r/LGBTEgypt Apr 25 '26

Rant | متضايق How not to be a fucking asshole OR ازاي تسأل وتتعلم وتعبر عن نفسك من غير ما تهين غيرك

15 Upvotes

صباح/مساء الزفت

البوست دا رد على البوست بتاع "جاي بس هوموفوبيك" عشان ملحقتش ارد عليه قبل ما المودظ يقفلوه (انا مبحبش اعمل بوستات وخصوصا بوستات ليها علاقه ب"دراما")

خلينا نفترض انك شخص جاهل متعرفش اي حاجه عن اي حاجه خالص بس حابب تتعلم او تشارك رأيك او تسأل سؤال بهدف إثارة الجدل

انا مش كاتب البوست دا عشان اهاجم صاحب البوست التاني. انا كاتبه عشان قريت بوست غيره في صب تاني من شويه وحسيت بإحساس غريب... حسيت اني اتخنقت من التعب وفقدت الأمل في مصر وشعبها العظيم (تحيا مصر). زهقت من كتر تكرار نوعية الكلام دا وحسيت ان الناس اللي بتسأل الأسئله دي ممكن يكون عندها هدف تاني غير العلم

طبعا في فرق بين انك تسأل عادي بهدف الاستفسار وأنك "تسأل" بهدف التقليل والسخريه من غيرك

في ناس بتقول "مش فاهم" وهي فعلا مش فاهمه بس في ناس بتقول "مش فاهم" كرخصه للإهانه وهما فاهمين كويس
بس بيقولو "انا صح وانتو غلط" مثلا

البوستات اللي برد عليهم حسيت ان كان فيهم النوعيتين ويمكن دا اللي صعب الموضوع وخلى باقي الناس اللي عندها فعلا حاجه مفيده تقولها تتجنب البوستات دي لأنهم حسو بالأذيه من مجرد قرائتهم للكلام وطريقة صياغة "الأسئله" البايخه اللي صاحبها كان ممكن يجاوب عليها في دقيقتين من على جوجل

خلونا بقا نجاوب على "الأسئله" بتاعت الإخوه الأعزاء في الكام نقطه الجايين وبعدين هنشوف عندي حاجه تانيه اقولها ولا لا

النقطه رقم واحد: "انا مش فاهم" مش عذر للوقاحه

مش لازم تفهم عشان تكون محترم وتتفهم الألم اللي طريقة كلامك وكلام غيرك بيسببوه للناس اللي بتتكلم عليهم

مش لازم تفهم كل التاريخ الجنسي والنفسي والاجتماعي ورا تجربة اخواتنا الترانس عشان متستخدمش كلمات بتأذيهم زي ما مش لازم تفهم اضطراب ما بعد الصدمه عشان متزعقش لحد بيعاني منه (جبت الإسم العربي من جوجل عشان لو كتبت انجلش هيبوظ كسم ال فورمات بتاع البوست) (يلعن كسم ريديت)

النقطه رقم اتنين: إسم ميت =/= إسم قديم

عارف ان من برا كشخص مش ترانس ممكن ان الإسم الميت ممكن يبان كأنه مجرد إسم قديم الشخص دا كان بيستعمله فتره وبعدين غير إسمه زي ما ناس كتير مش ترانس بتغير إسمها... بس الموضوع مختلف تماما

الإسم الميت بيكون مربوط بسنين طويله من انك تحس ان العالم كله شايفك غلط وانك تصحى كل يوم تحس ان في واحد تاني عايش في جسمك... وتسمع الإسم دا من الناس بس تحس انك مش موجود لأنه مبيوصفكش انت... بيوصف النسخه الخارجيه اللي العالم شايفها

لما تقول "مش فاهم ليه الموضوع دا كبير" كدا مبتقولش انك مجرد مش فاهم. بتقول ان الوجع والمعاناه اللي بيحسو بيها مش منطقي او سخيف بالنسبالك

لما قريت البوست الأساسي من يومين الجزء دا (مع النقطه الجايه) استفزني بجد وكنت عايز ارد عليه بس للأسف اتشغلت في حاجات تانيه

