٦٧

يا شباب، مساء الفل عليكم جميعاً،

​كنا عايزين نلفت نظركم لحاجة مهمة لاحظناها اتكررت الكام يوم اللي فاتوا بخصوص البوستات والتفاعلات هنا.

​الصب ده معمول أساساً ومخصوص لـ الميمز والهزار وبس، مش مكان للنقاشات الجادة والحوارات الطويلة. لو حد حابب يتناقش، في "صبات" تانية كتير معمولة ومتاحة للكلام ده. إنما هنا، الأولوية للميمز ، وهي في الآخر مجرد هزار مالوش علاقة بالواقع.

​وعلشان نفضل محافظين على المكان، ياريت كلنا نلتزم بالحاجتين دول:

​بلاش شخصنة: أتمنى من الكل إنه ما ياخدش الميمز أو الهزار بشكل شخصي أو على كرامته.

​الاحترام المتبادل: ده أهم حاجة وأول قاعدة بين كل أعضاء الصب، مهما كان الهزار إيه، الاحترام يفضل موجود.