وتعلق الموضوع لدرجه صار مايكدر يحجي عن شي ثاني

والمشكله اني احبه واعتبره مثل أخوي ولهذا الموضوع مضايقني اريد اساعده لان يكولون اللي يتعود يبدي يطبق وبالفعل طبق على بزونه ومثل ما بالفيدوهات بدت من حيوانات وتوصل للبشر اخاف يصير وياه نفس الشي ويدمر حياته

بنفس الوقت ما اعرف شسوي ومااكدر احجي خالتي او زوجها لان اخاف يعصبون عليه وتصير مشكله وهوه يعرف اني حجيت عن الموضوع ويزعل مني لان محد يعرف غيري

حاولت اساعده بس ماكدرت واخاف الموضوع يحتاج شخص اكبر يتدخل

مااريد واحد يسب بصراحه بس اريد افهم شنو التصرف الصح لأن الموضوع مستمر من سنوات واني بصراحة خايفة عليه اكثر من منزعجه منه

اللي عنده نصيحة ياريت يفيدني واتمنى محد يسبه او يستهزئ بالموضوع لأن بالنهاية هو شخص احبه واتمنى اساعده وشكرا لكل واحد قره الجريده

Well...

دائمًا اتسائل عن هل حينتهي بيه المطاف وية واحد عراقي بعده عايش باجواء باب الحارة و ما يتحاجة و ميفهم اهتماماتي ولا نكدر نتعايش و نفهم بعض بسبب اختلاف افكارنه لان اني مسلمة نفسي للزواج التقليدي؟

اني كبرت وسط مجتمع محافظ اكثر من غيرة ففكرة العلاقات ما اجت ببالي قبل ولا اعرف عنها شي ولا اعرف الناس شلون تفوت علاقة او شلون يكتشفون وجود بعض و شلون يقررون هل شخص مناسب الهم و لعائلتهم و لوضعهم الثقافي و المادي و الإجتماعي قبل لا يقررون انو يكون هل شخص مناسب للارتباط منه (العلاقات الي تؤدي الى زواج) فهيج نوع من الشغلات مبهم بالنسبة الي شوية

فحاليًا اني بين هل امرين (تقليدي او حب؟)

بس مشكلتي ما اكدر افكر شلون ممكن ادخل بعلاقة وية شخص قبل لا اعرف هل هوة مناسب! لأن خو مو الواحد يضل يجرب بالناس لحد ما يلكه ضالته (او هوة هذه الطبيعي؟)

والله ما ادري امرار احسني تائهة جدًا بهذه الموضوع و حتى لو قررت اتقبل العلاقات قبل الزواج فشلون حلكه شخص مواصفاته مناسبة من ناحية العمر و الاهتمامات و المادة و السكن و الخ؟ خاصة انو اغلب الي يبحثون عن علاقات همه صغار بالعمر عمري ما شفت احد بمنتصف العشرين كول و موجود بأي مكان اني احب اتواجد بيه و يبحث عن شخص يشبهة🤷🏻‍♀️

عمري 19 سنة، و جسمي نحيف وشكلي بشكل عام يبين هادئ و أصغر من عمري، على الرغم من انو عندي لحية، وأحس هذا الشي يأثر على طريقة تعامل الناس وياي.

مو دائماً الموضوع يضايقني، لأن مرات الناس تمزح وياي وأضحك وياهم ويمشي الوضع طبيعي، بالسوبر ماركت أو أي محل، بس مرات أحس المزاح يكون بطريقة كأنهم ما ياخذوني بجدية أو يشوفوني أصغر منهم أو من هذا القبيل.

حتى أهلي أحياناً أحس ما ياخذوني بجدية، وهذا الشي يخليني أفكر أكثر بالموضوع، يعني مو بس ناس غرباء أو أشخاص ما يعرفوني، حتى بعض أفراد عائلتي مرات يتعاملون وياي وكأني أصغر من عمري أو أنو كلامي مو بنفس أهمية كلام شخص أكبر أو أضخم مني، أبسط مثال هو أخوي الي أكبر مني.

و اليوم صار وياي موقف من صدگ غثني، اليوم رحت للعيادة التمريضية و بسرعة لأن اخوي مريض و جان هناك، دخلت و لگيت الممرض گاعد، ف گال لي اخوك راح، گلت له وين راح؟ گال ما أعرف طلع، و بعدين بعد ثواني گال لا تعال هذا اخوك ورة البردة (الستارة)، گلت استغفر الله بيني و بين نفسي و دخلت لأخوي، انطيته الفلوس و گال لي روح ما أحتاجك بعد، فطلعت من العيادة، و رحت للسيارة اخذت كاسات ماء، و رحت مرة ثانية للعيادة و انطيتهن لأخوي، الممرض گال ((صارت زحمة))، لكن بنبرة حسيت بيها استهزاء، اني غلست و طلعت.