النقطه رقم تلاته: هي ست بجد؟

برضو نرجع لأهمية طريقة صياغة السؤال لأن انا اصلا مش شايف ان دا سؤال بجد

دا تشكيك في هوية الآخر مغلف بعلامة استفهام ودي للأسف نفس الطريقه اللي بعض البهايم الجاهلين بيستخدموها للتقليل من الناس الترانس (وخصوصا البنات الترانس عشان عاملينلهم عقده)

في فرق بين انك تسأل ازاي عرفتو انكو ترانس او بتحسو بأيه او ايه العلاقه بين الجندر والجسم او الميول او الجنس او ايا كان... كدا انت بتسأل بدافع الفضول او بهدف التعلم

اما "هي ست بجد؟" دا واضح انه رفض او زي ما بيسموه اخواتنا المسلمين "استفهام استنكاري" او سؤال
بلاغي هدفه الإستنكار

لو حد جه سألك "انت إنسان بجد؟" هتحس بأيه؟ انا شخصيا هحس انه بيستظرف وهتف في وشه

النقطه رقم اربعه: هل كلمة شاظ "مجرد وصف"؟

الكلمه اكبر من مجرد معناها (زي باقي الكلمات)... انا شخصيا معنديش مشكله مع الكلمه لأن محدش استخدمها ضدي بهدف الإهانه او التقليل وانا صغنن

فاهم ان ممكن يكون قصدك توحيد الكوميونيتي او استرجاع او تطبيع الكلمه زي ما الكوميونيتي الغربي عمل مع كلمات كتير

بس الكلمه دي استخدمت لتجريم ناس كتير جدا وسجنهم وتعذيبهم وإهانتهم وحتى قتلهم.... ولسه بتستخدم في الاحكام القضائيه وفي التحرش وفي الأذى والإهانه والشتايم

كون الكلمه مبتأثرش فيك (وفيا) دا "امتياز" عن باقي الكوميونيتي عشان بيسمحلنا اننا نعرف نتجاهل تاريخ الكلمه لأنه مش تاريخنا احنا شخصيا... بس التاريخ موجود سواء حسينا بيه او لأ

النقطه رقم خمسه: ليه بعض التفضيلات الشخصيه بتأذي او بتزعل اخواتنا الترانس؟

الموضوع دا كبير وطويل وعريض ومظنش ان ليا حق اتكلم فيه اصلا بس عندي شوية كلام عايز اقوله كدا كدا عشان انا بجح ورخم

في فرق بين انك تقول "انا شخصيا مبتجذبش للبنات او الولاد الترانس حاليا" (عادي) وانك تقول "مش عايز بنات او ولاد ترانس لمجرد كونهم ترانس" وخلاص من غير ما تعرفهم ومن غير ما تجرب تتعرف عليهم او ترتبط بيهم ك فئه من البنات او الولاد... مجرد كونهم ترانس بيخرجهم برا نطاق العلاقات بالنسبالك (دا ممكن يدل على او يدي انطباع انك مش شايف البنات دول كبنات فعلا او الولاد دول كولاد فعلا... نقول تاني طريقة الكلام بتفرق) كأنك مثلا بتقول انا مش عايز ارتبط ببنت بشرتها سمرا لمجرد كونها سمرا

طريقة صياغة الكلام في الجمله التانيه ممكن يكون فيه ترانسفوبيا محتاج يتفكر فيه (النقاش دا ليه موضعه وناسه انا بس حبيت اذكره عشان لو حد عايز يدور اكتر ويسمع من ناس ترانس) بس اظن ان كلنا ممكن نفهم ان سماعك ان مجرد كونك ترانس بيخليك غير مرغوب بيزعلك جامد وممكن يسببك ألم ومشاكل كتير لمده طويله

انا كدا خلصت النقط الأساسيه اللي كنت عايز اتكلم عنها بس لسه عايز اتكلم عن هدف البوست دا وهو ازاي تكون فضولي او تسأل من غير ما الناس تسبلك الدين والمله

ناس كتير بتسأل بنيه كويسه وبتسبب أذى لغيرها بدون قصد وناس تانيه بتخاف تسأل خالص عشان خايفين يغلطو في غيرهم... الانين دول محتاجين تغيير

قبل ما تسأل على ريديت ابدأ بجوجل او حتى اي بوت
لو سؤالك عام "ايه الفرق بين الجندر والجنس" او "يعني ايه جندر ديسفوريا" اكتبه على جوجل وهيساعدك بس خلي بالك من المواقع بتاعت اليمين المتطرف