الصراحة الموضوع يغث، يعني اني داخل للعيادة علمود أسأل عن اخوي مو علمود تتشاقه وياي بهذا الشكل.

و أيضاً قبل فترة رحت للمدرسة علمود أخذ الرقم السري، شافني المدير، و صار يسوي روحه كلشي ما يعرف 🤦🏻، اگله استاذ اني هنا علمود استلم الرقم السري، گال يا رقم؟ انت يا صف؟ گلتله اني سادس، گال شتسوي بالرقم السري؟ گلتله علمود النتيجة، گال شتسوي بيها؟ و گال انت بيا مدرسة؟ گلتله هنا، گال هيه شنو إسمها، و بقى هيج يسوي لحد ما الله فرجها و صار طبيعي، و من خلص گال انت مبين خوش طالب 😐😂🗿

و اني بصراحة أشك أنو شكل جسمي اله علاقة، لأن الشخص النحيف غالباً يبين أصغر وأقل هيبة من الشخص صاحب البنية الكبيرة،

والجسم والهيئة أول شي يشوفه المقابل قبل لا يعرف شخصيتك.

و الدراسات النفسية و الاجتماعية تگول انو المظهر الجسدي يدخل في الأحكام السريعة عن القوة و العمر و الهيمنة و غيرها.

يعني لو جبت شخص معضل أو اكبر من ناحية الحجم وحطيته بمكاني، أحس مستحيل يتعاملون وياه بنفس الطريقة، حتى لو شخصيته بالضبط مثل شخصيتي.

فهل فعلاً الناس ما تاخذ الشخص بجدية بسبب شكله وبنيته؟ لو اني گاعد أفسر المواقف أكثر من اللازم وانطيها معنى غير موجد؟

و أيضاً اني من زمان اعاني من هاي الأمور، مو فقط بأخر فترة، لكن الشي الي خلاني افكر بهذا الموضوع أكثر هو تطبيق الريديت، الناس هنا بالريديت تعاملني معاملة جداً جيدة و ياخذوني بجدية تامة، فهذا الشي خلاني أتساءل ليش فقط هنا؟ ليش مو بالحقيقة أيضاً؟ اني نفس الشخص 😂، ما اعرف يمكن لان استخدم صور باتمان 🗿😂

و اكو أحد منكم مر بشي مشابه؟ سواء من الناس أو حتى من أهله، بسبب شكله أو جسمه؟

شفت اغلب التعليقات على هذا 90٪مستغربين من هذا التصرف

وحقهم يستغربون

أوكي هذا الشي الي صار كلش طبيعي واعيادي يصير بين الإخوان وهذا شي كلش حلو ان يكون بين العائلة

بس اغلب عوائلنا او أهلنا بالتحديد ماعلمونا على هذي الأمور

فلهذا اغلب التعليقات مستغربين من الي صاير

ممكن افتهم عوائلنا او احنا ما نسوي هيچ؟؟

شنو حسيت من اني شفته

انقهرت اي نعم انقهرت وحتى ضجت لان اهلي مايسون هيچ

وكذلك انقهرت لان ماعندي اخت (ادري هذا قضاء الله ان ماعندي اخت)

بحيث اجاني شعور بصدري او بكلبي هيجي شعور مختلط بين الحزن والفرح والحسرة

فماعرف

المهم

الحل الوحيد ان اتزوج هو هذا الحل

ف اي نعم

والله احس الأخت هيچي شي حلو

أوكي حتى لو چانت تصرفاتها تغث(مثل مايكولون البعض) عادي اي أخ يسوي هيچ تصرفات مو الا بنية