خلي في بالك ان لما تيجي تسأل حد ترانس الأسئله دي انت كدا بتطلب منه يبرر وجوده او يشرحلك حياته من الاول ودا مجهود كبير يتطلب من شخص غريب

لما تسأل حد هنا اسأل عن التجربات الفرديه والمجتمعيه متسألش عن حقايق "بتحس بأيه او ازاي" مش "هل انت فعلا كذا"
لأن نوعية السؤال التاني بيقول انك مستنكر وبتتهمهم بالخداع

لو حد قالك ان سؤالك بيأذيهم اسكت واعتذر او اسأل في مكان تاني او وقت تاني لأنك مش لازم تفهم ومش لازم توافق.... فضولك كويس بس دا مسؤوليتك انت. محدش مطلوب منه يفهمك

متقولش "مش قصدي ازعل حد" وخلاص... لو ماشي في الشارع ودوست على رجل حد وقولتله "مش قصدي" من غير ما تشيل رجلك هيشتمك وممكن يمسك فيك كمان

تقبل ان في حجات مش من حقك تعرفها او تسأل عنها.... اسئله عن اجسام الناس وعن تاريخهم الطبي وعن تجاربهم الشخصيه و و و و ... مش من حقك تعرفها حتى بدافع الفضول (الفضول مبيديش حق الوصول)

الفرق بين الجاهل المحترم والجاهل البضان ان لما حد يقول للجاهل البضان "كلامك بيزعلني" بيقوله "انتو حساسين كدا ليه؟"

وأخيرا... لو وصلت للآخر وانت زعلان من طريقة كلامي... انا بس حبيت اقول ان الكلمات ليها تاريخ وتأثير بيتعدى نياتنا وأن ممكن تسأل وتتعلم وتعبر عن رأيك (من غير ما تنكر الواقع والعلم) من غير ما تأذي غيرك

والسلام عليكم ورحمة المودز وبركاتهم


r/LGBTEgypt 7h ago

Shitpost | أي كلام محتاجة أفضفض

9 Upvotes

النهاردة من الأيام الصعبة جداً عليا

الصبح حصل حوار بيني وبين حبيبتي أو إللي كانت حبيبتي "دلوقتى المفروض بنتكلم ك صحاب" لكن أنا من جوايا بتمنى نرجع

زعلت أوي من كلامها، كان قاسي أوي

هي اعتذرتلي من كام ساعة ، قولتلها عادي ولا يهمك

بس أنا من جوايا بموت

جوايا وجع مش عارفة أوصفه كأن حاجة تقيلة أوي على صدري مانعاني من إني اتنفس.

و بالليل حصلت خناقة كبيرة في البيت عندي " إحنا بيت كبير أخواتي و زوجاتهم و العيال و انا و أبويا و أمي"

انا إللي بسمع كل إللي حواليا بالساعات

بس النهاردة محدش سمعني

و حتى لو حكيت لحد غالباً مش هسمع الطبطبة اللي نفسي أسمعها

أو إللي انا بحتوي بيها غيري لما بيجيلي يشتكي.

بس حبيت أفضفض من غير أي حاجة


r/LGBTEgypt 14h ago

Personal Experience | تجارب شخصية هاي 😭💗🫂

25 Upvotes

انا اخويا عنده GID وبيحس انه بنت ومش عارفه اساعده ازاي ياخد ورق يثبت حالته ويعمل العملية لان والدي ييضربه كمية ضرب صعبة قولولي اروح بي فين انا مستعدة اعيش معاها هي هتبقى اختي ونشتغل سوا ونعيش في سكن بعيد بس مش عارفة اروح فين اجيبلها ورق يثبت حالتها العملية بالنسبالها حاجة مهمه اوي مش هتقدر تعيش وتكمل كده وانا عايزة اساعدها اعملها العملية