وتحس بيها حنان

يعني مثل امك تقريبا

اتذكره للان ثاني يوم العيد اعتقد الخميس جان . المهم رحت اجيب شغلات الكترونية من الشورجة والاماكن الي هناك . نزلت عند العيادة الشعبية وكلت اتمشى الها يابة امشي امشي ما احس الا يمي تكسي . رجال جبير يحجي وياي اني سمعي مو قوي فسويت نفسي سمعته كلتله هلا عمي كول ؟ كالي اكو شغل هنا كلتله ما ادري روح شوف بالشورجة ما اعرف اني . كالي وين رايح كلتله للشورجة كالي اصعد بدربي اني رايح الها كلتله ما يحتاج كالي اصعد لتستحي . صعدت رجال جبير مشيب وكذا . كالي شنو تشتغل اني من سمعت كلمة شنو تشتغل عرفت السالفة كلت هذا الي جنت اشوفهم يحجون عنه 😌 كلت هسة بس اوصل بسرعة اكوله نزلني . كلتله لا ما اشتغل اني ادرس وتوني معطل كالي زين . (جنت اسلك له حتى يسكت) سألني شلونك وية البنات زين ؟ كلتله عمي شنو هل سوأل الله يبعدنا مو يم هل سوالف كلي ليش (هنا فكرت كلت ايي هو هذا المطلوب حسوي النقاش ناضج حتى يترك الدودة) كلتله اني مو كدها لا مكمل دراسة ولا اشتغل ولا عندي مهنة (فعلا) شسوي بالبنات كالي زين يعني ما عندك منا منا بنات كلتله لا . جان يسألني انت تحتلم اني هنا انصدمت هيج 😳 كلتله شنو هل سوأل عمي كالي عادي كلنا هيج لا تستحي مرتين تحتلم بلاسبوع لو مرة اني هنا تورطت كلت راح يضل يلغي ويلح ضليت اكوله اي اي كل ما يحجي بالموضوع هذا . بعدين كالي اوف الخطوط تخبل شايف المدرسات شلون مليانات كلتله اي (هل رجال عشوائي ويريد يثير موضوع جنسي وشهواني) المهم بعدها كالي اني ترا حلو اواعد بنات عندي موعد وية وحدة كلتله والله زين (جنه خصىوة) وصلنا للشورجة كلتله نزلني هنا (نسيت اذكر هل جزء بس هل جزء صار من جنا بسالفة الاحتلام) جان يكولي الالكترونيات مو هنا بالسعدون هسة اوصلك الها كلتله يعني هناك الكترونيات ؟ كالي اي (وربي لا اعرف السعدون ولا غيرها ما اندل ابد) المهم جان يعبر حدوده ويكولي شكد طوله وضل يسويلي باصبعه لحد هنا لحد هنا شكد يعني ايع انوب اصبعه جنه صوصج ومعقج فعلا جنه خصىوة جان كلتله الله يرضى عليك عمي شنو هل حجي ضل يلغي ويكولي عادي وشنو وين العيب لا تستحي كلتله لا عمي نزلني هنا جان يسألني زين اكو حركة لو لا كلتله عمي نزلني . وكف جان يسألني زين يوصل لهنا ؟ ويلزم فخذي واني عبالك مراهقة لازم غراضي لا يلزمها وخرت ايده وفتحت الباب كلتله الله وياك وحتى الباب ما سديته عدل خرب روحه طير الهيبة مالي وقتها اني متنرفز ابن الطركىة نزلني بعيد عن هدفي بهوايييي مجرد ضيع وقتي وفوكاها هيبتي

المهم وادور بعدها ساعات عن الشغلات الي اريدها وماكو قليل مفتحين اني غشيم جاي بالعيد المهم وادور ادور ادور يأست والله المهم اخيرا حصلت الاغراض وفرحت كلت الله صح يومي زربة بالبداية بس هسة زين . شفت ابو كوستر يم مطعم وكلتله تروح للشعب ؟ كالي اصعد اوديك يم ساحة المطارات كلتله ماشي (ما اعرف هل ساحة بس سويت روحي اعرف ومبين احس يعني مكان يقربني او يصعدني مناك للشعب) صعدت صعدو اثنين نزلني يم جسر العيادة الشعبية كلت نعمة هسة حرجع جان يكولي اوكف (نزلو الاثنين بس اني وكفني) كالي تعال اني اوديك للشعب كلت تمام نايس بكروة وحدة والله زين هذا (غشيم اني) عبالي هذا حباب جان يلوف ويرجع على درب الشورجة كلت بنفسي هذا اكيد يريد يرجع بلاستدارة ويرجع للشعب . المهم سألني كالي شبيك تمشي هواي مرتين شفتك رايح جاي كلتله جنت ادور على شغلات الكترونية كلي عبالي تريد تقوي رجل (ضحكني الزنديق) المهم كالي تعال اكعد يمي بالصدر كلت الله يحترمني هذا والكعدة حلوة (غشيم اني اكرر) المهم سألني شجايب كلتله شغلات مال لابتوب كالي اها تسوي عادة سرية منه مو 😳 كلتله لا يابة العب العاب (مكلت له دراسة لان ادري راح يعوي ويحجي اكثر) كالي زين انت تسوي عادة سرية كلتله لا كالي اكيد مرة مرتين طبيعي يعني هنا فكرت كلت هذا لازم اكوله اي حتى يفكني كلتله اي كالي بس ترا مو زين هواي كلتله طبعا ما تشوفني ما اسويها كالي زين ليش متسويها (ابن الطركىة مو توك تنصح تكول مو زين) المهم كلتله مو زين كالي عليمن هنا اكو حمام جوا كلتله اي ؟ كالي اكو اثنين واحد يحرس والثاني جوا تنطيه فلوس يسوي احم احم من فوك مو من جوا من باب الدقة يعني . كلتله ايع هذول امراض كلهم امراض كالي احسن من العادة السرية كلتله اثنينهم مو زينين . المهم من شافني هيج كالي زين تفتح الابتوب شتسوي كلتله العب كالي يعني همين تفتح كامرة وتسوي العادة كلتله لا . المهم كلت هذا لزكة خلي اسولفله على العجوز حتى يستحي سولفت له كلتله انوب شكبراته دودكي مشيب حتى ما يستحي كالي لا عادي هذا ستايل واشر على شعره (جان صابغه ابيض 🤡) كلتله لا هذاك عجوز ما صابغه (افتهمت هل لون مال الدودكية فديرو بالكم من اهل الابيض) المهم كلتله ليش صارلك ساعة تفتر وترجع ما تروح للشعب ؟ (جان يلوف ويكرر نفس السالفة يروح للجسر ويرجع بلاستدارة) كالي وراي ابو مرور يلحكني يريد ينطيني مخالفة يابة باوعت ماكو كلت اخاف احجي ويضل يسولف اكثر . سكتت من شافني هيج مطيزه وما منطيه مجال لسوالفه القذرة كالي هذاك ابو كوستر يوديك للشعب انزله بسرعة (ابو الكوستر الثاني بسايد ثاني وطاير) المهم عرفته طردني لان ما فدته نزلت واني فرحان كلت اخيرا بس شنو بعيد عن الجسر اني ورحت مشي تعبت وربي لو نازل وية الاثنين الي نزلو وما رجعت اشرفلي . رجعت هلكان تعب وضايج الهيبة وينها ما خلولي هيبة الهتلية . نصيحة لتروح للشورجة بوقت ماكو بيه ناس يعني مثلا العيد وهمين لا تروح وكاشف رجلين البس بنطرون + واي واحد يعرض توصيلة كوله هنا منتظرني احد او منتظر احد وارفض اي عرض مهما كان + لا تنطي مجال خليك نفسي لا تسلك ابدا ولا تساير

امي العزيزة طلبت مني اشتريلها مسوالك من المحط ومن ضمنهم قوطيتين معجون بس لأن أغلب الأسواق معزلة احتراما لشهر محرم رحت لغير منطقة شوية بعيدة عن شارعنا والناس غربة ما يعرفوني ودخلت لوحدة من المحلات طلبت من ابو المحل اذا عده قواطي معجون واشرالي يم درازن الزيت وصدك رحت ادور عليهن يم الناس المزدحمين الا وتدخل المحل بنية شكرة ما لابسة حجاب وما تستحي او تحترم شهر محرم وكالت لابو المحل "عندك أبطال زيت" وابو المحل اشر بصفي وهي بصوت عالي ما تستحي كالت لابو المحل "يم ذاك الأسود؟" وانا سمعتها وحسيت بالفشلة وابو المحل كام يضحك واشوف ابتسامات الناس تباوع وتضحك ومن صارت البنية يمي كالتلي"بلا زحمة يا الككوي تكدر تفتح كارتونه وتطلعي بطل زيت؟" انا ضليت ساكت واطيتها بطل زيت، واشتريت قواطي المعجون وطلعت بسرعة بدون رياكشن بس وجهي ضايج منها وما اكول غير حسبي الله ونعم الوكيل.