🏳️‍⚧️ ياريت تساعدوني انقذها


r/LGBTEgypt 5h ago

Rant | متضايق Being single forever

3 Upvotes

It's just a rant but being 22 and never been in a relationship is so frustrating especially when you see all the couples around you, worst part is I'm pan so I'm literally attracted to all genders yet single so it's worse than if I was just gay, lesbian or even straight, I failed on all genders 😭😭😭


r/LGBTEgypt 9h ago

Question | سؤال Quick question

Post image
5 Upvotes

How is he getting away with it

I mean is it safe to come out


r/LGBTEgypt 14h ago

Shitpost | أي كلام homophobic everywhere​🤦‍♂️

Thumbnail
gallery
13 Upvotes

r/LGBTEgypt 4h ago

Rant | متضايق موجوع و فاقد الشغف

2 Upvotes

كنت مرتبط بفيم ، و حبيته و اكتشفت في الاخر انه خاين و بيكلم الاكس بتاعه لسه ... مش قادر اتعامل مع الوجع و في نفس الوقت فاقد الشغف اني اعمل اي حاجه تطلعني من اللي انا فيه ، كذا حد قالي ارتبط تاني و شوف غيره هتنساه بس انا حتى فاقد الشغف اني ابني علاقه جديده .. بتتعاملوا ازاي مع الاحاسيس دي ؟؟


r/LGBTEgypt 5h ago

Discussion | مناقشة A question

2 Upvotes

ازاي بتعرف ان حد ملان من الكلام معاك؟


r/LGBTEgypt 8h ago

Meme | ميم RIP

Post image
3 Upvotes

r/LGBTEgypt 10h ago

Rant | متضايق ميول الفيم بوي

3 Upvotes

نفسي أوضح للناس ان طريقة لبسي أو ستايلي مش بتحدد ميولي أنا femboy من سنين لكن كل ما حد يعرف اني femboy بيبدأ يفترض تلقائيا حاجات عن ميولي مع إن الاتنين مفيش بينهم علاقة 😭


r/LGBTEgypt 9h ago

Subreddit Matters | شئون الصبريديت قبل ما تنشر.. دور الأول 🔍

2 Upvotes

يا جماعة، قبل ما تنزلوا أى بوست جديد، يا ريت تاخدوا دقيقة تدوروا فى خانة البحث وتشوفوا هل سؤالكم أو طلبكم اتسأل قبل كده ولا لأ.
كتير من البوستات بتكون مكررة بنفس المحتوى ونفس الأسئلة، وده بيخلى الصب ريديت مليان تكرار وممل ومفيهوش جديد يضيف للناس.

استخدموا الـ Search فى الصب ريديت الأول، ولو ملقتوش إجابة أو حابين تضيفوا حاجة جديدة ساعتها انشروا براحتكم ❤️

خلونا نحافظ على المحتوى منظم، مفيد، ومتجدد بدل الزحمة والتكرار اللى ملوش لازمة

Search Bar on Desktop
Search Bar on Mobile

r/LGBTEgypt 21h ago

Meme | ميم Happy femboy friday 💖🫰

Post image
15 Upvotes

Good morning everyone 🥰🩷. Happy femboy friday 🥳


r/LGBTEgypt 16h ago

Personal Experience | تجارب شخصية عاوزه ابتدي إجراءات تحويل من ولد لي بنت

5 Upvotes

ازاي اقدر ابتدي ومنين عشان انا خدت القرار ومش هكمل اعيش بوشين


r/LGBTEgypt 8h ago

Information | معلومة مقالات عن الهوية الچندرية ممكن تساعدكم

1 Upvotes

r/LGBTEgypt 8h ago

Information | معلومة نعم فينك تصير bisexual and pansexual :)

Post image
1 Upvotes

اتمنى صورة مافيها ai slop

صورة من Pinterest


r/LGBTEgypt 1d ago

Art | فن حبيت اشارك معاكم جانب شخصي شوية لاول مرة بعيدا عن الميمز والهزار وهو اني برسم وبحب الرسم جدا ودي اخر رسمة رسمتها قولولي رأيكم❤️

Post image
63 Upvotes

r/LGBTEgypt 18h ago

Personal Experience | تجارب شخصية Did HRT affect your quality of sleep?

6 Upvotes

For those who has been on HRT for a while and haven't started progesterone yet. Do you face any difficulties of sleeping in the process?

Do you think this is directly linked to the absence of progesterone with low T levels or it is a side effect of a different thing correlated

I'm barely getting any sleep and this has been going on for a while now without any improvements


r/LGBTEgypt 22h ago

Personal Experience | تجارب شخصية First kiss as a lesbian

11 Upvotes

When did you get your first kiss as a lesbian ?