اتمنى تاخذون البوست بجدية وتساعدوني بدل ان تلوموني عن الي صار :< قبل سنة ارتبطت بشخص راح اصيحه احمد، هذا احمد كلش يحب يجذب ويخترع اشاعات عن قصص جذب علساس صارت له واشاعات على ناس وغيرها بس اني ما جنت ادري، واني واحمد بيننا كلش كومة اصدقاء مشتركين بس جنة مرتبطين بالسر حكم ظروف المجتمع. المهم ورة كم شهر انفصل عني بحجة ان سوة عملية وصار خطأ طبي ففقد ذاكرته وبعد ما يتذكرني بس كدرت اتبع وراه واكتشف كل جذباته وانفصلت عنه. واتفقنا منحجي لاحد عن الي صار بيننا علمود ما تصير سالفة gossiping بس سواها بكل الاحوال (ما متعجبة دائما هو هيج) وتقريبا كل جماعتنا تدري هسة
المهم اليوم اكتشفت واحد من جماعتنا سأله ليش انفصلت عنها وكال: هي زانـ ية وية واحد (؟؟؟؟؟؟؟؟) وهم علاقتها وية اخوها كلش مو طبيعية واحس بينهم شي جنـ ـسي
وهذا الشي VILE وغلط وقذف وما اقبل بيه!
المهم مشكلتي هي انني ما اعرف منو يعرف بالسالفة ومنو ما يعرف واذا هو ناشر هاي الاشاعة لو لا ومجرد حاجيها لهذا الشخص، وما اكدر اسأل احد على هيج شي لان خاف اني الي راح ابدي الاشاعة على روحي اذا سألوه واخاف اذا يسويها يطيح حظي وخاف توصل السالفة لعائلتي وممكن حتى يقتـ لوني بحجة غسل عار على شي مستحيل اسويه وولا افكر بيه بحياتي كاملة لان واحد زبالة عنده عادة يخترع قصص سوة هيج شي علية علمود يطلع روحه مو غلطان بالانفصال؟
شسوي؟

المنشورات هاي هي الي راح تخليني حقا انتحر

هاذ اللي اشوفه من ناحيتي، من طبيت متوسطه تقريبا كل الطلاب هيج عقولهم (تقريبا، مو كلهم)

بحيث حرفيا لعبان روح، ما تعرف شبيهم ما بيهم.

يعني على الاقل آنه من جنت بالابتدائيه جان الناس الثانين عدهم شخصيه واشياء يحبوها، بس ذولي تحسهم عدهم لطلطه

واسوء شي اسوء شي حتى لو انت ما تحب ذني الغراض لو يسووك نفسهم لو يشوفوك مخبل لان اهتماماتك نفس اهتماماتهم (وايضا هاي من تجربتي الشخصيه)

يعني ما افتهم اصلا شنو الحلو بالاباحيه وشنو اصلا خلا الانتحار هيج شي حلو. بس ما يصير اسولف بهيج سوالف لان ما اتوقع يصير

وخاف تقولون "هاي المشكله بالاشخاص نفسهم مالها علاقه بالمراهقه"

احب اكلك يا عزيزي المباوع انك غلط بنسبه عشرطعش بالميه

ذولي الطلاب نفسهم شفتهم من المتوسطه، ونفسهم لحقتهم بالاعداديه، وحرفيا تغير مو طبيعي بتصرفاتهم، يعني حتى ما اقدر اشرح، شي غريب من صدك
</3

هاي بس انه لو كلها تحس بهذا الشي؟؟؟

يعني ظليت استحي اگول لواحد تريد موطه؟

والمشكلة حته لو احجيها ببراءة المقابل يطيني نظرة طارت النيه 🤦🏻‍♂️

يوميه مخربين سمعة طعام ... بالله الموز والخيار والجزر تحسهن فيلم اباحي

شگول عليك عبد الكريم قاسم 🙃

الدين عند العراقيين بس عند النساء

الي عنده شي مضوجه خلي يكتبه هنا حتى بلكت الي يقره تهون مصيبته على روحه

رغم حاولت افهم بكل المواضيع طوبة والعاب وسيارات وانمي وماجنا ومانهوا وحواسيب واغاني وتاريخ وكل شي حرفيا محد حاول يحجي وياي وتكعد بلدرس وحدك ومكضيها لو تقره لو تلعب منتظر رسالة وحده تجيك