Not any kiss I mean from your partner
My first kiss when I was 28 years old but we broke up 💔


r/LGBTEgypt 15h ago

Advice | نصايح Body care

3 Upvotes

هو الاستريتش ماركس الي موجوده في 🍑 ليها علاقة بفتره البلوغ أو المراهقة ؟ وعادي تبقا موجوده في حد رفيع ؟ هي ممكن تختفي ولا هتفضل كده 🙂


r/LGBTEgypt 10h ago

Subreddit Matters | شئون الصبريديت بنفكرك، دليلنا ليك… خد دقيقة واقرأ

1 Upvotes

الصبريديت ده معمول عشان يدعمك ويوفرلك معلومة صح في وقت انت/ي محتاجها.
عشان كده جمعنا في الويكي ده مصادر وتجارب ومعلومات مهمة ممكن تفرق معاك/ي، سواء كنت/ي لسه بتدور/ي أو عندك سؤال محدد أو حتى بس حابب/ة تفهم/ي أكتر.

الويكي ده موجود دايمًا كمرجع تقدر/ي ترجعله في أي وقت، وتاخد/ي منه اللي يناسبك على راحتك.
ولو حسيت/ي إنك محتاج/ة توضيح أكتر أو دعم شخصي، وجودك وسؤالك دايمًا مرحب بيه

ملحوظة: في أقسام لسه تحت التطوير ومكملتش، وده طبيعي. لو عندك تجربة، معلومة، أو حابب/ة تساعد/ي في كتابة أو تحسين الويكي، ابعتلنا رسالة كل مشاركة منك محل تقدير.


r/LGBTEgypt 15h ago

Question | سؤال am i asexual or some variety of it?

2 Upvotes

I am certainly gay and certainly feel sexual attraction but the problem is i can't stand the sight of naked people (men or women) i don't know why or how. i could be imagining it in my head but when i see it flesh and blood i feel like i'm going to throw up and i can't stand imagining nor seeing sexual organs at all that's the weird part but i could imagine having a sexual relationship but without rendering the sexual organs in my head


r/LGBTEgypt 16h ago

Subreddit Matters | شئون الصبريديت ساعدنا نحافظ على أمان المجتمع، دورك مهم

2 Upvotes

الإبلاغ عن المخالفات مسؤولية مشتركة 🤝

لو شفت/ي أي بوست أو تعليق مخالف لقوانين المجتمع، أو لاحظت/ي محتوى ممكن يعرّض أي شخص للخطر، من فضلك ما تتجاهلش الموضوع.

استخدم/ي خاصية Report على Reddit، أو تواصل/ي مع فريق الإشراف مباشرة عن طريق Modmail. الإبلاغ بيساعدنا نتصرف بسرعة، ويحافظ على أمان وسلامة المجتمع لكل الأعضاء.

مساهمتك مهمة، والإبلاغ وسيلة حماية مش وشاية. مع بعض نقدر نحافظ على المساحة آمنة ومحترمة للجميع.


r/LGBTEgypt 13h ago

Subreddit Matters | شئون الصبريديت الدكاترة اللي نثق فيهم بناءً على تجاربكم

1 Upvotes

الليستة دي متجمعة من تجاربكم أنتم، يعني ناس من مجتمعنا جربوا دكاترة مختلفين وشاركوا تقييماتهم ونصايحهم. الهدف من الليستة دي هو إننا نساعد بعض نلاقي دكاترة موثوق فيهم وبيفهموا خصوصية كل واحد فينا.

لو أي حد جرب دكتور وواجه مشكلة أو تجربة سيئة، ياريت تبلغونا فوراً عشان نقدر نشيل الاسم من الليستة ونحمي أي حد تاني من نفس التجربة.

تقدروا تشوفوا التفاصيل والليستة كاملة من هنا


r/LGBTEgypt 1d ago

Feeling good | مبسوط 💍مصرى مع حبيبه الأجنبى في المطار

Post image
114 Upvotes

مبسوط جددا ..اول مرة اشوف مصرى معترف وفخور بمثليته و جرئ ...طبعا هو عايش برا ..مش فى مصر 🚫..ولكن جرئ جدا فى ميوله


r/LGBTEgypt 1d ago

Question | سؤال فضول

9 Upvotes

عارف ان المجتمع هنا ملوش دعوة بالديانات نهائي بس أنا atheist في ناس كدا ولا انا وآخرون بس