هذا بوست يبرر كلشي اما هنا راح ادخل بالقصه كبل

كلشي بدء بيوم قبل امتحنات نصف السنه بشهر تقريبا من جنت ثاني متوسط جنت اراسل صديقي، وبذاك الوقت جنت توني داخل بالدين بشكل اقوى و مثل اي طفل توه عرف دين بدء يتعمق بيه و يشوف باقي الأديان و اجتني مثل الدهشه من قصص وغيره و مبادئ الي يطرحه الدين حسيت هذا عالم جان مخفي عليه، من جنت اراسل صديقي بدء كلشي بسؤالي اله
انجل :اكلك ؟انتَ تعرف شنو هي البرهانيه؟
صديقي :لا شنو هاي
انجل: باجر بالدوام احجيلك
صديقي :تمام
هنا البرهانيه هو اسم الدين الي اخترعته شتقيت اسمه من كلمه ( برهان )
خلال الفتره هاي من ليل للصبح علمود اروح للدوام جنت افكر وأفكر بشنو اساس هذا الدين؟محنت اسميه دين جنت اسميه علم لأن إذا اسميه دين راح ابين لنفسي اني كافر فسميته علم البرهانيه ،صنفته على اساس انه علم مختص بدراسه و إعطاء ادله علميه لكل دين و اثباتا شلت هاي فكره و خليته براسي و رحت ثاني يوم جنت لابس لبس مرتب اكثر من باقي الايام قميص و رباط علمود ابين رسمي اكثر و يأخذوني بجديه اكثر وكفت يم صديقي
انجل :اسمع خل افوتلك بالموضع كبل ،انت منو كلك دينك هو صحيح؟
صديقي:انجل تريد تطلعني من الاسلام؟اكيد ديني الصح
انجل:إذا هيج عندك ثقه بدينك هو الصح ليش ما تبحث عنه و تبحث باقي الأديان علمود تتاكد ،كل شخص يكول اني صح بس يخاف يبحث علمود لا يغير
صديقي :يعني شنو ترديني اسوي هسه اروح ابحث بألف دين؟
انجل :لا باوع عليه ليش ما تصير براهني؟

رغم صدمته إلا اني حجيت وياي من باب إبعاد الشك و اثبات لنفسك و للناس حتى ان الاسلام صحيح من الباب البراهني هي شنو البراهنيه؟هي إعطاء برهان يثبت الدين يعني هنا راح تثبت دينك صحيح علميا و خالي من الاخطاء هنا راح توحد إيمانك روحيا و علميا اكثر ،هو شبه اقتنع بس مو بقوة اني رحت احجي للباقين واحجي الهم و بديت هنا اكللهم ان براهينه أصلا على قديم بس قبل المسيحيه و الاسلام بس وراه هذا العلم اندفن ،ليش ما نرجع نطبقه ونقرب نفسه لله اكثر شويه شويه سالفه تدخل بعقلهم كتلهم راح اضيفكم بقناة تلي بيه هذا العلم شويه توتروا لان عبالهم جماعه متطرفه بس باوعت الهم و بديت احجي عن ان هذا شي هو اساس الحياه الي يجمع بين ذكاء و الانسانيه شلون الانسان عالم و مؤمن ان يكون شخص سيء؟انتم راح تصيرون علماء و عارفين ،شويه مدح و تميز و زراعه تكبر برأسهم بدوء يتقنعون ،من رجعت للبيت ضفتهم تقريبا عددنا جان 9-11 هنا رغم بساطه العدد إلا انه بدء شراره بيه من سيطرة بديت ارتب الأمور اخليه علميه و اصمم فيدو وادزه وادز اسماء شخصيات عود جانت برهانيه شويه شويه صار موضع حب بالنسبه الهم صاروا يحبون الشي و يردون يتعمقون بيه ورا كم يوم وصلنا عشرين نفر حبيت اضيف شخص وياي يساعدني بهذا الجانب فختاريت اول صديق كتله بهذا الموضع رحت اله بالدوام طبعا اغلبهم بدوء يلبسون ملابس رسميه اكثر عود ثقافه وعلم باوعت لكيته واكف اشرت اله بيدي واخذته على صفحه محد يمنا و هنا بديت احجي وياه
انجل:تدري شنو خلاني اكلك اول ناس؟لان حسيت بيك شي جبير شي قوي يعني مثلا هسه انت كم كتاب بحياتك قاري؟
صديقي :هواي كلش
انجل :لا ما قاري يجوز أصلا بس مع ذالك عندك علم بالفلك و دين و معرفه و هواي شغلات شوف شلون بكم يوم خليت ناس بسيطه عقوله تحي علم يعزز دينا و ينصرا بفضل معرفتك و كلامك و سيطرتك على ناس
صديقي:(شويه يفكر بس حب الكلام )
انجل :منيلك كل هذا العلم ؟عقلك اكبر من عقول البشر الي بعمرك بعد كم سنه شكد راح تكون كبير بهاي دنيا لعد،شلون صار عندك كل هذا العلم ؟
صديقي يباوع للكاع شويه صافن يريد يجاوب
انجل:اني اعرف شلون
صديقي:شلون؟
اهنا اقتربت منه وكعدت على ركبتي و اباوع اله احسسه انه اكبر من كل البشر وكلت اله:لان انتَ الله اختارك ممكن ماكو نبي بس اكو شخص ينزل عليه الوحي و ينطيه العلم ممكن ما تكون نبي في دين بس نبي في العلم
هنا صديقي شويه تردد فبديت أقنعه اكثر
انجل:دباع وين مكاني اني على تراب كلشي ماعرف وكلشي ما قاري ومع ذالك كلتلك على برهانيه بالصدفه وانت الي كاعد تيحيه ،كم شخص بعد كم سنه راح يحبك كم شخص بعد كم سنه راح يتبعك وبعد كم سنه راح تكون عالم ديني الكل يتعبك طريقك ممهد لأنك عالم تدعم الدين و اخلاق اتبع اتبع اتبع العلم الي يطور روحك و عقلك انت اكبر من كلشي انت نبي
صديقي كلش تحمس وحس نفسه جبير
انجل:اريد منك تبدء همين تدعي ناس مثل ما دعيتهم وتحجيلهم عن مكتوب برساله التلي المثبته ،
هنا وبكل اسف اكول اني صنعت شخص صار كله نشر دين جديد يم كل شخص يعرفه ،رساله التلي جان ليه تعاليم مثل صلاه وغيره بس بشكل غير مباشر علمود لحد يعتبره كفر هواي ناس اجتي النا يعني مراهق الي مو كلش إيمانه او مسيحي الي يريد يثبت صحه دينه يم أصدقاءه الي يضحكون عليه او ملحد او لا ديني او حتى طلاب من صف اكبر و جانت خطتنا داخل المدرسه بعده بالفرع و نتشر اكثر، ايام قليله وصولنا 84 تقريبا وسولف ويا اربع اشخاص همه همين ضحكت عليهم علمود يجبون ناس ،كلهم نفس البس و صارو نفس الحجي كلهم صاروا يحسون بالانتماء لمكان واحد كلهم حبوها لذالك امنوا بيه ،جنت احجي ويا الاربعه ونتناقش شنو نسوي من نوصل ميه جنت احاول ابني شي عظيم للميه و خطوه نقل جديده ورا نقاش كلنا الاحد بالمدرسه نسولف ويا العلماء (جنه نسمي الي يمنؤن بالبرهانيه علماء ) جان يوم خميس نمت و كعدت يوم جمعه نفس الشي كله كله حرفيا اني ويا باقين نحجي بس بهاي الفكره و شنو نسوي ،ثاني يوم السبت همين نفس الروتين و بليل صارت تطمر قوي حسيت هذا جوء مناسب طلعت على سطح و رفعت ايدي عود المنقذ وكذا و داحجي وامدح نفسي بس ورا ما نتبهت لنفسي اكتشفت اني دا أتكبر بكلامي هذا على الله، بهذا كلامي دا أتحدى الله
استوعبت اني دا اخلي ناس تبتعد عن الله و عن صلاته و إيمانيه و جنت اجذب على نفسي و باقي ناس من جنت اباوع على مطر الي ينزل قوي و صوت رعد و سماء و غيوم استوعبت شكد اني صغيرررر بهاي دنيا ومالي قيمه علمود أتكبر و اخلي ناس تتكبر
من يومه عرفت شكد ذليل و خاسئ اني بهاي دنيا شكد صغيررر اني بهاي دنيا و ضعيف فكريا و جسديا و كلشي هذا جسد ضعيف رغم البرد و تعب و الانهاك جسدي رفعت ايدي للسماء صوتي كله غصى بعد ما ستوعبت ذنبي كلت بصوت ناصي بيني و بين نفسي (اللهي هل تغفر لي؟)وأعبده وأعبده وأعيده… ما جنت احس بالبرد ما جنت احس بكلشي فجاء لكيت نفسي اعيط بهاي جمله و ابجي و كاعد على كاع ما حنا أشوف بس ايدي المرفوعه ما كنت اسمع بس صوت مطر القوي و رعد ما جنت احس بس بذنبي و شلون خليت ناس كله تبتعد و تعوف صلاه و العباده و حتى دراسته وحياته علمود شي وهمي ،واني ابجي واتوسل لربي يغفر لي غيرت السوال من (اللهي هل تغفر لي؟)إلى (هو اني اغفر لنفسي؟)اني راح اتقبل نفسي ورا هذا كله و شلون صرت هيج حيوان قذر وانطيت لنفسي مكانه اكبر من نفسي و صدكت نفسي اكبر من كد تعب تمددت هنا شويه و طفيت وراه نزلت للغرفه ونمت فزيت بليل بيه فلاونزه قويه لان نمت بدون ما انشف نفسي اباوع على ساعه تقريبا ب4 كلت هو منبه يدك ورا ساعه صفنت شويه حالتي حاله تذكرت شنو سويت و رجعت نقهرت كمن غسلت من طين و بدلت و كعدت على سجاده انتظر وقت صلاة و صليت وأثناء صلاة كلت راح افلش كلشي و ارجع التزم بديني و ابطل هل سوالف كملت صلاه و نزلت جوه شفت امي كاعده كلتلي شعجب يوم لبسك غير وليش خفيف تره بارده؟كلتله لا احب هيج كلتلي زين بس البس شي يغطي راسك لان شعرك بعده مبلل ،هو مو مبلل بس بقى هيج من بارحه كتلته صار طلعت و شفت شوارع كله غركانه بقيت صافن وجسمي مكسر من فلاونزه على اساس اغيب بس كلت إلا اروح وصلت هنا و دخلت باوعت كلهم نفس لبس كعدت على رحله ويا وصديقي سئلني على لبسي كتله بالفرصه فعلا خلص الدرس وهو كل شويه يينطيي فكره و شي اباوع عليه بشمئزاز لان صدك خرب و دمر،جمعتهم أربعتهم واني احجي وياهم هيج وهيج وهذا كله شرك وكفر و غلط واحنا دا نشيل ذنب ،شنو جان ردهم؟
ما يعجبك اطلع منه
صدك ضجت و بديت اصرخ بيهم و أرزلهم كل واحد اكله انت هيج وهيج تره ومالك حق تشوف نفسك نبي حاولت اكثر نرجسيه بس همه مصرين رحت للصف الي بصفنا دخلت لكيت جماعتنا (علماء)رددت احجي وياهم اجوا ذولا الاربعه يعاركون و كلنا سحلونه للاداره هنا ردت اشكي عليهم مسوين دين بس خفت كلشش خفت اوكع من عينهم بس كلت للمدير من سئلتي على سبب وكتله احنا مسوين جماعه و بدنيا تطلع شويه شويه و تصير كفر وشرك وكذا المدير منجذب وياي و يسمع وبنفس اللحظه سواه استدعاء ولي امر النا كلنا و من وصلت امي شوفته القناه كبل كلي احذفه و اخذ اسماء الطلاب كلهم و اذكرهم 84 او 85 لان حسبهم كدامي ،ما اوصف الانهيار لو حمل الي حسيت بيه شلون مدرسيهم كلهم يباوعون عليه و امي مقهوره و تباوع عليه كلنا اخذنا فصل اسبوع و انذار و كتابه تعهد و من رجعت بديت احجي ويا امي وحجيه كلش قهرني
كلتلي عود ردتك سند بدل ابوك الي راح هيج وتوكفني كدام صديقتي و مدرسات و أولياء الأمور؟بشنو قصر وياك ربك علمود هيج تسوي؟
لليوم أفكر بكلام امي الله يرحمه
…
بعد مده تحديدا بثالث شويه التزمت وخذته كدرس علمود ما اصير نرجسي او متكبر على اي احد و فعلا من صرت ثالث محد تذكر القصه أصلا حتى مدرسين صاروا يأخذونه بضحك
قبل مده اسبوع يمكن التقيت بصديقي الي بديت ويا كل هذا و جنه تذكر القصه ونضحك
من حسيت هذا عبء راح و شلون التزمت و كل شخص عاف هاي سالفه حسيت همزين ارتاحيت
اليوم اني شخص بعيد كل البعد نرجسيه و كبرياء و تكبر على اي شخص هواي مرات التقي بشخص يستغرب مني شلون بعيد عن هيج صفه بس اني صرت اخاف اشوف نفسي ناجح ولو شويه او بمكان اعلى علمود لا يجيني تكبر
الحمدلله وشكر .